1 Samueli 17:46 - Gourmanchéma Bible

⁴⁶ Dinla Li Miali Diedo baa paadi a ki teni a n nuu nni, n baa pua ki guli a ki jia a yuli. Dinla n baa taa Filisiti yaaba toagoli nikpiema ki teni i kaabi leni ti fuayandi. Lani, ŋanduna kuli baa bandi ke U Tienu ye leni Isalele yaaba.

U TIENU MAAMA TILI 2013

⁴⁶ Dinla o Diedo baa paadi a ki tieni a n nuu nni. N baa pua ki guli a ki jia a yuli. Dinla n baa taa Filisiti yaaba toagoli nitinkpila ki teni i kaabi leni ti fuayandi. Lani, ŋanduna kuli baa bandi ke U Tienu ye leni Isidayeli yaaba.

1 Samueli 17:46 ပူးပေါင်းရင်းမြစ်များ

Mi cilima 40:19

Ne leni dana taa Falono baa ñani a nekanba ki ban soadi ŋa ku daagu po i nuani baa cua ki je a gbanandi.»

2 Samueli 18:28

Ahimaatisi n den nagini, o den tiani ki yedi o bado: «Laafia yo!» O den labini o bado nintuali ki pugi o ki yedi: «Tin jaandi ki kpiagi Li Miali Diedo a Tienu, wani yua n taa yaaba n den fiini mi janjanma ki tuogi leni fini n daano o bado ki teni ti.»

2 Samueli 21:10

Aya bisalo Litisipa, Sayula kpepuoli den taa li paboanli tiagu ki ladi ku tangu po ki ye likani u jetaagu cilima ki yaa caa hali ki taaga n ban baa bi tinkpiba yeni po. U yensiinu o den deli ti bonyugiditi ban da nagini a kpiema yeni, ku ñiagu mo o den deli ti fuayandi.

1 Bi Badiba 8:43

fini yua n ye hali tanpoli ŋan cengi ki guani o caano yeni po wan mia ŋa yaala kuli. Yeni ki tinga nibuoli kuli baa bandi a ki yaa fangi a nani a niba Isalele yaaba n fangi a maama. Bi go baa bandi moko ke a yeli ye min maa yaa diegu ne niinni.

1 Bi Badiba 8:60

Lani kuli n teni ke ki tinga nibuoli kuli n bandi ke Li Miali Diedo n tie U Tienu, ke tientoa kuli ki ye.

2 Bi Badiba 19:19

Lanwani Li Miali Diedo ti Tienu, ŋan ga ti Senakeliba nuu nni, ke ŋanduna diema kuli n bandi ke fini Li Miali Diedo bebe n tie U Tienu.»

2 Bi Badiba 5:15

Lanwani Naama den goa ki gedi U Tienu nilo kani wani leni o naacenba kuli. Wan den pundi, o den sedi Elise nintuali ki yedi o: «Moala n bandi ke Tienu ki ye ŋanduna nni kaantogu, li yaa tie Isalele diema nni yaaka. Lanwani ŋan tuo ki ga mini a naacemo n puni a yaa paabu.»

Pisomi 31:8

A *ŋanbili baa teni min yaa ye leni li pamankandikaali, Kelima a nua min ye leni yaa fala. A bani min ye leni yaa yanbani.

Pisomi 46:10

Wani n tendi ke bu toabu gbendi i kaani kuli. O kua li dabanli ki jendi li kpaanli. O buoni bu toabu teliti kuli leni mi fantama.

Mi Ñama 9:16

Ama n cedi ke a ye ke ŋan le n paaciamu, n yeli mo go baa ña li ŋandunli nni kuli.

Esayi 37:20

Moala Li Miali Diedo ti Tienu faabi ti Senakeliba nuu nni, lani n tie i nibuoli kuli n bandi ke fini bebe n tie Li Miali Diedo.»

Esayi 52:10

Li Miali Diedo yugidi o buagu yaagu n Gagidi ki ŋani Ke diema kuli n le gu. I tinbiani kuli yaaba baa le Ti Tienu faabima.

Esayi 56:9

Yinba ku muagu nni yandi kuli Yinba li fuali nni yandi kuli Cua mani ki je!

Jeremi 19:7

Lankane n baa bolini Juda leni Jelusalema yaaba juogu. N baa teni bi yibalinba yaaba n ki gba niñima yeni jugisiemu n kpa ba. N baa teni i yobili leni i tanboe n ŋmani bi tinkpiba.

Jeremi 34:20

Lani n teni ke n baa ŋa ba bi yibalinba yaaba n bua ki ñani bi miana yeni nuu nni. Bi tinkpiba baa tua jiema tanpoli nuani leni tinga yandi po.

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala kelima a fidi ki doagidi npo li bondoaginkaala yeni.»

Danieli 3:29

Lani yaa po, n bili yaa ñoabonli n tie na: yua n maadi yaala n bia Sadilaki, Mesaki leni Abedi-Nego Tienu po kuli, wan tie yaa mabuolu yua kuli bi baa pedi ki jendijendi o, ki mumudi o diegu mo kun tua diegbengu, kelima tientoa kuli ki ye yua n baa fidi ki faabi o niba nande.»

Matie 24:28

Li bonkpienla n ye naani kuli, i kaabi baa taani lankane.

Mi Tiadima 28:26

Yi tinkpiba baa tua tanpoli nuani leni ki tinga bonfuoda po jiema. Li kan baa yaa nilo n baa yagi bi yama mo.

Mi Tiadima 7:2

Li Miali Diedo yi Tienu yaa teni yi laa nibuoli ke yi pua ki paadi yi yaa yogunu, yin da kuani ŋantaadoba leni ba ki nan da gbadi bipo niñima mo.

Mi Tiadima 7:23

Li Miali Diedo yi Tienu baa teni yin paadi ba. O baa digi ba, hali bikuli n bodi ki gbeni.

Josue 10:8

Li Miali Diedo den yedi Josue: «Ŋan da jie ba, kelima n teni ba a nuu nni, bi siiga nni baa niyendo kan fidi ki sedi ki pani a.»

Josue 4:24

O den tieni yeni ke ŋanduna nibuoli kuli n bandi ke wani Li Miali Diedo paalu yaba, ke yimo n yaa fangi o yaa yogunu kuli.»

1 Samueli 14:6

Jonatan den yedi yaa jawaalo n tugi o toatiadi: «Cua tin suagi ki pundi a jifola yeni toanagibiga. Daalinba Li Miali Diedo baa todi ti, kelima liba kuli kan yie ke Li Miali Diedo kan teni tin paadi, ti yaa yaba bi ti yaa wa.»

1 Samueli 17:44

ki yedi o: «Pundi nne, n baa taa a gbanandi ki teni i kaabi leni ti fuayandi.»