1 Samueli 15:23 - Gourmanchéma Bible

²³ Kelima mi yiema bia nani u bayuadiidu n bia maama, U tupaalu mo bia nani i *buli ŋoadima n bia maama. Ŋan yie Li Miali Diedo yedima yeni, o moko yie ŋa. A kan go yaa tie o niba bado.»

U TIENU MAAMA TILI 2013

²³ Mi yiema bia nani u bayuadiidu yeni, U tupaalu mo bia nani i buli ŋoadima yeni. Nani ŋan yie o Diedo yedima yeni, omoko yie ŋa. A kan go yaa tie o niba bado.»

1 Samueli 15:23 ပူးပေါင်းရင်းမြစ်များ

Mi cilima 31:19

Labana n den ye u dogu po ki moagidi o pe kobidi Lasela den suni o baa yaa baayuatiadi.

Mi cilima 31:34

Lasela den taa ti baayuatiadi ki wuoni ti ku yoyuogu yaa gaali tiipo ki kali lipo. Labana den fiidi o gbandieli nni kuli waa laa liba.

2 Samueli 12:9

Lanwani be teni ke a fali mini Li Miali Diedo maama, ki tieni yaala n *joagini n nintuali? A pedi ki kpa Heta buolu yua Uli leni ki jugisiega. Yeni de, a teni ke Amoni yaaba ku o leni mu jugisiemu, ki taa o pua mo ke o tua a yaa pua.

2 Samueli 7:15

Die n kan ñani n seli o kani nani min den ñani li Sayula kani maama, min den yie yua ki teni ke a ga o kaanu.

1 Bi Badiba Jama 10:13

Sayula den kpe kelima o tudima po. Waa den kubi Li Miali Diedo maama, ama o den ban buni yaa ñoagidanba n maadi leni bi tinkpiba.

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

Jobi 34:37

O go pugini o tuonbiadi po yaa tagili n bia. O fiini mi yiema tikuli siiga, Ki maadi leni U Tienu wan bua maama.› »

Pisomi 107:11

Kelima bi den tua niyiekaaba U Tienu maama po Ki den fali Tanpojoma Badiciamo tundi.

Mi Ñama 22:18

Yua n taani leni yanga kuli yin kpa o.

Esayi 19:3

Ejipiti yaaba jama kuli baa gbeni. N baa biani bi yanjaga fanma. Bi baa bu i buli leni a baayuadiida, Ki bu yaaba n maadi leni bi tinkpiba leni a lingida.

Esayi 8:19

Bi yaa yedi yi: «Gedi mani ki ban bu ku baagu yaaba n maadi leni bi tinkpiba leni yaaba n soabidi ki bunbidi, ki go wangi yaala n faadi ki ye. Naani u nibuolu kan yaa bu U Tienu ka? Naani bi baa miadi bi tinkpiba n yaa todi yaaba n foo?»

Jeremi 16:12

Yimo go tieni mi biadima ki cie yi baanba. Diidi yi siiga nni yua kuli ŋua O pajagindi tundiyuodi ki naa cengi nni.

Jeremi 28:16

Lani n teni ke Li Miali Diedo yedi mine: ‹N baa deli ki ñani a mi diema nni. Dunla a baa kpe kelima a maama tie yiema Li Miali Diedo po.› »

Jeremi 29:32

Li Miali Diedo n yedi yaama nne: «Diidi n baa fii ki sedi Semaya Nehelama yua po leni o puoliŋuani kuli po. Bi siiga oba kuli kan yaa ye bi naa niba nni, oba kuli kan le min baa tieni n niba po yaa ŋanma mo. Kelima o maama tie yiema yaa maama Li Miali Diedo po. Li Miali Diedo n yedi yeni.»

Ose Tili 13:11

N pabienli nni, n den puni yi o bado, N pabienli nni, n go baa fie o.

Ose Tili 3:4

Yeni, Isalele yaaba baa waagi kaa pia bado, kaa pia yudanba, kaa pia pada, kaa pia butana, kaa pia bulo, kaa pia *telafimi.

