1 Samueli 24:11 - Gourmanchéma Bible

¹¹ Dinla a laa leni a nunceli ke Li Miali Diedo bi taa ŋa ki teni n nuu nni ku tanlongu nni. Bi bi tigini nni ke min kpa ŋa, ama n bi cedi ŋa ki yedi ke n kan tandi n nuu ki sii fini n daano, kelima Li Miali Diedo gandi a.

U TIENU MAAMA TILI 2013

¹¹ Dinla a laa leni a nunceli ke o Diedo bi taa ŋa ki tieni n nuu nni ku tanlongu nni. Bi bi tigini nni ke min kpa ŋa, ama n bi cedi a ki yedi ke n kan tandi n nuu ki sii fini n daano, kelima o Diedo n gandi a.

1 Samueli 24:11 ပူးပေါင်းရင်းမြစ်များ

2 Samueli 1:14

Dafidi den yedi o: «Be n teni ke a tandi a nuu ki ku Li Miali Diedo n gandi yua ki naa jie?»

2 Bi Badiba 5:13

Ama o naacenba den nagini o kani ki maadi leni o ki yedi: «Ti baa, naani o sawalipualo yaa bi yedi ŋan tieni yaa bonla n pa, a kan bi tieni la? Lanwani wan yedi a ŋan wali ke a baa ŋanbi yeni, lani yaa tienma ka baa yaa dingi ki cie?»

Jobi 10:16

N yaa tuo ki yaadi n yuli, Se ŋan ŋoadi ki deli nni nani o yangbanlo yeni. A baa mudi nni yomi yomi leni a paaciamu.

Pisomi 119:161

Bi badijaba faligidi nni fanma fanma, Ama mii jie liba kuli, li yaa tie a maama bebe yaaka.

Pisomi 140:11

A mukuanmoana n yaa wuti bipo, Ban pieni ki lu ba mi fantama nni Leni mu buamu nni, naankani ke bi kan go fii.

Pisomi 35:7

Kelima bi wuoni ki gbini ku buogu ki dia nni ti cuadi, Bi gbini ku ki bua ki ñani n miali fanma fanma.

Pisomi 59:3

Faabi nni leni yaaba n tiendi yaala n ki tiegi. Faabi nni leni yaaba n wuliti mi soama.

Pisomi 7:5

N yaa tieni n danli biadima, N yaa tieni n yibali tugumoangu fanma fanma,

Mi Kpanjama 15:1

Yaa maguankaama n dingi jiindi li pali, Ama mi mapaama fiindi li.

Jeremi Bubula 4:18

Bi den ŋua ki kpaagi ti taayaagima kuli, Ki baa yie tipo tin da gedi tin die yaa kaani po. Ti miana juodima nagini, ti dana tuoni! Yeni de, ti kuuma nagini!

Esekieli 13:18

Ŋan yedi ba ke mini Li Miali Diedo n yedi mi ne: ‹Fala n baa yaa puoba n ŋali kpie i kpoe Ki pilindi bi niba nubiana kuli. Ki lu a cabilibinkaana buoli bi niba kuli po, Ki dia ki bua ki ñani bi naani Ki bua ki fie n nibuolu niba naani, Ama ki nan bua ki yaa kubi bi yaa miacele.

Mise 7:2

Bi niŋanba kuli bodi, baa yendo naa go ye mi diema nni. Yaaba n tiegi kuli gbeni bi niba siiga, Bi niba kuli wuoni ki bua ki bibi bi lieba ki kpa ba. Nilo kuli dia o kpiilo ku diagu ki bua ki cuo o.

Jan n diani U Tienu Laabaaliŋamo maama 15:25

Li tieni yeni ke yaa maama n diani bi bali maama nni na n tieni ki dudi: ‹Bi den nani nni fanma fanma.›

1 Samueli 12:3

To, mini nna. Yin doagidi mani ki waani Li Miali Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N ga ŋme yaa kane li suuli ki pii n nuni ke min da le o tagili? N baa guani yi likuli.»

1 Samueli 18:27

Dafidi den fii leni o toatieba ki gedi ki ku Filisiti yaaba kobilie, ki jia bi punjuodi ki cuani ki teni o bado ke wan tua o cuado. Lanwani Sayula den teni o o bisalo Mikali ke o tua o pua.

1 Samueli 23:14

Dafidi den ye mi fanpienma nni, yaa wuonkaani n ŋani niinni. O den waagi ki ye a juana kani, Sifa dogu yaa fanpienma nni. Sayula den lingi o yogu kuli, ama U Tienu naa den tuo ke o baa o nuu nni.

1 Samueli 23:23

Yin lingi mani ki bandi bonŋanla wan wuondi naankani kuli. Yi yaa bandi cain, yin guani ne, lanwani n baa yegi leni yi. O yaa ye mi diema nni kuli n baa lingi o Juda niba kuli siiga.»

1 Samueli 25:28

N mia ŋa ŋan tieni sugili mini a yualo tagili po. Li Miali Diedo baa ti bili fini n daano buolu wun yaa ye kelima a kubi Li Miali Diedo toabu, bi kan le a kani bonbiadiliba kuli mo hali a miali banlu.

1 Samueli 26:18

Dafidi go den yedi: «Be n teni ke fini n daano ñani ki ŋua ki deli min a naacemo? N tieni be? N pia bee yaa tagili?

1 Samueli 26:20

N soama n da wuli yaa kaanu n foagi ki piadi leni Li Miali Diedo yekaanu. Fini Isalele yaaba bado ñani ki ŋua ki lingi mini ku ŋmanŋmangu nani ban ŋua ki deli ki ñuñuuga a juana nni maama yeni.»

1 Samueli 26:23

Li Miali Diedo baa guani yua kuli nani o *teginma leni o moamoani n da maama. Li Miali Diedo bi taa ŋa ki teni n nuu nni dinla, ama mii bi tuo ki tandi n nuu ki sii Li Miali Diedo n gagidi ki dini yua li bali.