1 Samueli 29:4 - Gourmanchéma Bible

⁴ Ama Filisiti yaaba yudanba pala den fii Akisi po boncianla ke bi den yedi o: «Guani o ja yeni, wan lebidi ki goa ŋan den puni o ke wan yaa ye naani. Wan da yegi leni ti ki gedi bu toabu po, ke wan da ti tua tipo yibali tin togidi bu toabu yaa yogunu. O baa goa ki baa ki nunmanga o canba kani lede, li yaa tie ke o jendi ti niba yula ki teni o yaaka?

U TIENU MAAMA TILI 2013

⁴ Ama Filisiti yaaba toatieba yudanba pala den fii Akisi po boncianla, ke bi den yedi o: «Guani o joa yeni, wan lebidi ki guani ŋan den puni o ke wan yaa ye naani. Wan da yegi leni ti ki gedi bu toabu po, ke wan da ti tua ti po yibali tin togidi bu toabu yaa yogunu. O baa guani ki baa ki nunmanga o canbaa kani lede, li yàá tie ke o jendi ti niba yula ki teni o yaa ka?

1 Samueli 29:4 ပူးပေါင်းရင်းမြစ်များ

1 Bi Badiba Jama 12:19

Lanwani U Tienu Fuoma den jiidi Amasayi, i nipiitaadi yudaano yeni po ke o yedi: «*Isayi bijua Dafidi Ti ye leni fine Ti ye a yaa kane! Mi yanduanma bebe n yaa ye leni a. Mi yanduanma n yaa ye leni yaaba n todi a, Kelima a Tienu todi a.» Dafidi den biali ba ki kuani ba o toacagili yudanba siiga.

1 Bi Badiba Jama 12:20

Manase buolu yaa niba den poandi Dafidi yaa toanagili nni, wan den taani leni Filisiti yaaba ki baa tieni bu toabu leni Sayula. Ama baa den todi Filisiti yaaba kelima Filisiti yaaba badijaba n den taani ki juogi, bi den cabi Dafidi ki yedi: «O baa taani o canbaa Sayula po ki kpa ti.»

Mi Ñama 1:10

Tin tieni ba bu nunfanbu. Tin da go tuo ban yabidi ke bu toabu yaa fii ban da ti taani leni ti yibalinba ki koani leni ti ki yuandi ki diedi mi diema.»

Luki 16:8

O canbaa den pagi laa ŋalimankubilo yua n kaa tiegi, kelima o den tieni u fanu.» Jesu den pugini ki yedi: «Ŋanduna yaaba fani leni bi lieba ki cie yaaba n tie mi yenma yaaba.

1 Samueli 14:21

Li den sua ke Ebilu yaaba bi tianba ye Filisiti yaaba siiga ke li waagi ki ciani ba bi toanagili po. Bi den lebidi ki ŋa Filisiti yaaba ki goa ki taani leni Isalele toatieba, yaaba n den ye leni Sayula leni Jonatan.

1 Samueli 27:6

Landaali liga Akisi den puni o Sikilagi dogu. Li tie lani yaa po ke Sikilagi tie Juda badicianba dogu hali dinla.

1 Samueli 29:9

Akisi den goa ki yedi Dafidi: «N bani, a doagidi npo nani U Tienu maleki yeni. Ama Filisiti yaaba yudanba yie ki yedi ke a kan yegi leni ti ki gedi bu toabu.

1 Samueli 30:1

Dafidi leni o toatieba n den pundi Sikilagi li dataali daali, bi den sua ke Amaleki yaaba baa Filisiti yaaba diema ganu po leni Sikilagi kuli. Bi den cuo bi puoba leni yaaba n den ye lienni kuli, a nikpela leni a bila kuli, ki mudi Sikilagi ki sia u. Baa den ku baa niyendo. Bi den cuo bikuli, ki suagi liiga.