1 Samueli 19:10 - Gourmanchéma Bible

¹⁰ Dafidi den pua ku kogidigu. Sayula den moandi ki bua ki muu ki tabini o leni li goanli, ama Dafidi den lia ke Sayula kpaanli den cuo u bilinu. Dafidi den sani ku ñiagu ki ciadi.

U TIENU MAAMA TILI 2013

¹⁰ Sayuli den moandi ki bua ki muu ki tabini o leni li goanli, ama Davidi den lia ke Sayuli kpaanli den cuo li goanli. Laa ñiagu, Davidi den sani ki cia.

1 Samueli 19:10 ပူးပေါင်းရင်းမြစ်များ

Pisomi 124:7

Ti den baa ki fondi ki ñani Nani ki nuanga n yen fondi u taalu nni maama. U taalu den kadi ke ti baa ki fondi.

Pisomi 18:17

Hali tanpoli po, o den tandi o nuu ki cuo nni, Ki ñani nni mi ñincianma nni.

Pisomi 34:19

Li Miali Diedo ye leni yaaba yaa jigi n cie, O faabidi yaaba yaa yama n paagi.

Pisomi 37:32

O nibiado kpaagi o niteginka yema Ki lingi ki bua ki kpa o.

Mi Kpanjama 1:16

Kelima bi tiini ki caa ki baan tieni mi biadima, bi jaligi ki bua ki wuli mi soama.

Mi Kpanjama 21:30

O nisaalo yama, o yanfuoma leni o kpaagili kuli Kan fidi pu kuli Li Miali Diedo nintuali.

Esayi 54:17

Ama ban tagi yaa jatiagu ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie Li Miali Diedo naacenba faali Lani n tie ban baa mini Li Miali Diedo kani yaa *moamoansaali. Li Miali Diedo n yedi yeni.

Ose Tili 6:4

Ama U Tienu goa ki yedi: «Yinba Efilayima buolu yaaba leni Juda buolu yaaba, N baa tieni yi be? Yi buama npo tie Nani mi tiŋamanma yaama n yoagi tontoni.

Matie 10:23

Bi yaa waani yi o falabiado doyendu nni, sani mani ki gedi dotogu. N waani yi i moamoani, yi kan gaani Isalele yaaba dogi nni kuli ki gbeni ke o *Ja Bijua daa cua.

Luki 4:30

Ama Jesu den tagini ki cuoni bi siiga nni ki ñani ki ban caa.

Jan n diani U Tienu Laabaaliŋamo maama 10:39

Bi go den lingi ki baa cuo o, ama o den cia.

Hebilunba 11:34

ki go gbindi yaa fantama n co jama, ki sani ki faabi bi yula mu jugisiemu ñoana nni, ki paadi i yiani, ki tua jakoanda bu toabu nni, ki deli bi nilanba toagola.

1 Samueli 18:10

Li fiifaama, U Tienu n den soani yaa cicibiadiga go den ŋoadi Sayula ke o gaandi o diegu nni. Dafidi den pua ku kogidigu nani wan den yen maani ki pua maama. Sayula den muubi o kpaanli.

1 Samueli 18:11

O den yugidi o kpaanli ki tua o pali nni: «N baa muu ki tabini o li goanli.» Ama taalima lie kuli Dafidi den lia ke waa baa o.

1 Samueli 19:6

Sayula den cengi Jonatan maama ki poli ki yedi: «Hali Li Miali Diedo po, Dafidi kan kpe.»

1 Samueli 20:33

Sayula den yoagini o kpaanli ke o baa muu o. Lani Jonatan den bandi ke o baa bili ke o li baa kpa Dafidi.