1 Samueli 6:17 - Gourmanchéma Bible

¹⁷ Filisiti yaaba n den puni Li Miali Diedo yaa wula sinakpin-nannana ki mia bi tuonbiadi sugili n tie ane: sinakpin-nannanyenli den tie Asidodi dogu yaaba po, yenli Gasa dogu yaaba po, yenli Asikaloni dogu yaaba po, yenli Gati dogu yaaba po, yenli mo Ekiloni yaaba yaa po.

U TIENU MAAMA TILI 2013

¹⁷ Diidi Filisiti yaaba n den puni o Diedo yaa wula sinakpin-nannana bi candanbaani po: sinakpin-nannanyenli den tie Asidodi dogu yaaba po, yenli Gasa dogu yaaba po, yenli Asikalon dogu yaaba po, yenli Gati dogu yaaba po, yenli mo Ekiron yaaba yaa po.

1 Samueli 6:17 ပူးပေါင်းရင်းမြစ်များ

2 Samueli 1:20

Da kpaani mani laa laabaalo Gati dogu niinni, Da doagidi mani laa laabaalo Asikaloni dogu sani nni, Ke Filisiti yaaba bisiaba n da mangi bi pala lipo Ke a jifola yeni bisiaba n da gbengi bi yula lipo.

2 Samueli 21:22

Lanwani Dafidi leni o naacenba den ku bani Filisiti yaaba toatienaadiba yeni. Bikuli den tie Gati yua Lafa yaa yaabila.

2 Bi Badiba 1:2

Dayenli Ahasia den ñani o tanpodieli bonli kani Samali po ki baa ki poagili. O den soani a tonda ki yedi ba: «Gedi mani ki ban bu Ekiloni yaa dogu *bulo Baali-Sebubi ki bandi n yaa baa paagi.»

2 Bi Badiba Jama 26:6

O den fii ki ñani ki baa tuogi Filisiti yaaba bu toabu, ki den mudi Gati bilinu, Yabine bilinu leni Asidodi bilinu. O den maa yaa dogi n den ku Asidodi leni yi n ye Filisiti yaaba diema nni.

Jeremi 25:20

nintuali po kuli, Utisi badiba kuli, Filisiti diema badiba kuli, Asikaloni, Gasa, Ekiloni leni yaaba n sieni Asidodi,

Levi 5:7

Nilo yaa luo ki kan fidi ki baa pesalo bi ŋuasalo, wan cuani kpaajefanmu lie yaaka kpaajenawuundi lie o tudima padili po ki padi Li Miali Diedo po. Yendo baa yaa tie ti candandi padili, yendo mo baa yaa tie padijuukaali.

Amosi 1:6

Li Miali Diedo yedi mi ne: «Gasa yaaba tieni tuongunda taa, Li pundi baa bona naa ya n teni ke n kan lebidi min jagi yaala. Bi cuo nibuomunu kuli ki baa teni Edomi diema.

Amosi 6:2

Gedi mani ki ban diidi Kaline dogu Ki ña lankani ki gedi hali Hamati, u dociamu, Li yaa puoli, yin gedi mani Filisiti yaaba dogu Gati po. Naani laa dociami pia mi piama ki cie yi dieliedima bi? Naani bi diema yaba ki cie yi yaama yo?

Mi Tiadima 28:27

Li Miali Diedo baa ŋa yi wan den soani Ejipiti yaaba po yaa sinakpina. O baa ŋa yi dankannuame, li ŋmaali leni ki nunfufuuga yin kan fidi ki bu yaala.

Bi Bujiaba 1:18

Juda buolu yaaba go den paadi yaa dogi n yi Gasa, leni Asikaloni leni Ekiloni leni laa dogi tinkundogi.

Bi Bujiaba 14:19

Li Miali Diedo Fuoma den kua Samisona niinni ke o gedi Filisiti yaaba dogu Asikaloni po. O den kpa likani jaba piitaa, ki taa bi tiadi ki teni yaaba n den bundi u telimu bi baditiadi. O pali den beni boncianla ke o lebidi ki kuni o baa denpo.

Bi Bujiaba 16:1

Samisona den gedi Filisiti yaaba dogu Gasa. O den laa li poconconli likani ki kua o kani.

Bi Bujiaba 16:21

Filisiti yaaba den cuo o ki fiadi o nuni. Bi den gedini o Gasa dogu, ki loli o leni ti kumoandi kuseseli ki teni ke o naani li naali li kpaadidieli nni.

1 Samueli 5:1

Filisiti yaaba den fie U Tienu *ŋantaadikpaku ki ñani gu Ebeni-Eseli dogu ki gedini gu Asidodi dogu.

1 Samueli 5:10

Lane bi den gedini U Tienu ŋantaadikpaku yeni Ekiloni dogu. Gun den kua laa dogu nni yaa yogunu, u dogu yaaba den buudi ki yedi: «Bi cuani U Tienu ŋantaadikpaku ti kani ki baa kpa ti, tinba leni ti niba kuli.»

1 Samueli 5:8

Lane bi den soani ke bi yini Filisiti yaaba koanbala kuli ke bi taani bi kani ke bi yedi ba: «Ti baa tieni mani Isalele yaaba Tienu ŋantaadikpaku lede?» A koanbala den goa ki yedi ba ke ban gedini gu Gada dogu nni. Lanwani bi den gedini gu lipo.

1 Samueli 6:4

Filisiti yaaba den goa ki yedi: «Tin pa U Tienu be yaa paabu buolu?» Bi den goa ki yedi ba: «Yin duadi a sinakpina nannana bona muu ŋan yaa tie wula, leni a dapola yaa nannana bona muu ŋan moko n yaa tie wula, nani Filisiti yaaba koanbala n de maama, kelima falabuoliyendo cuo yikuli, taliginba leni a koanbala kuli.