1 Samueli 5:10 - Gourmanchéma Bible

¹⁰ Lane bi den gedini U Tienu ŋantaadikpaku yeni Ekiloni dogu. Gun den kua laa dogu nni yaa yogunu, u dogu yaaba den buudi ki yedi: «Bi cuani U Tienu ŋantaadikpaku ti kani ki baa kpa ti, tinba leni ti niba kuli.»

U TIENU MAAMA TILI 2013

¹⁰ Lane bi den gedini U Tienu kpaku yeni Ekiron dogu nni. Kun den kua laa dogu nni yaa yogunu, u dogu yaaba den buudi ki yedi: «Bi cuani Isidayeli yaaba Tienu kpaku ti kani ki baa kpa ti, tinba leni ti niba kuli.»

1 Samueli 5:10 ပူးပေါင်းရင်းမြစ်များ

2 Samueli 7:9

N den ye leni a ŋan den goadi naani kuli, n den bolini a yibalinba kuli a nintuali, ki teni ke a yeli kpedi ki yabidi nani ŋanduna nicianba yaa yela n yaba maama yeni.

2 Bi Badiba 1:2

Dayenli Ahasia den ñani o tanpodieli bonli kani Samali po ki baa ki poagili. O den soani a tonda ki yedi ba: «Gedi mani ki ban bu Ekiloni yaa dogu *bulo Baali-Sebubi ki bandi n yaa baa paagi.»

1 Bi Badiba Jama 7:21

Sabadi leni Sutela. Eseli leni Eleadi moko den tie Efilayima yaa bijabe. Bani n den jagi ke bi baa fie Gati diema yaaba yangola, ke laa diema niba mo den ku ba.

Amosi 1:8

N baa bolini Asidodi dogu yaaba, Asikaloni dogu yeni mo, min bolini likani bado, Ki pegidi ki baa Ekiloni dogu, Filisiti yaaba, yaaba n sieni baa bodi. O Diedo, Li Miali Diedo n yedi yeni.»

Amosi 6:2

Gedi mani ki ban diidi Kaline dogu Ki ña lankani ki gedi hali Hamati, u dociamu, Li yaa puoli, yin gedi mani Filisiti yaaba dogu Gati po. Naani laa dociami pia mi piama ki cie yi dieliedima bi? Naani bi diema yaba ki cie yi yaama yo?

Josue 13:3

ki cili Sikoli kpenu yu n ye Ejipiti banlu, ki yaa caa hali nijienu po Ekiloni dogu bianu kani. Laa diema kuli tie Kanana yaame. Filisiti yaaba batemuudiba yaaba n die likani tie Gasa bado, Asidodi yua, Asikaloni yua, Gati yua, leni Ekiloni yaa yua, bani batiebimuu leni Afita

Josue 15:11

U den pendi ki teli Ekiloni dogu ganu po, ki gondi ki cubini Sikidoni dogu. U den ñani Baala juali po ki teli Jabineeli, ki gedi ki ban dagini Meditelane ñincianma.

Josue 15:45

U tialu yeni niinni go den pia Ekiloni leni wun den die yaa dogi leni u tinkundogi,

Bi Bujiaba 1:18

Juda buolu yaaba go den paadi yaa dogi n yi Gasa, leni Asikaloni leni Ekiloni leni laa dogi tinkundogi.

1 Samueli 17:52

Lanwani Isalele leni Juda toatieba den fii ki yiedi ki ŋoadi ki deli Filisiti yaaba ki pundi hali Gati dogu leni Ekiloni yaa buliñoana kani. Filisiti yaaba yaaba n den poagili den baa ki kpe u sanu nni ki cili Salayima dogu ki pundi hali Gati leni Ekiloni.

1 Samueli 5:11

Lane bi den soani ke bi yini Filisiti yaaba koanbala kuli ke bi taani ke bi yedi ba: «Yin guani mani Isalele yaaba Tienu ŋantaadikpaku gu denpo, gun da kpa ti, tinba leni ti niba kuli.» Bi den yedi yeni kelima u dogu nni yaaba kuli den ye leni ti jawaandi boncianla kelima U Tienu nuu den miabi ba hali hali boncianla.

1 Samueli 5:9

Ama ban den taa ki gedini gu, Li Miali Diedo nuu den mabini laa dogu yaaba ke ti jawaanciandi cuo ba. O den luni bimoko a sinakpina, a bila leni a nikpela kuli.

1 Samueli 6:1

Li Miali Diedo *ŋantaadikpaku den tieni ŋmaali lele Filisiti yaaba diema nni.