1 Samueli 18:17 - Gourmanchéma Bible

¹⁷ Lanwani Sayula den yedi Dafidi: «A yaa tuuni npo leni li papaali ki tiendi Li Miali Diedo toabu, n baa pa ŋa n bisakpelo Melabi, wan tua a pua.» Ama Sayula den bungi o pali nni ki yedi: «Mii bua ki maani opo n nuu, ama Filisiti yaabe n maani opo bi nii.»

U TIENU MAAMA TILI 2013

¹⁷ Lanwani, Sayuli den yedi Davidi: «A yaa tuuni n po leni li papaali ki tiendi o Diedo toabu, n baa pa ŋa n bisakpelo Melabi, wan tua a pua.» Ama Sayuli den bungi o pali nni ki yedi: «Mii bua ki maani o po n nuu, ama Filisiti yaabe n maani o po bi nii.»

1 Samueli 18:17 ပူးပေါင်းရင်းမြစ်များ

2 Samueli 11:15

O den diani laa tili nni ki yedi: «Yin gedini Uli bu toabu n bia naankani ki cie, ki fuadi ki ŋa o ban pua o wan kpe.»

2 Samueli 12:9

Lanwani be teni ke a fali mini Li Miali Diedo maama, ki tieni yaala n *joagini n nintuali? A pedi ki kpa Heta buolu yua Uli leni ki jugisiega. Yeni de, a teni ke Amoni yaaba ku o leni mu jugisiemu, ki taa o pua mo ke o tua a yaa pua.

2 Samueli 6:16

Li Miali Diedo ŋantaadikpaku n den cuubi ki baa kua Dafidi kaanciamu nni yaa yogunu, Dafidi pua Mikali, Sayula bisalo den diegi li diebonli kani ki nuali. Wan den laa ke o bado Dafidi yugi ki ciini, ki jeli Li Miali Diedo nintuali, o den fali o o pali nni.

Pisomi 12:2

Li Miali Diedo, gaa ti kelima bi niteginkaaba ki go ye. Bi papiendanba bodi bi nisaaliba siiga.

Pisomi 55:21

Laa ja fii ki pua o danlinba Waa kubi wan bili yaa danligu *ŋantaado.

Mi Kpanjama 26:24

Yaa nilo n ye leni ki nanga yen maadi maama ke bi kan faami opo, Ki nan yaa bogidi i janbi.

Mi Kpanjama 26:25

O yaa maadi leni mi buama ŋan da daani o, Kelima o pali nni yanjaga *joagini hali boncianla.

Mi Kpanjama 26:26

Leni bu nunfanbiadibu o baa fidi ki wuoni o nanga, O biadima baa faa ki doagidi bi niba kuli po.

Mi Coadima 21:14

Li tie lani yaa po ke Li Miali Diedo Toabu tili nni li yedi: «Yaa dogu n yi Wahebi ki ye Sufa, leni li kpentaana, Alinoni kpenu

Mi Coadima 32:20

Musa den yedi ba: «Yi yaa tieni yin yedi yaala ki taa yi jatiadi ki ban tieni bu toabu Li Miali Diedo nintuali,

Mi Coadima 32:27

Tinba a naacenba yaaba n kubi ti jatiadi bu toabu po mo baa gedi ki ban koani Li Miali Diedo nintuali nani fini ti daano n yedi maama.»

Mi Coadima 32:29

Musa den yedi ba: «Gada buolu yaaba leni Lubena buolu yaaba yaa yegi leni yi ki duodi Judana ki kubi bi jatiadi ki ban koani Li Miali Diedo nintuali ke yi paadi mi diema, yin teni ba Galaadi diema n tua bi tinbiini.

Mi Tiadima 17:7

Siedinba yeni n baa kpa lugidi o a tana, lani yaa puoli yaa niba n sieni mo kuli, n taani ki lugidi o a tana hali wan kpe. Yi baa tieni yeni ki ñani li bonbiadila yi siiga.

1 Samueli 14:49

Sayula bijaba den tie Jonatan leni Jisifi leni Malikisua. O den pia bisiaba lie: o bisakpelo den yi Melabi, o lielo mo Mikali.

1 Samueli 17:25

Isalele toatieba den tua: «Yi nua yaa ja n nagidi na bi? I moamoani o miadi tinba Isalele yaaba li koanli. Yua n ku o kuli, o bado baa guoni o o ŋalimano, ki pa o o bisalo, ki faabi o baadiegu leni li badituonli mo Isalele diema nni.»

1 Samueli 17:36

Mini a naacemo guli ki kpa i yangbanli leni fuayanbiaditoamu kuli, lanwani laa jifolo, Filisiti yua yeni, n baa soani o yene, kelima o sugi U Tienu yua n fo toagoli.»

1 Samueli 17:47

Yaa niligu n ye ne kuli mo baa bandi ke wani Li Miali Diedo ki koani leni ki jugisiega leni li kpaanli ka ki gaani o niba. Li Miali Diedo n tie bu toabu daano. Wani n baa taa yi ki teni ti nuu nni.»

1 Samueli 18:21

O den bungi ki yedi: «N baa taa o ki teni o wan tua opo diagu ke Filisiti yaaba n maani opo bi nii.» Lanwani Sayula den yedi Dafidi mi liema: «A baa tua n cuado dinla.»

1 Samueli 18:25

Sayula den yedi: «Yin go yedi Dafidi mine: ‹O bado naa bua cuadili. Wan bua yaala bebe tie Filisiti yaaba punjuodi bondi kobiga ke wan fidi ki guani bani o yibalinba bi panpaanbiadi.› » Sayula n den jagi yaala den tie ke o bua Dafidi n baa Filisiti yaaba nuu nni ban kpa o.

1 Samueli 18:27

Dafidi den fii leni o toatieba ki gedi ki ku Filisiti yaaba kobilie, ki jia bi punjuodi ki cuani ki teni o bado ke wan tua o cuado. Lanwani Sayula den teni o o bisalo Mikali ke o tua o pua.

1 Samueli 25:28

N mia ŋa ŋan tieni sugili mini a yualo tagili po. Li Miali Diedo baa ti bili fini n daano buolu wun yaa ye kelima a kubi Li Miali Diedo toabu, bi kan le a kani bonbiadiliba kuli mo hali a miali banlu.

1 Samueli 30:26

Dafidi n den guani Sikilagi, o den boagidi o fagidi niinni ki soani ki puni o danlinba Juda nikpela, ki yedi ba: «Diidi ki le min ñani yipo yaa paabu tin fie Li Miali Diedo yibalinba kani yaala yaa niinni.»