1 Samueli 7:3 - Gourmanchéma Bible

³ Samueli den yedi Isalele yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo *Asitate leni bi nilanba n ŋua yaa *buli kuli. Yin ŋoadi mani U Tienu leni yi pala kuli ki yaa tuuni wani bebe yaa po, lani o baa faabi yi Filisiti yaaba nuu nni.»

U TIENU MAAMA TILI 2013

³ Samueli den yedi Isidayeli yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo Asitate leni bi nilanba n ŋua yaa buli kuli. Yin ŋoadi mani Li Miali Diedo leni yi pala kuli, ki yaa tuuni wani bebe yaa po. Lani, o baa faabi yi Filisiti yaaba nuu nni.»

1 Samueli 7:3 ပူးပေါင်းရင်းမြစ်များ

Mi cilima 35:2

Jakobo den yedi o diegu nni yaaba leni yaaba n den ye leni o kuli: «Ñani mani i *buli yi n ye yikani, ŋanbi yiba ki lebidi yi tiadi.

1 Bi Badiba 11:33

N baa tieni la kelima Isalele yaaba ŋa nni ki pugi Sidoni yaaba bulo Asitate leni Moabi yaaba bulo Kemosi leni Amoni yaaba yaa bulo Milikomi. Baa cuoni n sani nni ki tieni yaala n tiegi npo, baa kubi n balimaama leni n mabilikaama nani Salomono baa Dafidi n den tieni maama.

1 Bi Badiba 8:48

bi yaa guani a kani leni bi pala kuli leni bi yantiana kuli, bi yibalinba diema nni, ban gedini ba ti yonbidi naani yeni, bi yaa diidi ŋan den puni bi yaajanba yaa diema leni ŋan den gandi yaa dogu leni min maa apo yaa diegu ne po ki jaandi a,

2 Bi Badiba 17:39

Ama yin fangi Li Miali Diedo yi Tienu. Lane o baa ga yi yibalinba kuli nuu nni.»

2 Bi Badiba 23:15

O den tudi ki luni Nebati bijua Jeloboami, yua n den kuani Isalele yaaba ti *tuonbiadi nni, n den maa yaa padibinbinli Betela juali yuli po. O den mumudi li tana hali ke a tua yoma, ki sia ban den caani yaa dafoagidigu o bulo Akela po.

1 Bi Badiba Jama 22:19

Moala yin lingi Li Miali Diedo yi Tienu leni yi yantiana leni yi pala kuli ki fii mani ki maa Li Miali Diedo yi Tienu *kaangagidiŋamu ki nan fidi ki ban taa Li Miali Diedo *ŋantaadikpaku leni yaa tiadi n gagidi U Tienu po, ki kuani yaa diegu n baa maa Li Miali Diedo yeli nni yeni niinni.»

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

2 Bi Badiba Jama 19:3

Baa yeni, yaala n ŋani baa ye a niinni, kelima a ñani *Akela *buli daadi yaadi n den ye mi diema nni. A go baa ŋua U Tienu leni a pali kuli.»

2 Bi Badiba Jama 20:33

Ama waa den bolini yaa *buli padibinbina n den ye a juana po. Li yaa po den teni ke bi niba naa den ŋoadi bi yaajanba Tienu leni bi pala kuli cain.

2 Bi Badiba Jama 30:19

«Li Miali Diedo ti yaajanba Tienu, a ŋanbili po tieni sugili yaaba n moandi leni bi pala kuli ki bua ki bandi a yanbuama baa ke baa gagidi ki ŋanbi biba.»

Mi Kpanjama 16:1

O nisaalo pia o pali nni a yanjaga Ama Li Miali Diedo n die mi majuodikaama.

Esayi 55:7

O nibiado n ŋa o tagu Fanma miali mo n ŋa o yantiajoagindi, Ki lebidi ki goa Li Miali Diedo kani Yua n baa gbadi opo mi niñima, Leni ti Tienu yua n puuni sugili leni ti bulicindi kaa cedi yeni kani.

Jeremi 24:7

N baa pa ba mi yanfuoma ki teni ban bandi ke n tie Li Miali Diedo. Bi baa yaa tie n niba, n mo baa yaa tie bi Tienu bi yaa guani n kani leni bi pala kuli.»

Jeremi 36:3

Li fidi ke Juda yaaba n faami min jagi ki baa tieni ba yaa bonbiadila kuli. Lani n tie yua kuli n ŋa o tuadibiada. Yeni, n baa tieni bipo sugili bi tagili leni bi *tuonbiadi po.»

