1 Samueli 17:32 - Gourmanchéma Bible

³² Dafidi den yedi Sayula: «Oba kuli gbanu n da wudi kelima Filisiti yua yeni po. Mini a naacemo baa gedi ki koani leni o.»

U TIENU MAAMA TILI 2013

³² Davidi den yedi Sayuli: «Oba kuli gbanu n da wudi kelima Filisiti yua yeni po. Mini a naacemo baa gedi ki koani leni o.»

1 Samueli 17:32 ပူးပေါင်းရင်းမြစ်များ

Pisomi 3:6

N yen duani ki guani, Ki go fundi kelima Li Miali Diedo kubi nni.

Esayi 35:4

Yedi mani yaaba yaa tugusoama n tiini: «Paagi mani yi pala ki da jie mani Yi Tienu n tie na. O baa tu yipo i panpaani. O baa pa yua kuli o panpaani Wani oba n kpendi ki baa faabi yi.»

Esayi 7:4

Ŋan yedi o: ‹Duani a yama, da jie liba, a tugusoama n da sani a mudatalieda yaa da baa ŋubidi, bani Letisini, Sili leni Lamalia bijua yeni kani.

Mi Coadima 13:30

Ku niligu den yenbidi Musa po, ke Kalebi den teni ke bi suo ke o yedi: «Tin gedi mani ki ban baa mi diema yeni ki diedi ma, kelima ti pia u fidu ke li dagidi ki baa fidi ki paadi ma.»

Mi Coadima 14:9

Bonyenla bebe n ye: Yin da fiini yiema Li Miali Diedo po. Yin da jie laa diema niba kelima bi baa tua tipo bonjekaala. Baa pia kuli yaala n guu ba, ama Li Miali Diedo ye leni ti, yin da jie ba mani!»

Hebilunba 12:12

Lanwani yin paagi mani yi nii yi n yoaligi, leni yi duna ya n tadigi.

Josue 14:12

Lanwani moala ŋan teni nni Li Miali Diedo n den niani li yogunu ke o baa pa nni yaa juali yeni. A den gbadi ke Anaka buolu yaaba ye lienni, ke yaa dociami ke i bilinciami maa ki lindi mo ye lienni. Li Miali Diedo yaa ye leni nni n baa deli ba nani wani oba n den yedi maama.»

1 Samueli 14:6

Jonatan den yedi yaa jawaalo n tugi o toatiadi: «Cua tin suagi ki pundi a jifola yeni toanagibiga. Daalinba Li Miali Diedo baa todi ti, kelima liba kuli kan yie ke Li Miali Diedo kan teni tin paadi, ti yaa yaba bi ti yaa wa.»

1 Samueli 16:18

Bi siiga nni yendo den yedi: «Diidi ki le, n den laa Betelema yua Isayi yaa bijua ke o bani li kogidipuali ki go pia u paalu leni li papaali ki tie jakoando, ki bani mi maama, ki pia mi jawaama. Li Miali Diedo moko ye leni o.»

1 Samueli 17:31

Ban den gbadi Dafidi n yedi yaala, bi den togidi Sayula ke o den soani ke bi yini o.