Levi 20:27

Ja yaaka pua yua n baa fidi ki maadi leni bi tinkpiba, bi ki bu ku baagu, bi baa kpa ba. Bi baa lugidi ba a tana ki kpa ba. Laa niba yaa soama baa goa ki jagini bi yula po.»

Levi 20:6

O nilo yaa gedi yaa niba n maadi leni bi tinkpiba kani, bi a baayuadiida kani ki cagini o yuli leni ba, n baa buli n nunga laa nilo po ki paadi ki ñani o o buolu nni.

Mi Coadima 14:9

Bonyenla bebe n ye: Yin da fiini yiema Li Miali Diedo po. Yin da jie laa diema niba kelima bi baa tua tipo bonjekaala. Baa pia kuli yaala n guu ba, ama Li Miali Diedo ye leni ti, yin da jie ba mani!»

Jesu Tondiba Tuona 13:22

U Tienu den dindi o ki gandi bipo Dafidi ki dini o li bali, ki tieni opo yaa siedi n tie na: ‹N laa ke *Isayi bijua Dafidi tie yaa ja n mani n pali ki baa tiendi n yanbuama kuli.›

2 Korenti 6:16

U Tienu diegu pia be ŋantaado leni i *buli? Tinba mo n tie U Tienu yua n fo dieli, nani U Tienu wani oba n yedi maama: «N baa ye leni ba ki cuoni bi siiga ki tie bi Tienu, Bi mo baa tie n niba.

Galati 5:20

i *buli ŋoadima leni u ñoagubiadu lingima, ti yibalindi leni li koanli leni li nunponli, li pabienli leni yaa yantiali n tie ki niagi leni o lielo, leni mi paadima,

Mi Tiadima 9:24

Hali min bandi yi yaa yogunu, yi li tie niyiekaabe Li Miali Diedo po.

Mi Tiadima 9:7

Tiadi mani ki da sundi yin den bieni Li Miali Diedo yi Tienu pali mi fanpienma nni maama, ki cili yin ñani Ejipiti diema nni yaa daali ki taa ki pundi hali yin cua u naa kaanu yaa daali. Yi den fiindi mi yiema Li Miali Diedo po.

Josue 22:15

Bi den gedi Lubena buolu yaaba, Gada buolu yaaba leni Manase buolu yaaba boagidima kani Galaadi diema nni ki caa ba Isalele yaaba yaaba n sieni tondu ki yedi:

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i *buli danba, yaaba n bua mi faama ki go pua ma kuli baa ye niinpo.

1 Samueli 13:14

Ama moala a bali kan waagi. Li Miali Diedo gandi oba o pali n bua yua ki bili ke laa ja n baa tua o niba yudaano kelima ŋaa kubi Li Miali Diedo n bili apo yaala.»

1 Samueli 16:1

Li Miali Diedo den yedi Samueli: «A baa yaa yagini a yama Sayula po ki pundi u laa yogunu? N yie o, o kan go yaa tie Isalele yaaba bado. Lani ŋan gbieni a yinli mi kpama ki fii. N baa soani a Betelema yua *Isayi kani kelima n gandi o bila siiga min baa dini yua li bali.»

1 Samueli 2:30

Lani yaa po mini Li Miali Diedo Isalele yaaba Tienu yedi mine: ‹N den bili ke a diegu leni a baadiegu baa yaa tuuni li kopadician-tuonli n nintuali hali yaa yogunu kuli. Ama dinla n kadi ki waani ke li kan go tua yeni. Kelima n baa kpiagi yua n kpiagi nni, ama yaaba n fali nni n baa fali ba.

1 Samueli 28:3

Li den sua ke Samueli kpe ke Isalele yaaba buudi opo ki piini o Lama dogu nni. Li go den sua ke Sayula ñani yaa ñoagidanba n maadi leni bi tinkpiba leni bi baabuuba kuli mi diema nni.