1 Samueli 16:15 - Gourmanchéma Bible

¹⁵ Sayula badibaanba den yedi o: «Diidi ki le, U Tienu n soani yaa cicibiadiga yagini a yama.

U TIENU MAAMA TILI 2013

¹⁵ Sayuli badibaanba den yedi o: «Diidi U Tienu soani ki cicibiadiga ke ki yagini a yama.

1 Samueli 16:15 ပူးပေါင်းရင်းမြစ်များ

Bi Bujiaba 9:23

Li yaa puoli Li Miali Diedo den soani mi paadima yantiali Abimeleka leni Sikema yaaba siiga ke bani Sikema yaaba fiini mi yiema Abimeleka po.

1 Samueli 16:1

Li Miali Diedo den yedi Samueli: «A baa yaa yagini a yama Sayula po ki pundi u laa yogunu? N yie o, o kan go yaa tie Isalele yaaba bado. Lani ŋan gbieni a yinli mi kpama ki fii. N baa soani a Betelema yua *Isayi kani kelima n gandi o bila siiga min baa dini yua li bali.»

1 Samueli 16:14

Li Miali Diedo Fuoma den ŋa Sayula. U Tienu den teni ke ki cicibiadiga cua o kani ki yagini o yama.

1 Samueli 16:16

Lanwani ti daano, ŋan puogi tinba a naacenba, yaaba n ye a nintuali na, tin lingi yua n bani li kogidipuali, ke ki cicibiadiga yeni yaa fii apo, wan pua apo ku kogidigu lan kagidi apo.»

1 Samueli 18:10

Li fiifaama, U Tienu n den soani yaa cicibiadiga go den ŋoadi Sayula ke o gaandi o diegu nni. Dafidi den pua ku kogidigu nani wan den yen maani ki pua maama. Sayula den muubi o kpaanli.

1 Samueli 19:9

Laa yogunu Li Miali Diedo n den soani yaa cicibiadiga den ŋoadi Sayula ke o ka o diegu nni ki muubi o kpaanli.