1 Samueli 29:1 - Gourmanchéma Bible

¹ Filisiti yaaba den taani bi toagola kuli Afeka dogu. Isalele yaaba mo den gedi ki kpa bi toanagili yaa ñinbunli n ye Jisileeli dogu nni.

U TIENU MAAMA TILI 2013

¹ Filisiti yaaba den taani bi toagola kuli Afeki dogu nni. Isidayeli yaaba mo den gedi ki kpaa bi toanagili yaa ñinbunli n ye Yisireyeli dogu nni.

1 Samueli 29:1 ပူးပေါင်းရင်းမြစ်များ

2 Samueli 2:9

O den dini o li bali ke o diedi Galaadi leni Asula, leni Jisileeli, leni Efilayima, leni Benjamina, muni Isalele tinmu kuli.

2 Samueli 5:17

Filisiti yaaba n den gbadi ke bi dini Dafidi li bali ke o tua Isalele yaaba bado, bi den taani ki gedi ke bi baa cuo o. Dafidi n den gbadi lani, o den jiidi ki kua u kaanpaalu nni.

1 Bi Badiba 20:30

Yaaba n sieni den sani ki gedi Afeka ke u bilinu baa ki ku piilie n niba tudalele (27 000). Beni-Hadadi den sani ki kua u dogu nni ki ban kua dieyengu nni hali li dieli liiga po.

1 Bi Badiba 21:1

Laa bonla puoli yaala n den tieni nne: Jisileeli yua Naboti den pia duven kuanu ke u baali Samali bado Akabi diegu Jisileeli dogu po.

1 Bi Badiba 21:23

Elia go den yedi: «Li Miali Diedo go maadi a pua Jesabeli maama moko ki yedi: ‹I sangbanli baa ŋmani Jesabeli Jisileeli bilinciamu kani.

2 Bi Badiba 9:30

Jehu den cua Jisileeli. Jesabeli n den gbadi lani kuli, o den diani cilo ki ŋanbi o yudi ki noanli li diebonli nni.

2 Bi Badiba 9:36

Bi den guani ki ban waani Jehu ke o yedi: «Li tie Li Miali Diedo n den teni ke o sawalipualo Tisibe yua *Elia maadi yaa maama ki yedi: ‹I sangbanli baa ŋmani Jesabeli Jisileeli bilinciamu kani.› »

Pisomi 83:7

Bani yaaba n ye Edomi gbandiena nni Leni Isimayeli, Moabi yaaba, Hagali yaaba,

Josue 12:18

Afeka, Lasaloni,

Josue 17:16

Josefi puoliŋuani den goa ki yedi: «Li tie moamoani ke li juali kan dagidi ti. Ama Kanana buolu yaaba yaaba n ye i tiali nni leni yaaba n ye Beti-Seyani leni u tinkundogi nni leni yaaba n ye Jisileeli joaloangu nni kuli pia toateliti ke ti tie kudi.»

Josue 19:18

Yaa dogi n den ye bi diema nni den tie Jisileeli, Kesuloti, Sunemi,

Josue 19:30

Uma, Afeka leni Lehobi, ki ban juodi Meditelane ñincianma kani. Mi diema dogi kuli den taani ki tie piilie n dogi lie leni i tinkundogi.

Bi Bujiaba 6:33

Madiana yaaba leni Amaleki yaaba leni puoli po yaaba kuli den taani. Bi den duodi Judana ki kpa bi toanagili Jesileli joaloangu nni.

Bi Bujiaba 7:1

Jelubaali, lani n tie Jedeyono, leni yaa toatieba n den ye leni o kuli den fii ku tiŋapanpangu ki gedi ki ban kpa bi toanagili Halodi ñinbunli kani. Madiana yaaba toanagili den ye Jedeyono yaali jienu po ku joaloangu nni, ki kuu leni Mole juali.

1 Samueli 28:25

O den sieni likuli Sayula leni o badibaanba nintuali ke bi dini. Lani yaa puoli bi den fii ku ñiagu yeni ki gedi.

1 Samueli 28:4

Filisiti yaaba den taani ki cua ki kpaa bi toanagili Sunemi dogu nni. Sayula den taani Isalele yaaba kuli ke bimo den kpaa bi yaa toanagili Giliboa juali kani.

1 Samueli 4:1

Samueli mo den soagindi laa maama Isalele yaaba kuli po. Isalele yaaba den ñani ki baa tuogi bu toabu leni Filisiti yaaba. Bi den kpa bi toanagili ki kuu leni Ebeni-Eseli dogu, Filisiti yaaba mo den kpa bi yaa toanagili Afeka dogu.