1 Samueli 5:3 - Gourmanchéma Bible

³ Lan den fii ki faa, Asidodi yaaba den fii ku tiŋapanpangu ki sua ke Dagona baa ki laabi Li Miali Diedo ŋantaadikpaku nintuali. Bi den fiini Dagona ki goa ki sieni o o kaanu.

U TIENU MAAMA TILI 2013

³ Lan den fii ki faa, Asidodi yaaba den fii ku tiŋaapanpangu ki sua ke Dagon baa ki laabi o Diedo kpaku nintuali. Bi den fiini Dagon ki guani ki sieni o o kaanu.

1 Samueli 5:3 ပူးပေါင်းရင်းမြစ်များ

1 Bi Badiba 18:26

Bi den taa ban teni ba yaa naatonli, ki ŋanbi li, ki cili ku tiŋaagu ki miadi Baali ki ban pundi hali u yensiinu ki tua: «Baali, ga tipo ti miabu.» Ama baa den gbadi liba, baa den gbadi sagimuba kuli. Bi den jeli ki lindi ban den maa yaa padibinbinli.

Pisomi 115:7

Yi pia i nii, ki nan kan fidi ki sii liba Ki pia a taana ki naa cuoni. Yi naa tiendi lanbuba leni bi niali.

Pisomi 97:7

Yaaba n kpiagidi i *buli Leni yaaba n duondi bi yula laa bonfanla po kuli baa fiagi. I buli mo kuli baa cua Ki labini Li Miali Diedo nintuali ki pugi o.

Mi Ñama 12:12

Laa ñiagu n baa ña ki gaani Ejipiti diema nni kuli. N baa pua Ejipiti diema bonjakpiala kuli ki cili leni bi niba ki ban taani leni ti yandi kuli. N baa jia ti buudi leni Ejipiti yaa *buli kuli. N tie Li Miali Diedo.

Esayi 19:1

Yaa sawalo n ye Ejipiti yaaba po. Diidi Li Miali Diedo jagi yaa tawaligu n jaligi po. O kpendi Ejipiti nni. Ejipiti yaaba *buli digibi o nintuali, Ejipiti yaaba jigi kuli cie.

Esayi 40:20

Yua n ki pia yaa paalu n baa tieni yeni, Yen lingi a luluga n kan kua yaa daagu, Ki ban juogi leni o tuonsoanbando, Wan kpie opo yaa bulo n baa waagi ki pia u fidu.

Esayi 41:7

O tuonsoanbando paagidi yua n duadi pali. Yua n ŋanbidi ti kudi leni ki tuatuaga Mo paagidi yua n poa li ñinli po yaa pali. O yedi mi tuginma po: «Li ŋani!» Leni a kukpakpaana, Ke o kpaa ki sieni o *bulo yeni ke wan da begibi.

Esayi 46:7

Bi yen bugi o bi boacaba po Ki tugi o ki ban bili o wan baa ye naani. O kan fidi ki ŋmiagi o kaanu. Bi yaa yi o, O kan fidi ki tuo O kan ñani oba kuli li paboanli nni.

Jeremi 10:8

Bikuli taani ki tie yanpiidanba leni yanluodanba. Yaala n doagidi ke baa pia fuoma n tie bu tibu yeni.

Sofoni 2:11

Li Miali Diedo baa cie bi jigi, Kelima o baa bolini bi nisaaliba *buli kuli. Lanwani baa yaa nibuoli yaa niba n ye hali foagima Baa gbaani ki kpiagi o bi diema nni.

Marki 3:11

Mu cicibiadimu danba n den laa o yaa yogunu kuli, bi den gbaandi o nintuali ki tangi ki tua: «A tie U Tienu Bijua.»

1 Samueli 6:1

Li Miali Diedo *ŋantaadikpaku den tieni ŋmaali lele Filisiti yaaba diema nni.

1 Samueli 6:5

Yin duadi mani a sinakpina nannana leni a dapola yaa nannana, yaa dapola n bolindi yi diema. Yin go kpiagi Isalele yaaba Tienu. Daalinba o baa faabi yi leni o nuu n miabi yi maama, yinba leni yi *buli leni yi diema kuli.