1 Samueli 20:3 - Gourmanchéma Bible

³ Dafidi den poli ki yedi: «Hali U Tienu po, li tie yeni. A baa bani ke a pali mani npo ke o jagi o yama nni ki yedi: ‹Jonatan n da bandi laa bonla ke lan da biidi o pali?› Ama i moamoani hali Li Miali Diedo po leni a yaa po kuli, mini leni mi kuuma ki foagi.»

U TIENU MAAMA TILI 2013

³ Davidi den poli ki yedi: «A baa bani cain ke a pali mani n po, ke o jagi o yama nni ki yedi: ‹Jonatan n da bandi laa bonla ke lan da ti biidi o pali?› Ama i moamoani hali o Diedo po leni a yaa po kuli, mini leni mi kuuma ki foagi.»

1 Samueli 20:3 ပူးပေါင်းရင်းမြစ်များ

2 Samueli 15:21

Itayi den goa ki yedi o bado: «Hali Li Miali Diedo po, fini n daano n baa yaa ye naani, nmoko baa yaa ye lankane. N yaa baa kpe, n yaa baa yaa ye, n baa yaa yegi leni a.»

2 Bi Badiba 2:2

Elia den yedi Elise: «Ŋan sedi ne daa, kelima Li Miali Diedo soani nni hali Betela po.» Elise den goa ki yedi o: «Hali Li Miali Diedo po, n kan ña a kani!» Bi den yegi ki gedi Betela.

2 Bi Badiba 2:4

Elia go den yedi Elise: «Ŋan sedi ne daa, kelima Li Miali Diedo soani nni Jeliko po.» O den goa ki yedi o: «Hali Li Miali Diedo po, n kan ña a kani.» Bi den yegi ki gedi Jeliko.

2 Bi Badiba 2:6

Elia go den yedi Elise: «Ŋan sedi ne daa, kelima Li Miali Diedo soani nni Judana po.» O den goa ki yedi o: «Hali Li Miali Diedo po, n kan ña a kani.» Lanwani bi den suagi liiga leni bi sancenli.

Pisomi 116:3

Mi kuuma baabi den luo nni kankani, Bi tinkpiba diema paboanli den nandi nni. N pali den biidi ki go boandi hali boncianla.

Jeremi 38:16

O bado Sedesiasi den niani o sawalipualo Jelemi ŋasiili nni u ñoanianu ki poli ki yedi o: «Li Miali Diedo yua n puni ti li miali yeni fo! N kan kpa ŋa. N kan teni a yaaba n bua ki ñani a miali nuu nni.»

Jeremi 4:2

A yaa poli ki yedi: «Li Miali Diedo fo!» Ke li tie moamoani, leni yantugupiengu leni mi *teginma, Lanwani i nilanbuoli baa yedi Ke bi baa li seli o yaa niinni, Bi baa diidi wane ki jigini bi yula.

Mi Tiadima 28:66

Yi miali yema baa tie nani mi jigiciema yeni, ti jawaandi mo n yaa pia yi ku ñiagu leni u yensiinu kuli, hali yin bangi yi yama nni yi yaa fo.

Mi Tiadima 6:13

Yi baa yaa fangi Li Miali Diedo yi Tienu, ki yaa kpiagidi wani, ki go yaa polini wani yaa yeli nni.

Hebilunba 6:16

Bi nisaaliba yaa poli li poli, bi yen taa yua n cie ba yaa yeli ki poli. Li poli mo tie yaali n tie nani i *kpaaligi yeni ki teni mi niama kuli n gbeni.

1 Samueli 1:26

Ana den yedi: «N daano, i moamoani, n tie yaa pua n den sedi ne a nintuali ki miadi Li Miali Diedo.

1 Samueli 17:55

Sayula n den laa Dafidi ke o caa ki baa tuogi leni Goliati, o den yedi o guudikaaba yudaano Abineli: «Abineli, o jawaalo na tie ŋme yaa bijua yo?» Abineli den goa ki yedi: «N daano, hali U Tienu po, mii bani.»

1 Samueli 20:2

Jonatan den goa ki yedi o: «Li kan tua yeni, a kan kpe. N baa kan tieni bonliba, li yaa yaba leni li yaa wa kuli, ki kan waani nni. Be n baa teni wan wuoni nni laa bonla? Laa tie yeni.»

1 Samueli 20:4

Lani Jonatan den yedi Dafidi: «N baa tieni apo ŋan bua yaala kuli.»

1 Samueli 25:26

Moala, n poli hali Li Miali Diedo leni hali fini yaa po kuli ke Li Miali Diedo n yie apo ki cuo a nuu ke ŋan da wuli mi soama. A yibalinba leni yaaba n bua ki tieni fini n daano yaala n bia kuli ban tua nani Nabali yeni.

1 Samueli 27:1

Dafidi den yedi o yama nni: «Dayenli Sayula baa bolini nni. Yaala n ŋani npo ki cie kuli tie min gedi ki ban wuoni Filisiti yaaba diema nni. Yeni Sayula baa cedi, o kan go lingi nni Isalele yaaba diema nni, yeni n baa ŋmadi o nuu nni.»