Jeremi 4:1

Isalele, mini Li Miali Diedo n yedi a, A yaa guani, a yaa guani n kani, A yaa ñani a cagindi kuli n nintuali, A yaa cedi ti puagidi,

Esekieli 14:6

Lani yaa po, ŋan yedi Isalele buolu yaaba ke o Diedo Li Miali Diedo yedi mi ne: Lebidi mani yi yama, ki lebidi ki ŋa yi buli, ki go lebidi ki ŋa yi tuongunda kuli.

Esekieli 18:31

Yin foagidi mani leni yin den tiendi yaa biadima. Baa mani papanli leni yantiapanli. Be yaa po ke yinba Isalele yaaba, yi baa kpe?

Ose Tili 14:1

U Tienu baa waani Samali yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋma ki midi bi biwaala, Ki lidi bi tugipunba mo.

Matie 15:8

‹Bi naa niba jigindi nni leni bi ñoacuuna, Ama bi pala foagi leni nni.

Matie 4:10

Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, Ki yaa jaandi wani bebe.› »

Matie 6:24

Oba kuli kan fidi ki yaa tuuni canbaanba lie po, kelima o yaa baa nani o canbaakpialo ki bua o canbaalielo, o nan baa taabi o bonkpialo ki fali o bonlielo wani. Yi kan fidi ki yaa taa ki tuuni U Tienu po leni ŋalimani po.

Luki 4:8

Jesu den goa ki yedi o: «Li diani nni: A baa jigini o Diedo a Tienu, Ki yaa kpiagidi wani bebe.»

Jan n diani U Tienu Laabaaliŋamo maama 4:24

U Tienu tie mi fuoma. Lani yaa po li tie tiladi ke yaaba n baa kpiagi o kuli n yaa kpiagidi o bi pala nni leni i moamoani.»

Mi Tiadima 10:20

Yi baa fangi Li Miali Diedo yi Tienu, ki yaa kpiagidi o, ki kuani yi yama o niinni ki go yaa polini o yaa yeli nni.

Mi Tiadima 13:4

Yin da cengi laa sawalipualo bi laa baabuulo maama kelima li tie Li Miali Diedo yi Tienu n biigi yi ki bua bandi yi yaa bua Li Miali Diedo yi Tienu leni yi pala kuli leni yi yantiana kuli.

Mi Tiadima 4:29

Lankane ke yi baa lingi Li Miali Diedo yi Tienu. Yi baa le o, li yaa tie ke yi lingi o leni yi yantiana kuli.

Mi Tiadima 6:13

Yi baa yaa fangi Li Miali Diedo yi Tienu, ki yaa kpiagidi wani, ki go yaa polini wani yaa yeli nni.

Josue 13:31

Bani Manase bijua Makili buolu yaaba boagidima go den die Galaadi diema boagidima leni Basana bado Ogi dociankpeliedi Asitaloti leni Edileyi.

Josue 24:14

Lanwani Josue go den yedi ba: «Moala yin fangi mani Li Miali Diedo ki yaa ŋua o leni i moamoani leni yaa yantiali n ki pia janbi. Yin ñani mani yi siiga yi yaajanba n den ŋua yaa buli Yufilata kpenciamu duoli po, leni Ejipiti po, ki yaa ŋua Li Miali Diedo.

Josue 24:23

O go den yedi ba: «Lanwani yin ñani mani bi nilanba buli yi n ye yi siiga, ki ŋanbi ki tabini Li Miali Diedo, Isalele yaaba Tienu, leni yi pala kuli.»

Bi Bujiaba 10:16

Lani bi den ñani i buli bi siiga ki goa ki ŋoadi Li Miali Diedo. Ban den ye leni yaa fala den cuo Li Miali Diedo mi niñima.

Bi Bujiaba 10:6

Isalele yaaba didi go den tieni yaala n ki mani Li Miali Diedo. Bi den ŋoadi i *buli *Baali leni*Asitate, leni Sili diema yaaba yaa buli, leni Sidoni diema yaaba yaa buli leni Moabi diema yaaba yaa buli, leni Amoni buolu yaaba yaa buli leni Filisiti yaaba yaa buli. Bi den ŋa Li Miali Diedo kaa go ŋua o.

Bi Bujiaba 2:11

Lani, Isalele yaaba den tieni yaala n ki mani Li Miali Diedo ki ŋoadi yaa buli n yi *Baali.

Bi Bujiaba 2:13

Bi den ŋa Li Miali Diedo ki ŋoadi yaa buli n yi Baali leni *Asitate.

1 Samueli 31:10

Lani yaa puoli bi den kuani Sayula toatiadi ban den kpiedi ki sieni o bulo *Asitate nannana yaa dieli nni ki joani Sayula o kpiemo bi dogu Beti-Sani yaa bilinciamu po.