1 Samueli 27:8 - Gourmanchéma Bible

⁸ Dafidi leni o toatieba den caa Gesuli yaaba leni Gisili yaaba leni Amaleki yaaba po ki baali ba bu toabu. Hali yogu laa niba den ye laa fuuli ki goa Suli dogu po, ki caa hali Ejipiti tinbianu.

U TIENU MAAMA TILI 2013

⁸ Davidi leni o toatieba den caa Gesuri, Gisiti leni Amaleki yaaba po, ki baali ba bu toabu. Hali yogu laa niba den ye laa fuuli ki goa Suli dogu po, ki yaa caa hali Ejipiti diema bianu.

1 Samueli 27:8 ပူးပေါင်းရင်းမြစ်များ

2 Samueli 14:23

Joabi den fii ki gedi Gesuli ki ban taa Abisalomi ki guani o Jelusalema.

2 Samueli 14:32

Abisalomi den goa ki yedi o: «Li tie kelima n den soani ban yini a ke a yie ŋaa cua. N den bua ki soani a ŋan ban buali o bado yaala yaa po ke n ñani Gesuli ki kpeni? N yaa bi baa ye lipo cie. To, moala n di bua ki baa u sanu ki kua o bado kani. N yaa pia tagili, wan teni ban kpa nni.»

2 Samueli 15:8

Kelima min den ye Sili diema Gesuli dogu nni, n den niani Li Miali Diedo li nianli ki yedi ke o yaa guani nni Jelusalema, n baa padi opo a pada.»

2 Samueli 3:22

Dafidi n den cabi Abineli ke li tieni waamu, Joabi leni yaaba n ŋua Dafidi den ñani bu toabu po ki kpeni. Bi den cuani ti fagidi boncianla. Abineli naa go den ye Ebiloni Dafidi kani, kelima wani Dafidi den cabi o ke o kuni leni mi yanduanma.

2 Samueli 3:3

O lielo mo den yi Kileyabi, Nabali kpepuoli Abigayili, yua n den ñani Kalimeli dogu, n den mali yua. O taalo mo den yi Abisalomi. O naa den tie Gesuli bado Talimayi bisalo Maaka.

2 Samueli 8:12

I nilanbuoli yeni tie Sili yaaba, Moabi yaaba, Amoni bijaba, Filisiti yaaba leni Amaleki yaaba. Wan den fagi Tisoba bado Lehobi bijua Hadadeseli kani yaa fagidi moko, o den puni U Tienu yene.

1 Bi Badiba Jama 2:23

Gesuli yaaba leni Sili yaaba den ga Yayili dogi, Kenati dogu leni u yaa tinkundogi yi n den tie dogi piiluoba. Bani kuli den tie Galaadi baa Makili yaa puoliŋuani.

Mi Ñama 15:22

Musa den teni ke Isalele yaaba fii ki ŋa mi ñincianmoanma. Bi den teli Sula yaa fanpienma nni. Ban den cuoni dana taa yaa cenli banlu mi fanpienma nni baa go den laa mi ñima.

Mi Ñama 17:8

Amaleki yaaba den cua ki baa Isalele yaaba bu toabu Lefidima kani.

Mi Coadima 13:29

Amaleki buolu yaaba kaa mi diema ganu po, Heta yaaba, Jebusa yaaba, leni Amola yaaba mo kaa a juana n ye yaa kalu po. Kanana yaaba mo kaa ki kuu mi ñincianma leni Judana kpenu boanjaana po.»

Mi Coadima 14:45

Lanwani Amaleki buolu yaaba leni Kanana yaaba, yaaba n den kaa laa juali po den jiidi ki baa Isalele yaaba ki paadi ba. Bi den ŋoadi ki deli ba ki pedi ki jia jia ba ki ban pundi hali Holima dogu kani.

Josue 12:5

Wan den die yaa diema den tie Helimoni juali, leni Salika dogu, ki taani leni Basana diema kuli, ki ban dagini hali Gesuli yaaba leni Maakati yaaba diema u banlu. O go den die Galaadi diema boagidima ki ban dagini hali Hesiboni bado Sihoni banlu.

Josue 13:13

Ama Isalele yaaba ki den deli Gesuli yaaba leni Maaka yaaba. Bi baa ye Isalele yaaba siiga hali dinla.

Josue 13:2

Diidi yaa diema n sieni: Filisiti yaaba yaa diema leni Gesuli yaama,

Josue 16:10

Efilayima buolu yaaba ki den deli Kanana yaaba, yaaba n den ye Geseli dogu nni. Bi baa ye likani Efilayima buolu yaaba siiga hali dinla. Ama Efilayima yaaba den teni ke bi tuuni a tuona leni paalu.

Bi Bujiaba 1:29

Efilayima buolu yaaba ki den deli Kanana yaaba yaaba n den ye Geseli dogu nni. Lanwani Kanana yaaba den ye Geseli yeni Efilayima buolu yaaba siiga.

1 Samueli 29:6

Lani Akisi den yini Dafidi ki yedi o: «Hali Li Miali Diedo po a tie niteginka, li bi baa yaa mani npo min bi le ke a yegi leni nni tin gedi bu toabu ki go ban guani. Mii laa a kani bonbiadiliba kuli hali ŋan cua n kani, ki pundi hali dinla. Ama yaa yudanba n sieni pala naa mani apo.

1 Samueli 30:1

Dafidi leni o toatieba n den pundi Sikilagi li dataali daali, bi den sua ke Amaleki yaaba baa Filisiti yaaba diema ganu po leni Sikilagi kuli. Bi den cuo bi puoba leni yaaba n den ye lienni kuli, a nikpela leni a bila kuli, ki mudi Sikilagi ki sia u. Baa den ku baa niyendo. Bi den cuo bikuli, ki suagi liiga.