1 Samueli 16:7 - Gourmanchéma Bible

⁷ Ama Li Miali Diedo den yedi Samueli: «Ŋan da diidi o bugima leni wan foagi maama kelima n cedi wani. Mini U Tienu mii nua ki bigidi nani o nisaalo n nua ki bigidi maama ka. O nisaalo nua i nuni n laa yaale, ama mini Li Miali Diedo nua li pali nne.»

U TIENU MAAMA TILI 2013

⁷ Ama o Diedo den yedi Samueli: «Ŋan da diidi o bugima leni wan foagi maama. Mii gandi wani ka. Mini U Tienu, mii nua ki biigidi nani o nisaalo n nua ki biigidi maama ka. O nisaalo nua i nuni n laa yaale, ama mini o Diedo nua li pali nne.»

1 Samueli 16:7 ပူးပေါင်းရင်းမြစ်များ

Mi cilima 4:5

Ama waa den nuali Kayina leni o paabu kuli leni nunmanga. Kayina pali den beni boncianla ke o nunga kuli den biidi.

2 Samueli 14:25

Isalele nni kuli ki den pia yua n ŋani ki pundi Abisalomi, laa den pia ban ñuadi yua nani wani. Ki cili o taafaagu ki yaa caa hali o yuli siiga, waa den pia sugidiba kuli.

2 Samueli 7:20

Mini Dafidi go baa fidi ki yedi be? Kelima Li Miali Diedo n Tienu, a bani mini a naacemo.

1 Bi Badiba 8:39

fini yua n ye hali tanpoli ŋan pa ba sugili, ki tieni yua kuli po nani o tagu n tie maama, kelima a bani yua kuli pali. Fini bebe n tie yua n bani bi nisaaliba kuli yaa pala.

1 Bi Badiba Jama 17:18

Mini Dafidi mo nan baa fidi ki go yedi a be leni ŋan puni a naacemo yaa kpiagidi po? Fini aba, a bani a naacemo.

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

2 Bi Badiba Jama 16:9

Li Miali Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ne ŋan soani nani o yanluodaano yeni, dinla liiga, a kan go luo toabu.»

2 Bi Badiba Jama 6:30

fini yua n ye hali tanpoli ŋan pa ba sugili, ki tieni yua kuli po nani o tagu n tie maama, kelima a bani yua kuli pali. Fini bebe n tie yua n bani bi nisaaliba kuli yaa pala.

Jobi 10:4

Naani a pia o nisaalo yaa nuni yo? Naani a nua nani o nisaalo n nua maama yo?

Jobi 35:5

Yaadi ki diidi tanpoli ki le, Ki faami a tawala n kpedi ki yiini apo maama.

Pisomi 139:2

A bani n kalima leni n fiima. A tuodi ki bani n yanjaga kuli ke li da foagi.

Pisomi 7:9

Li Miali Diedo ja ti buudi leni bi niba. Saa npo i moamoani Li Miali Diedo, Nani n *teginma leni n papienli n pundi maama.

Mi Kpanjama 15:11

Li Miali Diedo yaa bani yaala n ye Baa bi tinkpiba diema nni leni u *kulu nni, Bi nisaaliba pala mo nan di te?

Mi Kpanjama 16:2

O nisaalo nua ke o tuona kuli tiegi, Ama Li Miali Diedo n biigidi a yantiana kuli.

Mi Kpanjama 24:12

A yaa ti yedi ah! Tii bi bane! Naani yua biigidi a pala ki bani la? Yua n kubi a miali ki bani la? Naani o kan guani yua kuli o tuonli panpaani?

Mi Kpanjama 31:30

Ki nunmanga pia i boandi, u ŋamu mo baa pendi, Ama yaa pua n fangi Li Miali Diedo n tie ban baa pagi yua.

Jeremi 11:20

Ama Li Miali Diedo tie yaa bujialo n tiegi Yua bani bi niba yantugudi bonŋanla. N baa le ŋan baa tu i panpaani maama Kelima n cua ki buni fine n maama.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yua kuli nani o sanbila n tie maama, Ki pa yua kuli mo o panpaani nani o tuona n tie maama.»

Jeremi 20:12

Fini Li Miali Diedo U Paaciamu Kuli Daano biigidi o niteginka. O nua yaa yanjaga leni yaa yantiana n wuo. N baa le ŋan baa tu ba bi panpaani maama, Kelima n cua ki piani n yuli fini yaa kani.

Luki 16:15

O den yedi ba: «Yinba yi moandi ke bi niba n yaa nua ke yi tiegi, ama U Tienu wani n bani yi pala. Bi niba n nua ke yaala n pia ti kpiagidi yeni tie caginde U Tienu po.

Jan n diani U Tienu Laabaaliŋamo maama 7:24

Yin da ja ti buudi nani yin nua maama, ama yin yaa jia ti buudi ke li tiegi.»

Jan n diani U Tienu Laabaaliŋamo maama 8:15

Yi ja ti buudi nani bi nisaaliba n nua maama, ama mii ja leni niloba ti buudi.

Jesu Tondiba Tuona 1:24

Lani bi den jaandi ki mia U Tienu ki yedi: «Ti Diedo, fini yua n bani bi niba kuli pala, waani ti bi naa niliediba siiga ŋan gandi yua

2 Korenti 10:10

Bi nitianba maadi n maama ki yieni: «Polo tila pia li mabinli leni u paalu, ama o yaa ye ti siiga wani, o tie tadimo, o maama mo ki pia fuoma.»

2 Korenti 10:7

Diidi mani lan tie maama moamoani. Niloba yaa nua ke o tie Kilisiti yua, wan yaa tiani ke tinba mo tie Kilisiti yaaba nani wani n tie Kilisiti yua maama.

Hebilunba 4:13

Tagimaba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

1 Pieri 2:4

Yaa kpendi mani o Diedo kani, wani yua n tie yaa tanli n fo kani, bi nisaaliba n den yie ki luni yaali, ama U Tienu n den gandi yaala ke li pia mayuli boncianla.

1 Pieri 3:4

Ama lan yaa tie yaa ŋamu n wuo yi pala nni ki kan yindi, lani n tie mi dingima leni mi yansoangima, U Tienu n nua yaama ke mi pia mayuli boncianla.

Mi Doagidima 2:23

N go baa kpa o bila. Lanwani Kilisiti n yini yaaba nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yua kuli o panpaani nani wan tieni maama.

1 Samueli 2:3

N yibalinba, da go maadi mani leni japaadi. Mi japaamaama n da go ña yi ñoana nni, Kelima Li Miali Diedo tie U Tienu ki bani li bonla kuli, Wani n bigidi li bontienkaala kuli,

1 Samueli 9:2

O den pia o bijua ke o yi Sayula. O den tie jabiemo ki pia mi jawaama. Isalele yaaba siiga yua den cie o jawaama ki den ye. O go den caadi bikuli li yuli.