1 Samueli 23:6 - Gourmanchéma Bible

⁶ Li den sua ke Ahimeleki bijua Abiata n den sani ki gedi Dafidi kani Keyila po yeni, o den kubi ki kopadician-liadibiga yaaga n tie *benŋuunu yeni.

U TIENU MAAMA TILI 2013

⁶ Li den sua ke Ahimeleki bijua Abiatari n den sani ki gedi Davidi kani Keyila po yeni, o den kubi ki kopadician-liadibiga yaaga n tie bencabili yeni.

1 Samueli 23:6 ပူးပေါင်းရင်းမြစ်များ

1 Bi Badiba 2:26

Lani yaa puoli o bado den yedi o kopadiciamo Abiata: «Li pundi ŋan kpe. Ama n kan kpa ŋa dinla kelima a den bugi Li Miali Diedo U Tienu *ŋantaadikpaku n baa Dafidi yogunu. A go den taani leni n baa o fala kuli nni.» Lanwani fii ki gedi Anatoti a kuani po.

Mi Ñama 28:6

Ban tieni u benŋuunu yeni leni wula, leni yaa gaali n moani ki suudi, ki ŋmadi leni yaa gaali n moani colicoli ki yaa go tie leni len gaali caba yaa luni bonŋanla.

1 Samueli 14:18

Lane Sayula den yedi Ahiya: «Cuani U Tienu*ŋantaadikpaku ne.» To, laa yogunu U Tienu ŋantaadikpaku den ye Isalele yaaba siiga.

1 Samueli 14:3

Ahitubi bijua Ahiya moko den ye leni o. Ahitubi yeni den tie Ikabodi kpelo ki go tie Finea bijua. Fineya mo den tie Eli bijua, yua n den tie U Tienu kopadiciamo Silo po. Ahiya den la bi kopadicianba bado n yen laa yaa liadibiga ke ki tie *benŋuunu. Bi toatieba naa den bani ke Jonatan fii ki gedi.

1 Samueli 22:20

Ama Ahitubi bijua Ahimeleki bila siiga yendo den sani ki ciadi. O den yi Abiata. O den sani ki ŋoadi Dafidi,

1 Samueli 23:2

Dafidi den buali Li Miali Diedo: «Min gedi ki baa Filisiti yaaba yeni bi?» Li Miali Diedo den goa ki yedi o: «Gedi ki baa ba ki ga Keyila yaaba.»

1 Samueli 23:5

Lane Dafidi leni o niba den fii ki gedi Keyila dogu ki tuogi leni Filisiti yaaba bu toabu. Dafidi den paadi ba cain, ki fagi bi yandi. Yeni Dafidi den faabi Keyila yaaba.

1 Samueli 23:7

Bi den waani Sayula ke Dafidi cua Keyila. O den yedi: «U Tienu taa o ki teni nni, kelima o cua ki luoni o yuli yaa dogu n pia a buliñoana leni ti bonluoditi nni.»

1 Samueli 23:9

Dafidi n den bandi Sayula n jagi opo yaa jagibiadili, o den teni ke o kopadiciamo Abiata cuani u benŋuunu yeni,

1 Samueli 30:7

Dafidi den yedi o kopadiciamo Ahimeleki bijua Abiata: «Taa o kopadiciamo liadibiga, *benŋuunu, ki cuani ne.» Abiata den taa u benŋuunu yeni ki cuani Dafidi kani.