1 Samueli 16:13 - Gourmanchéma Bible

¹³ Lanwani Samueli den taa li yinli leni li bali kpama ki wuli o yuli po ki gagidi o o kpeliba siiga. Li Miali Diedo Fuoma den kua o niinni ki diedi o, ki cili laa daali ki yaa caa! Li yaa puoli Samueli den fii ki kuni Lama.

U TIENU MAAMA TILI 2013

¹³ Lanwani, Samueli den taa li yinli leni li bali kpama ki wuli o yuli po ki gagidi o o kpeliba siiga. O Diedo Fuoma den kua o niinni ki diedi o, ki cili landaali ki yaa caa! Li yaa puoli, Samueli den fii ki kuni Rama.

1 Samueli 16:13 ပူးပေါင်းရင်းမြစ်များ

2 Samueli 12:7

Natan den yedi Dafidi: «Fini n tie laa nilo. Li Miali Diedo, Isalele yaaba Tienu yedi mine: ‹Mini Li Miali Diedo den dini a li bali ke a tua Isalele yaaba bado, n den faabi a Sayula nuu nni.

2 Samueli 2:4

Juda yaaba den cua likani ki dini Dafidi li bali ke o tua Juda buolu yaaba bado. Bi niba den waani Dafidi ke yaa cagili n ye Galaadi nni yaa Jabesi yaaba n den piini Sayula.

2 Samueli 23:1

Diidi Dafidi n den maadi yaa majuodikaama. «*Isayi bijua Dafidi o niciamo, Jakobo Tienu n den gandi yua Isalele yaaba n bua yaa yanyanlo mayedikaama.

2 Samueli 5:3

Isalele nikpela kuli den cua Ebiloni, o bado Dafidi kani ke o kuani o *ŋantaado leni ba likani Li Miali Diedo nintuali. Bi den wuli opo mi gagidima kpama, ki dini o li bali Isalele diema kuli po.

2 Bi Badiba 9:6

Jehu den fii ki kua li dieli nni. O sawalipualo den wuli mi kpama o yuli po ki yedi o ke Li Miali Diedo Isalele yaaba U Tienu yedi mine: «N wuli mi kpama a yuli po ke ŋan tua n niba Isalele yaaba bado.

1 Bi Badiba Jama 11:3

Yeni, Isalele nikpela kuli den cua Ebiloni, o bado Dafidi kani ke o kuani o *ŋantaado leni ba likani Li Miali Diedo nintuali. Bi den wuli opo mi gagidima kpama, ki dini o li bali Isalele diema kuli po.

Pisomi 89:20

Hali yogu a den maadi leni a *nidugikaaba Ki yedi ba: «N todi jakoandi yendo, N den gandi niyendo bi niba siiga ki kaani o ti gbandi po.

Pisomi 89:21

N den gandi Dafidi ke wan tua n naacemo Ki wuli o yuli po mi kpagagidikaama ki gandi o.

Mi Coadima 11:17

N baa jiidi ki maadi leni a likani. N baa taa n Fuoma yaama n ye a niinni yeni ki kuani ma bi niinni ke ban fidi ki tugi ku niligu tugili ki todi a, ke ŋan da go tugi li fini a bebe.

Mi Coadima 27:18

Li Miali Diedo den yedi Musa: «Taa Nuni bijua Josue, n Fuoma n ye yua yaa niinni. Ŋan yini o ki maani opo a nuu.

Jan n diani U Tienu Laabaaliŋamo maama 3:34

Kelima U Tienu n soani yua maadi U Tienu n maadi yaa maama, kelima wani U Tienu n puuni o o Fuoma ke o gbie o niinni.

Jesu Tondiba Tuona 13:22

U Tienu den dindi o ki gandi bipo Dafidi ki dini o li bali, ki tieni opo yaa siedi n tie na: ‹N laa ke *Isayi bijua Dafidi tie yaa ja n mani n pali ki baa tiendi n yanbuama kuli.›

Hebilunba 1:9

A bua mi teginma, Ki nani mi biadima. Li tie lani yaa po, fini U Tienu, ke a Tienu gandi a Ki wuli a yuli po li pamanli kpama, Ki teni ke a pia ti jigidi ki cie a lieba.»

Hebilunba 11:32

N go baa yedi be ki pugini? Mii pia yaa yogunu n baa dagidi min togidi Jedeyono maama, leni Balaka leni Samisona leni Jefite, leni Dafidi leni Samueli, leni bi sawalipuaba yaa maama kuli.

Bi Bujiaba 11:29

Li Miali Diedo Fuoma den kua Jefite niinni. O den gaani Galaadi leni Manase diema nni. O den guani ki tagini Galaadi yaa Mitisipa ki kua Amoni buolu yaaba diema nni.

Bi Bujiaba 13:25

Li Miali Diedo Fuoma den cili ki fiini o gbanu wan den ye Dana-Mahasane dogu nni, Tisolea leni Esitaoli siiga.

Bi Bujiaba 14:6

Li Miali Diedo Fuoma den kua o niinni ke o cuo o yangbanlo yeni ki dadi ki padi o nani wan baa dadi ki padi ki ŋuabiga maama. Waa den kubi liba o nuu nni, ama waa den waani o baa leni o naa wan tieni yaala.

Bi Bujiaba 3:10

Li Miali Diedo Fuoma den kua o niinni ke o tua Isalele yaaba gobidika ki gedi bu toabu. Li Miali Diedo den teni ke o paadi o bado Kusani-Liseyatayimi.

1 Samueli 1:19

Elikana leni o pua Ana den yagidi ki gedi Li Miali Diedo diegu po ki gbaani ki kpiagi o ki lebidi ki goa ki kuni bi denpo Lama. Elikana den taani leni Ana ke Li Miali Diedo tiadi opo ki nuali ki laa opo.

1 Samueli 10:1

Samueli den taa yaa tiagu n pia mi kpama ki wuli Sayula yuli po. O den gobini o ki yedi: «Li Miali Diedo gagidi ki dini a li bali ŋan tua o niba yudaano.

1 Samueli 10:6

Wani Li Miali Diedo Fuoma baa kua a niinni ki diedi a ke a baa taani leni ba ki yaa pua sawali. O baa lebidi a ŋan tua nitoa.

1 Samueli 11:6

Sayula n den gbadi laa bonla, U Tienu Fuoma den diedi o ke o pali fii boncianla.

1 Samueli 16:18

Bi siiga nni yendo den yedi: «Diidi ki le, n den laa Betelema yua Isayi yaa bijua ke o bani li kogidipuali ki go pia u paalu leni li papaali ki tie jakoando, ki bani mi maama, ki pia mi jawaama. Li Miali Diedo moko ye leni o.»

1 Samueli 18:12

Sayula den jie Dafidi kelima Li Miali Diedo den ŋa wani Sayula ki ye leni Dafidi.

1 Samueli 2:35

N baa dini n kopadiciamo min baa fidi ki yaa dugi yua yaa po, yua n baa yaa tiendi n pali leni n yantiali n bua maama. N baa sieni o diegu ke o puoliŋuani baa yaa kubi li kopadician-tuonli min baa gandi ki gagidi ki dini yua li bali yaa nintuali hali yaa yogunu kuli.