1 Samueli 4:4 - Gourmanchéma Bible

⁴ Isalele yaaba den soani Silo ke bi ban taa Li Miali Diedo, U Paaciamu Daano yua n kaa o bali kalikaanu po*selubanba tanpoli yaa ŋantaadikpaku. Eli bijaliediba Ofini leni Finea moko den yegi leni U Tienu ŋantaadikpaku.

U TIENU MAAMA TILI 2013

⁴ Isidayeli yaaba den soani Silo ke bi ban taa Li Miali Diedo, U Paaciamu Kuli Daano yua n kaa o bali kalikaanu selubanba tanpoli yaa ŋantaadikpaku. Eli bijaliediba Ofini leni Finea moko den yegi leni U Tienu ŋantaadikpaku.

1 Samueli 4:4 ပူးပေါင်းရင်းမြစ်များ

2 Samueli 15:24

Tisadoki den ye likani, wani leni yaa Lefi buolu yaaba n bugi U Tienu *ŋantaadikpaku. Bi den bili U Tienu ŋantaadikpaku yeni. Abiata den padi a pada hali yaa niba n den ñani u dogu nni kuli n do ki gbeni.

2 Samueli 6:2

Lanwani Dafidi leni yaaba n den ye leni o kuli den fii ki gedi Baale-Juda, ki baan taa U Tienu *ŋantaadikpaku likani ki cuani gu Jelusalema. Laa ŋantaadikpaku tie ban taagi Li Miali Diedo yeli ki miadi o naani, wani U Paaciamu Kuli Daano yua n kaa o bali kalikaanu po *selubanba siiga, ku kpaku yeni yuli po.

2 Bi Badiba 19:15

O den jaandi ki yedi: «Li Miali Diedo Isalele yaaba Tienu, fini yua n kaa a bali kalikaanu po *selubanba siiga, fini bebe n tie U Tienu ki die ŋanduna diema kuli. Fini n tagi tanpoli leni ki tinga kuli.

Pisomi 80:1

Bi yanyanba yudaano yani siiga yanbu yaabu n yiini leni ku kogidigu. Mi tiadima yanbu. Asafi yaabu.

Pisomi 80:2

Diadi a tubili, Isalele yaaba Yankpaalo, Fini yua n gobidi a niba nani u yankulu yeni. Fini yua n ka ti gbandi po *selubanba siiga, Doagidi a yuli a kpiagiciandi nni.

Pisomi 99:1

Li Miali Diedo tie Bado, Ke i nibuoli digibi. O ka o bali kalikaanu ki yiini *selubanba po, Ke ki tinga begibi.

Esayi 37:16

«Li Miali Diedo U Paaciamu Kuli Daano, Isalele Tienu yua n kaa ti gbandi po *selubanba siiga, fini bebe n tie U Tienu ki tinga diema kuli po. Fini n tagi tanpoli leni ki tinga.

Malaki 1:9

Lanwani, yinba bi kopadicianba, Biigi mani moala ke yi baa mia yi Tienu, Ke wan gbadi yipo mi niñima. Naani yi bontienkaala baa tuo Wan mangi o nunga yipo bi? Li Miali Diedo, U Paaciamu Kuli Daano n yedi yeni.»

Mi Coadima 4:15

Alono leni o bijaba yaa ŋuagini yaa tiadi n gagidi ki ŋani yeni ki gbeni, Kehati buolu baa nagini ki taa ti ki bugi. Ama ban da sii yaa tiagu n gagidi ki ŋani kuli, kelima bi baa kpe. Lani n tie Kehati buolu yaaba n baa yaa pia yaa tuonli li gbandieli tuona nni.

Mi Coadima 4:5

Isalele yaaba yaa yen baa fii ki cili li cenli, Alono leni o bijaba yen baa loagidi yaa *kpalidoaginkaabu n luagi u *kaangagidiŋamu buliñoabu kani yeni,

Mi Coadima 7:89

Musa yaa den kua u Kadikaanu gbandieli nni yaa yogunu ki baa maadi leni Li Miali Diedo, o yen gba ke u nialu ña*selubanba yaaba n se ku *ŋantaadikpaku biili po yeni yaa siiga. Lanwani o den yen maadi leni o.

1 Samueli 1:24

Wan den babidi o, o den taa o ke bi gedi Silo. O den taa naatona taa leni mi yoma baabuogu leni mi daama dayuagu. O den ban kuani o Li Miali Diedo diegu nni baa ke o da tie bonwaaga.

1 Samueli 14:3

Ahitubi bijua Ahiya moko den ye leni o. Ahitubi yeni den tie Ikabodi kpelo ki go tie Finea bijua. Fineya mo den tie Eli bijua, yua n den tie U Tienu kopadiciamo Silo po. Ahiya den la bi kopadicianba bado n yen laa yaa liadibiga ke ki tie *benŋuunu. Bi toatieba naa den bani ke Jonatan fii ki gedi.

1 Samueli 2:22

Eli den podi hali boncianla. O den gbadi o bijaba n tiendi Isalele yaaba kuli maama. O go den gbadi ke bi dua leni yaa puoba n den taagi li taanli gbandieli buliñoabu kani moko.