1 Samueli 2:10 - Gourmanchéma Bible

¹⁰ Li Miali Diedo yibalinba baa midi. O baa teni i tatantani n tiani hali tanpoli ki pundi bi kani. Li Miali Diedo baa jia ti buudi leni yaaba n ye hali ki tinga banlu. O baa pa o bado u paaciamu, O baa pugini wan gandi ki gagidi ki dini yua li bali li bali paalu.»

U TIENU MAAMA TILI 2013

¹⁰ O Diedo yibalinba baa midi. O baa teni i tatantani n tiani hali tanpoli ki pundi bi kani. O Diedo baa jia ti buudi leni ki tinga niba kuli. O baa pa o bado u paalu, O baa pugini wan gagidi ki dini yua li bali li bali paalu.»

1 Samueli 2:10 ပူးပေါင်းရင်းမြစ်များ

2 Samueli 22:14

Li Miali Diedo den tiani hali tanpoli po, Wani tanpoli badiciamo den kpedi o nialu.

2 Samueli 7:13

Wani n baa ti maa npo ku diegu. N baa pugini o bali paalu mo hali yaa yogunu kuli po.

2 Samueli 7:8

Moala ŋan yedi n naacemo Dafidi: ‹Li Miali Diedo, U Paaciamu Kuli Daano yedi mine: N den ñani a u yankpaakaanu kani ŋan den kpaa i pe naani, ki teni ke a tua n niba Isalele yaaba yudaano.

Jobi 40:9

Naani a paalu pundi n yaa yu? Naani a pia yaa nialu n duni nani n yaa yu yeni?

Pisomi 132:17

Lankane n baa pugini Dafidi paalu Ki go bogini yua n baa ga min gagidi yaa bado yeni kaanu ti gbandi po.

Pisomi 148:14

O pugini o niba paalu leni bi jigidi, Li tie kpiagidi bonla o *nidugikaaba po. Isalele yaaba, bani yaa niba n nagi leni o bonŋanla yeni po. Pagi mani Li Miali Diedo!

Pisomi 2:2

Ki tinga badiba kuli fii ki sedi. Bi badijaba mo taani ki tuu ñoayenbu Ki fii ki sedi Li Miali Diedo Leni wan gandi yua po ki tua:

Pisomi 2:6

«Mini n gagidi n bado ki kaani o Siyono joagagidikaali yuli po.»

Pisomi 2:9

A baa mudi ba leni ti kudi gbiamu, Nani o maado bobili yeni, a baa mudi ba yomi yomi.»

Pisomi 20:6

Ti baa yigini leni li pamanli kelima a *faabima po. Ti baa yugidi ti *tuudicabili ti Tienu yeli nni. Li Miali Diedo baa tieni apo ŋan mia o yaala kuli.

Pisomi 20:7

Moala wani n bani ke Li Miali Diedo Baa todi wan gandi yua. Hali wan ye naankani tanpoli po, O baa guani opo o miabu. O nijienu baa tieni mi bancianma ki faabi o.

Pisomi 21:1

Bi yanyanba yudaano yani siiga yanbu. Dafidi yanbu.

Pisomi 28:8

Li Miali Diedo n tie o niba fidu, Ki go tie yaa kaanpaalu n baa tua *faabima, Wan gandi yua po.

Pisomi 45:7

U Tienu, a bali kalikaanu ye hali yaa yogunu kuli. A badigbiamu mo tie mi teginma gbiamu.

Pisomi 89:17

A yeli teni ke bi ye leni li pamancianli daali kuli, Ki jigini bi yula kelima a teginma po.

Pisomi 89:24

N baa pua ki mumudi o yibalinba o nintuali Ki faligi yaaba n nani o.

Pisomi 89:25

N moamoani leni n ŋanbili baa yaa ye leni o, N yeli mo baa teni o bali n do.

Pisomi 96:13

Li Miali Diedo nintuali, kelima o kpendi. O kpendi ki baa jia ti buudi ki tinga nni. O baa jia li ŋandunli yaa buudi n tiegi, Ki jia i nilanbuoli buudi mo nani o teginma n tie maama.

Pisomi 98:9

Li Miali Diedo nintuali, kelima o kpendi Ki baa jia ti buudi leni ki tinga. O baa jia li ŋandunli buudi leni mi teginma, Ki jia i nibuoli buudi lan dagidi.

Mi Ñama 15:6

Li Miali Diedo, a nijienu paalu ki pia lie, Li Miali Diedo, a jienu mudi a yibalinba cain.

O Yanfuodaano 11:9

Fini o jawaalo, ŋan mangi a pali a jawaama yogunu, yaa ye yemanma a panma dana nni. Ŋan tieni a pali n bua yaala kuli, yaala n mani a kuli ŋan tieni la. Ama ŋan yaa bani ke U Tienu baa ti bu leni a bontienkaala kuli po.

