1 Samueli 17:12 - Gourmanchéma Bible

¹² Dafidi den tie *Isayi bijua. Isayi yeni den tie Yufilata yua, lani n tie Juda diema nni Betelema yua. O den pia bijaba nii. Sayula yogunu wani Isayi den kpeligi ki podi.

U TIENU MAAMA TILI 2013

¹² Davidi den tie Isayi bijua. Isayi yeni den tie Efrati yua, lani n tie Juda diema nni Betelemi yua. O den pia bijabinii. Sayuli yogunu, wani Isayi den kpeligi ki podi.

1 Samueli 17:12 ပူးပေါင်းရင်းမြစ်များ

Mi cilima 35:19

Lasela den kpe ke bi den piini o Yufilata yaa sanu po yu n go yi Betelema.

2 Samueli 23:1

Diidi Dafidi n den maadi yaa majuodikaama. «*Isayi bijua Dafidi o niciamo, Jakobo Tienu n den gandi yua Isalele yaaba n bua yaa yanyanlo mayedikaama.

Pisomi 132:6

Ti den ga laabaali ke ku *ŋantaadikpaku ye Yufilata po. Ti den ban laa gu Yaadi koadaba nni.

Mise 5:2

Lani yaa po U Tienu baa ŋa o niba bi yibalinba nuu nni, Hali yaa pua n baa maa ki bonjaga yeni Yaa mali ga yaa yogunu. Lanwani ki biga yeni kpiiba yaaba n sieni Ki ye foagima baa goa ki kpeni Bi lieba Isalele yaaba diema nni.

Matie 1:6

Obedi n maa *Isayi, Isayi n maa o bado Dafidi. Dafidi den taa Uli pua ki mali Salomono,

Matie 2:1

Jesu den mali Betelema, Jude diema nni, *Elodo n den ka ti gbandi po yaa yogunu. O madi puoli, yaa banda n diidi a ŋmabila den ñani hali puoli ki cua Jelusalema.

Matie 2:6

‹Fini Betelema, yaa dogu n ye Juda nni, Ŋaa tie Juda dociami kuli siiga yaa dogu yaa jigidi n wa ki cie, Kelima o bado, yua n baa gobidi n niba Isalele yaaba, Baa ña fini yaa niinne.› »

Ruti 1:2

Laa ja den yi Elimeleki, o pua mo den yi Naomi, o bijaliediba mo Makiloni leni Kilijoni. Bi den tie Yufilata buolu yaaba ki ye Betelema, Juda tinbuoli nni. Bi den pundi ki kali Moabi diema nni.

Ruti 4:17

O yieninlieba yaaba n tie puoba den yedi: «Naomi baa bonjaga.» Bi den yini o Obedi. Wani n mali *Isayi, Isayi mo mali Dafidi.

Ruti 4:22

Obedi mo n maa Isayi, Isayi n maa Dafidi.

1 Samueli 1:1

O ja den ye ki tie Lamatayi-Tisofimi yua. Laa dogu den ye Efilayima juana nni. O ja yeni den yi Elikana ki tie Yufilata buolu yua. O den tie Jeloami yaa bijua, Jeloami mo den tie Elihu bijua. Elihu mo den tie Tohu bijua, Tohu mo n yaa tie Tisufi yaa bijua.

1 Samueli 16:1

Li Miali Diedo den yedi Samueli: «A baa yaa yagini a yama Sayula po ki pundi u laa yogunu? N yie o, o kan go yaa tie Isalele yaaba bado. Lani ŋan gbieni a yinli mi kpama ki fii. N baa soani a Betelema yua *Isayi kani kelima n gandi o bila siiga min baa dini yua li bali.»

1 Samueli 16:18

Bi siiga nni yendo den yedi: «Diidi ki le, n den laa Betelema yua Isayi yaa bijua ke o bani li kogidipuali ki go pia u paalu leni li papaali ki tie jakoando, ki bani mi maama, ki pia mi jawaama. Li Miali Diedo moko ye leni o.»

1 Samueli 17:11

Sayula leni Isalele yaaba kuli n den gbadi Filisiti yua yeni maama, bi den jie ki kandi ke bi tugusoama sani.

1 Samueli 17:58

Sayula den yedi o: «O jawaalo, a tie ŋme yaa bijua yo?» Dafidi den goa ki yedi o: «N tie a naacemo Betelema yua Isayi yaa bijua yo.»