1 Samueli 6:14 - Gourmanchéma Bible

¹⁴ Ku teligu den pundi Beti-Semesi yua Josue kuanu nni ki sedi. Likani den pia ku tanciangu. Bi den yagidiyagidi ku teligu daadi ki taa a naañuana ki padi ba li padijuukaali Li Miali Diedo po.

U TIENU MAAMA TILI 2013

¹⁴ Ku teligu den pundi Beti-Semesi yua Josue kuanu nni, ki sedi. Likani den pia ku tanciangu. Bi den yagidi yagidi ku teligu daadi ki taa a naañuana ki padi ba li padijuukaali o Diedo po.

1 Samueli 6:14 ပူးပေါင်းရင်းမြစ်များ

2 Samueli 24:18

Laa daali Gada go den cua Dafidi kani ki yedi o: «Ŋan gedi ki ban maa li *padibinbinli Li Miali Diedo po Jebusa yua Alafina jalu nni.»

2 Samueli 24:22

Alafina den yedi Dafidi: «Ŋan taa u jalu ki padi ŋan bua ki padi yaa pada kuli. N ne yaaba n tie ne n tua a padiyandi, teliti leni ti dadoalikaadi mo n tua ti daadi li *padijuukaali po.

2 Samueli 24:25

Dafidi den maa li padibinbinli lankani Li Miali Diedo po ki padi opo a padijuukaana leni mi taanyenma pada. Lanwani U Tienu pali den jiidi mi diema po ke u yianbiadipuodiko sedi ki ñani Isalele yaaba siiga.

1 Bi Badiba 19:21

Elise den ŋa Elia ki guani ki taa wan den kubi yaa naaliedi yeni ki kodi ba, ki go taa ti naakpakpaadi-daadi ki cuoni mi fantama ki puli ti nandi ki puni o niba ke bi ŋmani. Lani yaa puoli o den fii ki ŋoadi Elia ki ban tuuni opo.

Mi Ñama 20:24

Ŋan maa npo ti tandi *padibinbinli ŋan baa padi npo a pe leni a ne naankani lan tua a padijuukaana leni i jaandi yaa pada. Min teni ke bi tiadi n yeli naankani kuli n baa cua a kani ki seligi a.

Bi Bujiaba 21:4

Lan den fii ki faa, bi niba den yagidi ki fii ki maa likani li *padibinbinli, ki padi a padijuukaana leni i tuondi yaa pada.

Bi Bujiaba 6:26

Li yaa puoli ŋan maa padibinbintoali mini Li Miali Diedo a Tienu po yaa juaga n tie na yuli po, ki ŋanbi li bonŋanla. Ŋan taa li naatonlieli yeni ki padi li li padijuukaali ki juu leni ŋan baa pedi Akela daagu yaagu yeni.»

1 Samueli 11:5

Li sua ke Sayula da ñani u kuanu ki ŋua o ne puoli. O den yedi: «Be n pia bi niba ke bi buudi?» Bi den togidi o Jabesi yaaba n yedi yaala.

1 Samueli 20:29

O den yedi: ‹N mia ŋa, cedi min gedi kelima n deni yaaba pia li padili u dogu nni, n kpelo mo yini nni. Lanwani a pali yaa mani npo, ŋan cedi min gedi tontoni ki ban le n kpiiba.› Li tie lani yaa po ke waa cua fini o bado saajekaanu.»

1 Samueli 6:13

Li den sua ke Beti-Semesi yaaba ce *ŋalikama ku joaloangu nni. Bi den yaadi ki diidi ki laa ku ŋantaadikpaku ki mangi bi pala leni ban laa gu.

1 Samueli 6:18

A wula daponannana moko den ye ke bi coali de leni Filisiti koanbamuuda n die yaa dogi n de maama, i bilinciami n lindi ki cebini yaa dogi leni yaa dogi n ki pia bilini kuli. Ban den maani Li Miali Diedo ŋantaadikpaku yaa tanciangu po yeni baa ye hali dinla Beti-Semesi yua Josue kuanu nni ki tie siedi laa bonla kuli po.