O Yanfuodaano 12:14

U Tienu baa bu ti bontienkaala kuli, baa yaala n wuo, li yaa ŋani leni li yaa bia kuli.

Esayi 29:6

Li Miali Diedo U Paaciamu Kuli Daano baa cua ki goandi a Leni i tatantani leni mi tindigibima leni yaa fuugu n yaba hali boncianla, Leni ki tacianga leni ku tafaagu Leni yaa fantama n co ki buondi.

Esayi 32:1

Lanwani o bado baa gobidi mi diema leni mi *teginma. Bi badijaba moko baa yaa gobidi nani lan pundi maama.

Esayi 45:24

Lanbu mo kuli baa yedi: «Mi teginma leni u fidu ye mini Li Miali Diedo bebe yaa kani.» Yaaba n den bieni bi pala opo kuli, Bi baa cua o kani ki ye leni i fe.

Esekieli 29:21

Laa yogunu n baa pugini Isalele yaaba u fidu. N baa yaadi a ñoabu ki teni ŋan fidi ki maadi bi siiga. Lanwani bi baa bandi ke n tie Li Miali Diedo.»

Matie 25:34

Lani, o bado baa yedi yaaba n ye o jienu: ‹Cua mani na, yinba n Baa n seligi yaaba, ga mani wan den ŋanbi yipo yaa diema hali ŋanduna cilima.

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

Luki 1:69

Ki fiini tipo o naacemo Dafidi diegu nni Yaa Candaano n pa.

Luki 19:27

N yibalinba mo, bani yaaba n kaa den bua nni leni li bali yeni, cuani ba mani ki kpa ba n nintuali.› »

Jesu Tondiba Tuona 10:38

U Tienu den teni ke U Tienu Fuoma Yua jiidi Nasaleti yua Jesu po ki gbie o niinni maama, ki puni o u paalu. Yi go bani ke o den caa i kaani kuli ki ŋanbidi bi niba po, ki faabidi Sutaani n den miabi yaaba kuli ki paagidi ba kelima U Tienu den ye leni o.

Jesu Tondiba Tuona 4:27

Moamoani o bado *Elodo leni gufeneeli Ponisa Pilata den taani yanyenma leni yaaba n kaa tie Isalele yaaba leni Isalele yaaba kuli u naa dogu nni, ki juogi ban baa tieni maama ki cuo fini U Tienu yaa naacen-gagidiŋamo Jesu, ŋan Gandi Yua.

2 Korenti 5:10

Kelima li tie tiladi ke tikuli n sedi Kilisiti bujiakaanu kani, ke yua kuli n ga wan den ye o gbanandi nni ki tiendi yaala yaa panpaani, lan tie yaala n ŋani bi yaala n bia.

Bi Bujiaba 5:31

Li Miali Diedo, a yibalinba n bodi yeni, Ama yaaba n bua ŋa, ban yaa tie nani u yienu yeni, Wun kpadi yaa yogunu.» Mi yanduanma den tieni mi diema nni hali bina piinaa.

1 Samueli 12:13

Lanwani yi bado nne, yin den gandi yua, yi den mia o bado ke Li Miali Diedo puni yi o.

1 Samueli 12:17

Tii ye *ŋalikama ceyogunu kaa? Ki taaga n ki go mi yaa yogunu. N baa jaandi ki mia Li Miali Diedo, o baa soani ki taaga leni i tatantani. Lani yi baa bandi ke yi tudi boncianla Li Miali Diedo nintuali leni yin mia ban dini yipo o bado.»

1 Samueli 12:18

Lanwani Samueli den jaandi ki mia Li Miali Diedo ke o soani ki taaga leni i tatantani laa daali. Bi niba kuli den jie Li Miali Diedo leni Samueli hali boncianla.

1 Samueli 12:3

To, mini nna. Yin doagidi mani ki waani Li Miali Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N ga ŋme yaa kane li suuli ki pii n nuni ke min da le o tagili? N baa guani yi likuli.»

1 Samueli 15:28

Lani Samueli den yedi o: «Dinla Li Miali Diedo moko dadi ki cie Isalele diema bali a kani ki baa teni nitoa yua n ŋani ki cie ŋa.

1 Samueli 16:1

Li Miali Diedo den yedi Samueli: «A baa yaa yagini a yama Sayula po ki pundi u laa yogunu? N yie o, o kan go yaa tie Isalele yaaba bado. Lani ŋan gbieni a yinli mi kpama ki fii. N baa soani a Betelema yua *Isayi kani kelima n gandi o bila siiga min baa dini yua li bali.»

1 Samueli 7:10

Samueli n da den padi li padijuukaali yaa yogunu, Filisiti yaaba den nagidi ki baa baa Isalele yaaba. Li Miali Diedo den teni ke i tatantani tieni ke Filisiti yaaba jie ki duodi ki sani. Isalele yaaba den paadi ba.