1 Samueli 19:17 - Gourmanchéma Bible

¹⁷ Sayula den yedi Mikali: «Be yaa po ke a boandi nni nande ki cedi ke n yibali ñani ki ciadi?» Mikali den goa ki yedi Sayula: «O den yedi nni: ‹Cedi min ña, lani yaaka n baa kpa ŋa.› »

U TIENU MAAMA TILI 2013

¹⁷ Sayuli den yedi Mikali: «Be yaa po ke a janbi nni nanda, ki cedi ke n yibali ñani ki ciadi nni?» Mikali den guani ki yedi Sayuli: «O den yedi nni: ‹Cedi min ña, lani yàá ka n baa kpa ŋa.› »

1 Samueli 19:17 ပူးပေါင်းရင်းမြစ်များ

2 Samueli 17:20

Abisalomi naacenba den kua laa diegu nni o pua yeni kani ki buali o: «Ahimaatisi leni Jonatan ye le?» O den waani ba ke bi duodi ki fuanbiga. Ban den lingilingi kaa laa ba, bi den goa ki kuni Jelusalema.

2 Samueli 2:22

Abineli go den yedi Asayeli: «Ŋuadi n puoli ke min da ti pua ki kpa ŋa. N yaa pua ki kpa ŋa n baa noanli a naataanu Joabi lede?»

1 Bi Badiba 21:20

Akabi den yedi Elia: «N yibali, a laa nni yo?» Elia den goa ki yedi o: «N laa ŋa kelima a puni a yuli ki tiendi yaala n bia Li Miali Diedo po.

Matie 2:16

Elodo n den sua ke a banda yeni boandi o, o pali den beni boncianla. O den soani ban ban kpa yaa bonjala n pia bina lie lie leni yaaba n ki pundi yeni kuli, ki ye Betelema leni u tinkundogi nni kuli, nani a banda n den waani o ke o sua ke laa biga baa pia yaa bina banlu.

Galati 4:16

Naani min maadi yi i moamoani yeni n teni ke n di tua yi yibali bi?

1 Samueli 19:14

Sayula n den soani o naacenba ban ban cuo Dafidi, Mikali den yedi ke o yia.

1 Samueli 19:16

O naacenba n den pundi ki kua, bi den laa ke yaa bulo n naani leni o nilo maa u duanu po ke ku ŋuagbangu mo ye o yuli po.

1 Samueli 22:17

Lanwani o bado den yedi o guudikaaba yaaba n ye o kani: «Yin nagini mani ki kpa Li Miali Diedo kopadicianba, kelima bimoko todi Dafidi. Bi den bani ke o tiini ki bua ki ciadi ki naa waani nni.» Ama o bado guudikaaba den yie baa tandi bi nii ki ku Li Miali Diedo kopadicianba.

1 Samueli 28:12

O pua n den laa Samueli, o den kuudi, ki tiani ki yedi Sayula: «Be yaa po ke a boandi nni. A tie Sayula.»