1 Samueli 2:35 - Gourmanchéma Bible

³⁵ N baa dini n kopadiciamo min baa fidi ki yaa dugi yua yaa po, yua n baa yaa tiendi n pali leni n yantiali n bua maama. N baa sieni o diegu ke o puoliŋuani baa yaa kubi li kopadician-tuonli min baa gandi ki gagidi ki dini yua li bali yaa nintuali hali yaa yogunu kuli.

U TIENU MAAMA TILI 2013

³⁵ Li yaa puoli, n baa dini n kopadiciamo min baa fidi ki yaa dugi yua yaa po, yua n baa yaa tiendi n pali leni n yantiali n bua maama. N baa sieni o diegu, ke o puoliŋuani baa yaa kubi li kopadiciantuonli, min baa gagidi ki dini yua li bali yaa nintuali hali yaa yogunu kuli.

1 Samueli 2:35 ပူးပေါင်းရင်းမြစ်များ

2 Samueli 7:11

min den teni ke bi bujiaba gobidi n niba yaa yogunu. N faabi a leni a yibalinba ki puni a mi fuodima. Mini Li Miali Diedo, n yedi a ke n baa sieni a diegu mo.

2 Samueli 7:27

Kelima fini Li Miali Diedo, U Paaciamu Kuli Daano, Isalele yaaba Tienu, a den doagidi ki waani mini a naacemo ke a baa sieni n diegu. Li tie lani yaa po ke n paagi n pali ki mia laa miabu.

1 Bi Badiba 1:45

O kopadiciamo Tisadoki leni o sawalipualo Natan ban dini o li bali Gihoni kani. Bi ñani lanpo yo ki lebidi ki kpendi ki mangidi bi pala, ke u dogu kuli taani leni ba bi fuugu nni. Laa fuugoe ke yi gbadi yeni.

1 Bi Badiba 1:8

Ama o kopadiciamo Tisadoki, leni Yeoyada bijua Benaya, leni o sawalipualo Natan, leni Dafidi jakoanda wani ki den taa Adonija po.

1 Bi Badiba 11:38

A yaa tuo ki tiendi min baa yedi a yaala kuli, a yaa cuoni n sani nni, a yaa tiendi yaala n tiegi npo ki kubi n bali maama leni n ñoabona, nani n naacemo Dafidi n den tiendi maama, n baa yaa ye leni a, n baa sieni a diegu nani min sieni Dafidi yaagu maama, n go baa pa ŋa Isalele yaaba mo.

1 Bi Badiba 2:35

Lani yaa puoli o bado den teni ke Yeoyada bijua Benaya lebidi Joabi ki tua bi guudikaaba yudaano. O go den teni ke Tisadoki lebidi Abiata ki tua bi kopadicianba bado.

1 Bi Badiba Jama 29:22

Bi den dini ki go ñuni laa daali Li Miali Diedo nintuali leni li pamancianli, ki den kpaani mi liema ki waani ke Dafidi bijua Salomono n tie bado. Bi den wuli opo mi gagidima kpama Li Miali Diedo nintuali ke o tie o gobidika, leni Tisadoki po ke wani mo n tie o kopadiciamo.

Pisomi 18:50

Li Miali Diedo, lani n teni Ke n baa pagi a i nibuoli kuli siiga, N baa yiini ki kpiagi a yeli.

Pisomi 2:2

Ki tinga badiba kuli fii ki sedi. Bi badijaba mo taani ki tuu ñoayenbu Ki fii ki sedi Li Miali Diedo Leni wan gandi yua po ki tua:

Mi Ñama 1:21

Nani bi madimaanba n den jie U Tienu yeni, U Tienu mo den puni ba ti madi.

Esekieli 34:23

N baa tuni yankpaayende n yangoli yeni yuli, wan yaa faami bipo. N naacemo Dafidi n baa tua bi yankpaalo ki yaa kpaa ba, ki tua bi yankpaamoano.

Mi Coadima 25:13

Laa ŋantaado baa yaa tie wani leni o puoliŋuani po kuli li kopadician-tuonli yaa ŋantaado, yua n baa yaa ye hali yaa yogunu kuli po, kelima o doagidi ke o pia o Tienu yaa nunponli buolu, ki teni ke Isalele yaaba baa bi*tuonbiadi sugili.»

Hebilunba 2:17

Lani yaa po, li den tie tiladi ke wan tua nani o waamu yeni li bonla kuli nni. Yeni, ke wan yaa tie yaa kopadicianba bado n gba bipo mi niñima ki go tie o nidugika wan tuuni bipo yaa tuonli U Tienu kani leni wan go den padi i *candanbaani padili ki baa sugili bi niba*tuonbiadi po maama.

1 Samueli 10:10

Sayula leni o naacemo n den pundi Gibeya yaa yogunu, yaa nigoli n tie sawalipuaba den tuogi ba. U Tienu Fuoma den kua o niinni ke o moko den pua sawali bi siiga.

1 Samueli 10:9

Sayula n den jigidi ki baa paadi leni Samueli yaa yogunu, U Tienu den puni o yantiatoali. Laa sinankeeninba kuli den tieni laa daali.

1 Samueli 12:3

To, mini nna. Yin doagidi mani ki waani Li Miali Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N ga ŋme yaa kane li suuli ki pii n nuni ke min da le o tagili? N baa guani yi likuli.»

1 Samueli 16:13

Lanwani Samueli den taa li yinli leni li bali kpama ki wuli o yuli po ki gagidi o o kpeliba siiga. Li Miali Diedo Fuoma den kua o niinni ki diedi o, ki cili laa daali ki yaa caa! Li yaa puoli Samueli den fii ki kuni Lama.

1 Samueli 2:36

Lanwani yua n baa sieni a buolu nni kuli baa cua ki gbaani o nintuali ki mia tanga leni mi jiema ki yedi: N mia ŋa, ŋan kuani nni bi kopadicianba tuona tuonliba niinni min yaa baadi ki di.› »

1 Samueli 25:28

N mia ŋa ŋan tieni sugili mini a yualo tagili po. Li Miali Diedo baa ti bili fini n daano buolu wun yaa ye kelima a kubi Li Miali Diedo toabu, bi kan le a kani bonbiadiliba kuli mo hali a miali banlu.

1 Samueli 3:1

O jawaalo Samueli den ye Li Miali Diedo tuonli nni Eli kani. Laa yogunu Li Miali Diedo ki den yaba ki maadi leni bi niba, waa den puuni ba li bonlekaala mo ke li yaba.

1 Samueli 7:9

Samueli den taa yaa pebiga n da ŋaani ki padi ga ki juu ga bonmunli li padijuukaali Li Miali Diedo po. O den kpaani ki mia Li Miali Diedo Isalele yaaba po ke wani Li Miali Diedo ga o miabu.

1 Samueli 8:3

Baa den ŋua bi baa Samueli fuuli, bi den bua mi piama boncianla ki gaani a suuna. Baa den gobidi ke li tiegi.

1 Samueli 9:12

Bi jafanba den goa ki yedi ba: «Mm, o da li pundi u dogu nni moala nne. O cua dinla kelima u dogu nni pia li padili li juali po. Lanwani yin gedi tontoni.

1 Samueli 9:13

Yi yaa kua u dogu nni yi baa le o hali ke o daa gedi li juali po ki baan je, kelima bi niba kan je se o cua, wani n baa jaandi ki mia U Tienu n seligi li padili, ban yini yaaba n nan yuandi ki je. Gedi mani ke moala yi da baa le o.»