1 Samueli 20:8 - Gourmanchéma Bible

⁸ Ŋan doagidi mini a naacemo po a buama, kelima a kuani o*ŋantaado leni mini a naacemo Li Miali Diedo nintuali. I tagili yaa ye n kani mo, ŋan kpa nni fini aba. Kelima be yaa po ke a baa gedini nni a baa po wan kpa nni?»

U TIENU MAAMA TILI 2013

⁸ Ŋan doagidi mini a naacemo po a buama, kelima a den tieni leni nni o ŋantaado nianli o Diedo nintuali. I tagili yaa ye n kani mo, ŋan kpa nni fini a ba. Be yaa po ke a baa gedini nni a baa po?»

1 Samueli 20:8 ပူးပေါင်းရင်းမြစ်များ

Mi cilima 24:49

Moala yi yaa baa tieni li ŋanbili leni ti dugidi n diedo po yin waani nni. Yi yaa kan tieni mo yin waani nni ke n baa lebidi ki teli jienu po bi ganu po.»

Mi cilima 47:29

Isalele n den sua ke o kuuma yogunu bua ki pundi, o den yini o bijua Josefi ki yedi o: «Li yaa tie ke a pali mani leni nni, n mia ŋa ŋan kuani a nuu n panli tiipo ki waani nni ke a baa tieni npo li ŋanbili leni ti dugidi. Ŋan da piini nni Ejipiti diema nni.

2 Samueli 14:32

Abisalomi den goa ki yedi o: «Li tie kelima n den soani ban yini a ke a yie ŋaa cua. N den bua ki soani a ŋan ban buali o bado yaala yaa po ke n ñani Gesuli ki kpeni? N yaa bi baa ye lipo cie. To, moala n di bua ki baa u sanu ki kua o bado kani. N yaa pia tagili, wan teni ban kpa nni.»

1 Bi Badiba Jama 12:17

Li go den pia Benjamina leni Juda buoli siiga yaaba n den gedi ki ban taani leni Dafidi o kaanpaalu kani.

Pisomi 116:11

N yanjegibima nni n den tua: «Nisaalo kuli tie tuofaadaane.»

Mi Kpanjama 3:3

Ŋan da ŋa mi buama leni mi *teginma tienma, Ŋan laa laa bonliedila a tulu nni, ŋan bili la a pali nni.

Jesu Tondiba Tuona 25:11

Li yaa tie ke n tieni yaala n bia ke li pundi kuuma, n kan yie ki kpe. Ama ban maadi npo yaa maama yaa tie faama, laa pundi oba kuli n teni nni bi nuu nni. N soagini n *buudi Sesa po.»

Josue 2:14

Bi jaliediba yeni den goa ki yedi Lahaba: «Li yaa tie baa kuuma, ti baa kpe kelima yipo li yaa tie yi kubi kaa doagidi tin cua yaala. U Tienu yaa puni ti mi diema, ti baa ŋanbi apo nani tin niani a maama.»

Josue 22:22

«U Tienu, U Tienu, Li Miali Diedo, U Tienu, U Tienu wani Li Miali Diedo bani yaala yaa po ke ti tieni yeni. Isalele yaaba kuli moko baa bandi la. Li yaa tie ke ti fiini yieme, bi ke ti tieni tudibiadime Li Miali Diedo po, wan da cedi tin yaa ye.

Ruti 1:8

Naomi den yedi ba: «Yikuli n goa ki kuni yi naanba denpo. Li Miali Diedo n ŋanbi yipo nani yin den ŋanbi n niba yaaba n kpe leni mini nba yaa po maama.

1 Samueli 18:1

Dafidi n den maadi leni Sayula ki gbeni, lanyogunu Jonatan yama den kua Dafidi niinni ke o den bua o nani o yuceli yeni.

1 Samueli 18:3

Jonatan mo den loli ku danligu leni Dafidi kelima o den bua o nani o yuceli yeni.

1 Samueli 20:16

Kelima mini Jonatan, n loli ku danligu leni fini Dafidi buolu. Li Miali Diedo n pa a yibalinba bi panpaanbiadi.»

1 Samueli 20:9

Jonatan den yedi o: «Ŋan da kuani a yama nni ke n kan waani a. N yaa bandi ke n baa kubi apo mi biadima o pali nni, laa pia kuli mine, n baa waani a.»

1 Samueli 23:18

Bani bonba lie go den loli ku danligu leni biyaba Li Miali Diedo nintuali. Dafidi go den ye ku tuugu nni, Jonatan mo den goa ki kuni o denpo.