1 Samueli 2:26 - Gourmanchéma Bible

²⁶ O jawaalo Samueli den fandi ki pugidi. Li Miali Diedo leni bi niba kuli yaa pala den mani opo ki pugidi.

U TIENU MAAMA TILI 2013

²⁶ O jawaalo Samueli den fandi ki pugidi. O Diedo leni bi niba kuli pala den magidi o po ki pugidi.

1 Samueli 2:26 ပူးပေါင်းရင်းမြစ်များ

Mi cilima 39:4

Josefi canbaa pali den mangi leni o ke o kuani o o deni ki teni ke o diedi o diegu nni yaa tuonli leni wan die yaala kuli.

Mi Kpanjama 3:3

Ŋan da ŋa mi buama leni mi *teginma tienma, Ŋan laa laa bonliedila a tulu nni, ŋan bili la a pali nni.

Mi Kpanjama 3:4

A yaa kubi laa bonla, U Tienu leni bi niba pala baa yaa mani apo, Fini leni bani baa yaa mani leni yi yaba.

Luki 1:80

Ki biga yeni den kpedi ki go fandi bonŋanla, ki ye li fuali nni hali yaa daali ke o den ti doagidi o yuli Isalele yaaba po.

Luki 2:40

Ki biga den fandi ke o gbanmanu pugidi. O den pia mi yanfuoma boncianla, U Tienu *ŋanbili mo den ye leni o.

Luki 2:52

Jesu den fandi ki go kpedi ke o yanfuoma pugidi. U Tienu pali leni bi niba yaa pala kuli den mani opo ki pugidi.

Jesu Tondiba Tuona 2:47

ki pagi U Tienu, ki baadi li seli bi niba kuli nintuali. Daali kuli o Diedo go den faabidi nitoaba ki pugidi Kilisiti n yini yaaba.

LOMA YAABA 14:18

Yua n tuuni Kilisiti po yeni, U Tienu pali baa mani leni o, bi nisaaliba mo baa saa opo i moamoani.

Bi Bujiaba 13:24

Li yaa puoli Manoa pua den mali bonjaga ki yini o Samisona. Bi biga yeni den fandi, Li Miali Diedo den seligi o.

1 Samueli 2:21

Li Miali Diedo den nuali ki laa Ana po ki puni o ti madi ke o go mali bonjala taa leni bonpola lie. Ki biga Samueli den fandi ki pugidi ki tuuni Li Miali Diedo po.

1 Samueli 3:19

Samueli den fandi ki pugidi, Li Miali Diedo mo den ye leni o, waa den tuo ke Samueli n maadi opo yaa maama baa mayenma n tua fanma.