1 Samueli 15:3 - Gourmanchéma Bible

³ Lanwani ŋan gedi moala, ki ban baa Amaleki yaaba bu toabu ki bolini ba ki go bolini bi bonpiakaala kuli cain. Ŋan da gbadi bipo niñima, ŋan kpa ba, bi jaba leni bi puoba, leni a bila leni a biŋaanda, leni i ne leni i pe, leni ti yuoyuodi leni i ŋunbi kuli.› »

U TIENU MAAMA TILI 2013

³ Lanwani, ŋan gedi moala, ki ban baa Amaleki yaaba bu toabu ki bolini ba ki go bolini bi bonpiakaala kuli cain. Ŋan da gbadi bi po ninñima, ŋan kpa ba, bi jaba leni bi puoba, a bila leni a biŋaanda, i ne leni i pe, ti yuoyuodi leni i ŋunbi kuli.› »

1 Samueli 15:3 ပူးပေါင်းရင်းမြစ်များ

Mi cilima 36:12

Esayu bijua Elifasa yaa potuado Timina den mali Elifasa po Amaleki. Bani n tie Esayu yaa pua Ada yaa bijaba.

2 Samueli 1:8

O den yedi nni: ‹A tie ŋme?› N den goa ki yedi o: ‹N tie Amaleki yua.›

Mi Ñama 17:14

Li Miali Diedo den yedi Musa: «Diani lankuli li tili nni ke yin yaa kubi laa bonla yaa tiadima. Go waani Josue ke n baa ñani Amaleki yaaba yaa tiadima ki tinga nni kuli.»

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu n tie yaa Tienu n pia li *nunponli. N guandi baanba yaa biadima panpaani bi bila kani hali nifiima taa bi nifiima naa yaaba n nani nni po.

Mi Coadima 24:20

Balaama den laa Amaleki buolu yaaba, ki den maadi wan den pia yaa maama ki yedi: «Amaleki buolu yaaba tie yaa nibuolu n pia u paalu ki cie. Ama u juodima tie mi bodima.»

Mi Coadima 31:17

Moala yin kpa a biwaala siiga bonjaga kuli leni yaa pua n bandi ja ki duani leni o kuli.

Josue 10:39

Bi den paadi wuni leni u bado leni u tinkundogi kuli. Bi den kpa bi niba kuli kaa ŋa baa niyendo leni miali. Josue den soani Debili leni u bado nani wan den soani Ebiloni leni Libina leni u bado maama.

1 Samueli 14:48

O den koani mi jama ki paadi Amaleki yaaba ki faabi Isalele yaaba yaaba n den fenli ba kuli nuu nni.

1 Samueli 15:18

Li Miali Diedo den soani a ke ŋan gedi ki bolini bi nibiadiba, bani Amaleki yaaba, ke ŋan tuogi leni ba bu toabu hali ki bolini bikuli cain.

1 Samueli 15:9

Ama Sayula leni o toatieba den cedi Agagi ke o fo, leni i peŋami, leni i naaŋami, leni ti yanŋandi kuli, leni i pewubidi, leni yaala n ŋani kuli, ke li fo. Baa den bua ki bolini bani. Die yaala n gundi leni yaala n tadi kuli, bi den bolini lani cain.

1 Samueli 22:19

Sayula go den soani ke bi ku yaaba n sieni bi kopadicianba dogu Nobi nni kuli leni mu jugisiemu, bi jaba leni bi puoba, leni a bila leni a biŋaanda, leni i ne leni i ŋunbi leni i pe, o den teni ke bi ku bikuli leni mu jugisiemu.

1 Samueli 27:9

Dafidi den fenli laa fuuli kuli. Waa den ŋa jua bi pua leni miali, o den taani i pe leni i ne, leni i ŋunbi, leni ti yuoyuodi, leni ti tiadi, ki goa ki lebidi ki kuni Akisi po.

1 Samueli 30:17

Dafidi den pua ki kpaani ba ki cili ku tiŋapanpangu ki yaa caa hali saala yaa yenjuogu. Jawaaba kobinaa bebe den jagini ti yuoyuodi ki sani ki ciadi. Yaaba n sieni kuli den kpe.