1 Samueli 2:12 - Gourmanchéma Bible

¹² Eli bijaba den tie yaa jaba n bia, baa den bani Li Miali Diedo.

U TIENU MAAMA TILI 2013

¹² Eli bijaba den tie fanma, baa den bani o Diedo.

1 Samueli 2:12 ပူးပေါင်းရင်းမြစ်များ

1 Bi Badiba 21:10

ki cuani nibiadiba lie likani ki sieni ba Naboti nintuali ban kuli o ke o sugi U Tienu leni o bado. Li yaa puoli yin ñani o u dogu nni ki lugidi o a tana wan kpe.»

1 Bi Badiba 21:13

Bi nibiadiliediba yeni den cua ki sedi Naboti nintuali ki kuli o bi niba kuli nintuali ki yedi: «Naboti sugi U Tienu leni o bado!» Lani bi den ñani o u dogu nni ki lugidi o a tana ke o kpe.

Jeremi 2:8

Bi kopadicianba naa buali: ‹Li Miali Diedo ye le?› Yaaba n kubi li *bali maama ki bani nni, Bi gobidikaaba ki tegini npo, Bi sawalipuaba pua sawali o bulo *Baali yaa yeli nne. Bikuli sani ki pugi yaa *buli n kan midi yanbu Ki naa pia fuomaba mo.

Jeremi 22:16

O den ja o niñinnilo leni o luodo buudi ke li tiegi. Naani lani ka doagidi ke o bani nni? Moko li bonla kuli den cuoni opo bonŋanla. Li Miali Diedo n yedi yeni.

Jeremi 9:3

Yua kuli n fangi o yuli leni o danli Oba n da dugi o nikpiilo baa yendo po Kelima kpiilo kuli baa fidi ki lu i janbi Danli kuli mo pia bu tingbangbaabu.

Jeremi 9:6

Lani n teni ke Li Miali Diedo U Paaciamu Kuli Daano yedi: «Diidi n baa teni ban nandi ba mi fantama nni, Min biigi ba. N baa tieni n niba lede?

Esekieli 22:26

Laa dogu kopadicianba miidi n balimaama ki nan go joagini n kaangagidiŋami, yaala n gagidi ki ŋani leni yaala n joagini naa pia bipo paadimaba kuli. Baa bangi bi niba yaala n ŋani leni yaala n joagini paadima, ki naa go faami n fuodima dana po mo. Oba kuli mo ki go fangi nni nani lan bi pundi ban yaa fangi nni maama.

Jan n diani U Tienu Laabaaliŋamo maama 16:3

Bi baa tiendi yi laa bonla kelima baa bani Baa, baa bani mini moko.

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 8:55

Yii bani o, ama mini n bani o. N yaa bi yedi ke mii bani o, n bi baa tua tuofaadaano nani yinba. Ama n bani o ki kubi o maama.

LOMA YAABA 1:21

Kelima baa ke bi bani wani U Tienu, baa kpiagidi o ki go tuondi o nani lan pundi maama, ama bi yaadi bi yankpaagifana nni. Bi yanpiima teni ke bi kua li *biigili nni.

2 Korenti 6:15

Kilisiti leni Beliali baa dagidi leni biyaba lede? Yua n daani baa taani ki boagidi be leni yua n kaa daani?

Mi Tiadima 13:13

Yi yaa gbadi ke bi maadi Li Miali Diedo yi Tienu n puni yi yaa dogi ke yin yaa ye yeni siiga doguba po maama ki yedi ke

Mi Tiadima 13:14

nisaalifanma fanma n den ñani yi kani ki tigini bi dogu yaaba ki yedi ba: ‹Tin gedi ki ban kpiagi i buli,› yin kaa bandi yaa buli.

Bi Bujiaba 19:22

Ban den di ki mangidi bi pala yaa yogunu, u dogu nni nibiadiba, den cebini ki gaani ku diegu, ki pua bu buliñoabu. Bi den yedi o diedaano, o jakpelo yeni: «Ñani ŋan ga o ja yua yaa cangu yeni tin taani leni o.»

Bi Bujiaba 2:10

Yaaba n den taa fiima leni Josue kuli moko den kpe ke nifiitoama yuandi ki ŋoadi bi puoli, yaaba n kaa den bani Li Miali Diedo leni wan den ŋanbi Isalele yaaba po maama.

1 Samueli 10:27

Ama bi nibiadiba den ye yaaba n yedi: «Joo! One n baa faabi ti?» Bi den fali o kaa cuani opo paabu. Ama Sayula ki den taa la ki kuani o yama nni.

1 Samueli 25:17

Moala ŋan kpaagi ki le ŋan baa tieni yaala, kelima laa pia kuli tama, ti canbaa leni o diegu kuli baa bodi. Omo yaa tagu bia hali ke ti kan tuo ki maadi leni o.»

1 Samueli 3:13

N den kadi ki waani o ke n baa bu ki cuo o diegu yaa yogu n tu yaa yogu kelima o bila tiendi ti cagindi ke o bani ki naa tundi ba.

1 Samueli 3:7

Samueli daa den bani Li Miali Diedo, Li Miali Diedo mo daa den maadi leni o.