1 Samueli 22:17 - Gourmanchéma Bible

¹⁷ Lanwani o bado den yedi o guudikaaba yaaba n ye o kani: «Yin nagini mani ki kpa Li Miali Diedo kopadicianba, kelima bimoko todi Dafidi. Bi den bani ke o tiini ki bua ki ciadi ki naa waani nni.» Ama o bado guudikaaba den yie baa tandi bi nii ki ku Li Miali Diedo kopadicianba.

U TIENU MAAMA TILI 2013

¹⁷ Lanwani, o bado den yedi o guudikaaba yaaba n ye o kani: «Yin nagini ki kpa o Diedo kopadicianba, kelima bimoko todi Davidi. Bi den bani ke o tiini ki bua ki ciadi ki naa waani nni.» Ama o bado guudikaaba den yie baa tandi bi nii ki kpa o Diedo kopadicianba.

1 Samueli 22:17 ပူးပေါင်းရင်းမြစ်များ

2 Samueli 15:1

Lani yaa puoli, Abisalomi den baa toateligu leni i taami, leni jaba piimuu ke bi tiini o liiga.

1 Bi Badiba 1:5

Dafidi pua Hagiti bijua Adonija den fiini o yuli ki tua: «Mini n baa tua o bado.» O den baa ti toateliti leni bi tanjagiba, leni jaba piimuu yaaba n baa yaa ye o toateligu liiga ki tiini.

1 Bi Badiba 14:27

O bado Loboami den tieni gbankoanditoadi ke ti tie ŋanjilifa. O den teni ti yaa toatieba n guu o bado diegu buliñoabu yudanba.

1 Bi Badiba 18:4

Akabi pua Jesabeli n den bolindi Li Miali Diedo sawalipuaba yaa yogunu, wani Abidiasi den taa sawalipuaba kobiga ki boagidi piimuu muu ki wuoni ba ti tanlondi nni, ki puuni ba mi jiema leni mi ñima.

2 Bi Badiba 10:25

Ban padi li *padijuukaali ki gbeni Jehu den yedi yaaba n ye o liiga ki tiini yeni leni bi toatieba: «Kua mani ki kpa ba, baa niyendo n da ña leni miali.» Bi den ku ba leni mu jugisiemu. Yaaba n ye Jehu liiga ki tiini leni bi toatieba den luni ba lankani ki gedi hali u dogu nni, Baali budieli kani.

Mi Ñama 1:17

Ama bi madimaanba den jie U Tienu ki naa tieni Ejipiti bado n den waani ba yaala. Bi den cedi a bonjala kaa kpaani ba.

Jesu Tondiba Tuona 4:19

Pieli leni Jan den goa ki yedi ba: «Biigi mani ki le li yaa tiegi U Tienu po ke tin tuo yi yaa maama ki cedi wani U Tienu yaama.

1 Samueli 14:45

Lane bi toatieba den yedi Sayula: «Bee? Jonatan kan kpe de! Wani yua n cuani tinba Isalele yaaba po laa faabicianma n kpe? Kalam! Hali Li Miali Diedo po, baa o yudi yuyengu kan baa tiipo, kelima leni U Tienu paalu yo ke o soani dinla.» Li tie yene ke bi toatieba den faabi Jonatan ke waa kpe.

1 Samueli 2:31

Diidi ki le u yogunu kpendi ke n baa bolini a diegu gbanmandanba leni a baadiegu yaa gbanmandanba, ke nikpelo kuli kan go yaa ye a diegu nni.

1 Samueli 20:33

Sayula den yoagini o kpaanli ke o baa muu o. Lani Jonatan den bandi ke o baa bili ke o li baa kpa Dafidi.

1 Samueli 22:13

Sayula den yedi o: «Be yaa po ke yi janbi nni, fini leni Isayi bijua? A puni o li bonjekaala leni ki jugisiega, ki go mia opo U Tienu ki buali o opo, ke o se npo ki dia nni nani wan ko tiendi maama dinla ne.»

1 Samueli 22:16

O bado den yedi: «Ahimeleki, a baa kpe fini leni a baadiegu yaaba kuli.»

1 Samueli 25:17

Moala ŋan kpaagi ki le ŋan baa tieni yaala, kelima laa pia kuli tama, ti canbaa leni o diegu kuli baa bodi. Omo yaa tagu bia hali ke ti kan tuo ki maadi leni o.»

1 Samueli 8:11

O den yedi: «Diidi mani yaa bado n baa yaa die yi n baa yaa pia yaa bali. O baa ga yi bijaba ki teni bine n yaa gobidi o toateliti, bine n yaa jagi o toataami, bine mo n yaa tiini wani oba yaa toateligu liiga.