1 Samueli 4:10 - Gourmanchéma Bible

¹⁰ Lanwani Filisiti yaaba den fiini bu toabu. Isalele yaaba den gbali. Yua kuli den sani ki kuni ki ban kua o gbandieli nni. Bi den paadi Isalele yaaba cain hali ke bi minteela siiga taacenda tudapiitaa (30 000) den kpe.

U TIENU MAAMA TILI 2013

¹⁰ Lanwani, Filisiti yaaba den fiini bu toabu. Isidayeli yaaba den gbali. Yuakuli den sani ki kuni ki ban kua o gbandieli nni. Bi den paadi Isidayeli yaaba cain hali ke bi toatieba siiga taacenda tuda piitaa (30 000) den kpe.

1 Samueli 4:10 ပူးပေါင်းရင်းမြစ်များ

2 Samueli 18:17

Bi den taa Abisalomi ki luni o ku buociangu nni li fuali nni. Bi den dogini o kuli po a tana boncianla. Isalele yaaba kuli den sani ki kuni yua kuli o denpo.

2 Samueli 18:7

Dafidi toatieba den paadi Abisalomi yaaba ke bi siiga nni niba tudapiilie (20 000) bodi.

2 Samueli 19:8

Lanwani fii ki ña ki maadi yaa maama n baa mangi a naacenba pala. Kelima hali Li Miali Diedo po a yaa ñani, li kan faa ke baa niyendo ye a kani. Lani mo n baa yaa bia apo ki cie yaa fala n da cua apo kuli, ki cili a jawaama nni ki pundi hali dinla.»

2 Samueli 20:1

O ja den ye Giligali yeni ki tie nibiado. O den tie Benjamina buolu yua Bikili yaa bijua. O den yi Seba. O den piebi kakaci ki kpaani ki yedi: «Tii pia ŋantaadoba kuli leni Dafidi. Ti baga ki ye leni wani *Isayi bijua, Isalele yaaba, yua kuli n yaa kuni o denpo!»

1 Bi Badiba 12:16

Isalele yaaba kuli n den sua ke o bado Loboami ki cengi bi maama, bi den goa ki yedi o: «Ti pia be yaa *ŋantaado leni Dafidi? Tii pia biinuba kuli wani *Isayi bijua kani. Isalele yaaba, tin kuni mani. Dafidi buolu yaaba kubi yi diema yiba!» Lani Isalele yaaba den lebidi ki kuni bi denpo.

1 Bi Badiba 22:36

Ki yienga n bua ki kua yaa yogunu, bi den kpaani li toanagili nni kuli ki yedi: «Yua kuli n guani o dogu po, o denpo.»

2 Bi Badiba 14:12

Isalele toatieba den paadi Juda toatieba ke yua kuli sani ki kuni o denpo.

2 Bi Badiba Jama 13:17

Abiya leni o toagoli den paadi ba ki den ku jakoanda tudakobimuu (500 000) Isalele diema yaaba siiga.

2 Bi Badiba Jama 25:22

Isalele diema toatieba den paadi Juda diema yaaba, ke yua kuli den sani ki kuni o denpo.

Pisomi 78:9

Efilayima buolu yaaba, yaaba n toa a dabana Lebidi ki sani bu toabu daali.

Jeremi 7:12

Gedi mani n kaanu yu n gagidi ki ŋani, Silo yeni po, Min den cedi ke n yeli ye naani Ki le min soani u kaanu yeni maama, Kelima n niba Isalele yaaba biadima po.

Levi 26:17

N baa buli yi n nunga ki sedi yipo. Yi yibalinba baa deli ki paadi yi. Yaa niba n nani yi yeni baa die yi, yi baa sani, baa ke oba kuli naa deli yi.

Mi Tiadima 28:15

Ama yi yaa yie kaa ŋoadi Li Miali Diedo yi Tienu yedima, ki naa kubi ki go tieni min teni yi o balimaama leni o mabilikaama yaama dinla na kuli n yedi yaala, diidi yaa solindi n baa jiidi yipo ki nandi yi nne:

Mi Tiadima 28:25

Li Miali Diedo baa teni yin sani yi yibalinba nintuali. Yi baa tagini sanyende ki ña ki tuogi ba, ama yi baa tagini sani lele yo ki sani bi nintuali. Yi baa yaa tie i jeje bonla ki tinga nibuoli kuli po.

1 Samueli 3:11

Lanwani Li Miali Diedo den yedi Samueli: «Diidi ki le, n baa tieni Isalele yaaba siiga li bonla yaala n baa womi yaaba n baa gbadi la kuli.

1 Samueli 4:2

Filisiti yaaba den caligi ki baa tuogi leni Isalele yaaba bu toabu. Bu toabu den cili. Filisiti yaaba den paadi Isalele yaaba ki ku yaa jaba n bua ki pundi tudanaa (4 000) laa toabu nni.