1 Samueli 7:10 - Gourmanchéma Bible

¹⁰ Samueli n da den padi li padijuukaali yaa yogunu, Filisiti yaaba den nagidi ki baa baa Isalele yaaba. Li Miali Diedo den teni ke i tatantani tieni ke Filisiti yaaba jie ki duodi ki sani. Isalele yaaba den paadi ba.

U TIENU MAAMA TILI 2013

¹⁰ Samueli n da den padi li padijuukaali yaa yogunu, Filisiti yaaba den nagidi ki baa baa Isidayeli yaaba. O Diedo den teni ke i tatantani tieni ke Filisiti yaaba jie hali boncianla ki sani. Isidayeli yaaba den paadi ba.

1 Samueli 7:10 ပူးပေါင်းရင်းမြစ်များ

Pisomi 18:15

O den toani o piemi ki yadi o yibalinba O den pugini mi tañigima ki deli ba.

Pisomi 29:3

Li Miali Diedo nialu tuodi u ñingbanu po U Tienu yua n die ti kpiagidi teni ke ki taaga duni. Li Miali Diedo n die mi ñincianma.

Pisomi 29:4

Li Miali Diedo nialu pia u paalu Li Miali Diedo nialu pia li bali.

Pisomi 78:66

O den ŋoadi ki deli o yibalinba ki pua ba, Ki fiagi ba yaa fe n ki pia gbenma.

Mi Tiadima 28:7

Li Miali Diedo baa deli yi nintuali yi yibalinba yaaba n fii ki sedi yipo kuli. Bi baa ña ki tuogi leni sanyende, ama ki nan di tagini sani lele ki sani yi nintuali.

Josue 10:10

Li Miali Diedo den teni ke Amola yaaba jie ki lebidi ki sani ke Isalele yaaba ŋoadi ki deli ba. Isalele yaaba den paadi ba cain ki kuu Gabaono kani. Bi den ŋoadi ki deli ba ke bi tagi yaa sanu n cuubi Beti-Holoni, ki kpaani ba ki ban pundi hali Aseka leni Makeda dogi nni.

Bi Bujiaba 4:15

Li Miali Diedo den teni ke Sisela leni o toateliti leni o toanagili yaaba kuli sani ki yayadi kelima Balaka leni o toatieba n den pedi ba leni bi jugisiemu maama. Sisela den jiidi ki ŋa o toateligu ki sani leni o taana.

Bi Bujiaba 5:20

A ŋmabila ya n ye tanpoli den kua bu toabu nni, A den ŋua a sani ki tuogi leni Sisela bu toabu.

Bi Bujiaba 5:8

Isalele yaaba den gandi i *buli ki ŋua yi, Lanwani tontoni bu toabu den yen tieni bi diema nni. A kan den le gbankoandigu bi kpaanli niba tudapiinaa (40 000) siiga Isalele nni.

1 Samueli 12:17

Tii ye *ŋalikama ceyogunu kaa? Ki taaga n ki go mi yaa yogunu. N baa jaandi ki mia Li Miali Diedo, o baa soani ki taaga leni i tatantani. Lani yi baa bandi ke yi tudi boncianla Li Miali Diedo nintuali leni yin mia ban dini yipo o bado.»

1 Samueli 14:15

Lane ti jawaandi den cuo yaaba n den ye Filisiti yaaba toanagili nni leni i tinkundogi nni leni bi toatieba kuli. Li toanagili yaaba leni yaaba n den goadi ki fenli kuli den digibi leni ti jawaandi, ki tinga mo den digibi. U Tienu n den teni ke laa jawaanciandi cuo ba.

1 Samueli 2:10

Li Miali Diedo yibalinba baa midi. O baa teni i tatantani n tiani hali tanpoli ki pundi bi kani. Li Miali Diedo baa jia ti buudi leni yaaba n ye hali ki tinga banlu. O baa pa o bado u paaciamu, O baa pugini wan gandi ki gagidi ki dini yua li bali li bali paalu.»

1 Samueli 7:11

Isalele yaaba toatieba den ñani Mitisipa ki deli Filisiti yaaba ki pundi hali yaa kaanu n yi Beti-Kadi liiga, ki paadi ba cain.