1 Samueli 15:22 - Gourmanchéma Bible

²² Samueli den yedi: «Naani ki padi a pada Li Miali Diedo po Mani opo ki pundi ki tuo ki tieni wan yedi yaala? Mi tuoma pia mayuli ki cie a pada, O ñoabonli tienma pia mayuli ki cie a petona kpama.

U TIENU MAAMA TILI 2013

²² Samueli den yedi: «Naani ki tuo ki tieni o Diedo n bua yaala, Ki cie a padijuukaana leni a pada? Mi tuoma pia mayuli ki cie a pada, O ñoamabonli tienma pia mayuli ki cie a petona kpama.

1 Samueli 15:22 ပူးပေါင်းရင်းမြစ်များ

Mi cilima 4:4

Abela moko den cuani o yaa paabu, yaabu n den tie o yankulu nni o pebikpiala leni bi kpama. Li Miali Diedo den nuali Abela yaa paabu leni ki nunmanga.

Mi Ñama 19:5

Moala yi yaa cengi n yedima ki go kubi n *ŋantaado, yi baa tie n yaa niba i nibuoli kuli siiga kelima mini n die ki tinga kuli.

Mi Kpanjama 21:3

Ki tieni yaala n tiegi ki go dagidi Laa bonla mani Li Miali Diedo po ki cie a pada.

O Yanfuodaano 5:1

Ŋan da jaligi ki maadi, ŋan da jaligi ke a baa niani U Tienu ñoanianu. Kelima U Tienu wani ye tanpole, amo ye tinga nni. Lanwani ŋan yaa maadi ki dagidi.

Jeremi 11:4

Min den kuani yaa ŋantaado leni yi baanba, Min den ñani ba Ejipiti diema nni yaa daali, Ban den ye yaa buaga yaa niinni. N den yedi ban cengi n nialu ki tieni min yedi yaala kuli. Yeni yi baa tua n niba N mo baa tua yi Tienu.

Jeremi 11:7

Hali min ñani yi baanba Ejipiti diema nni yaa daali Ki ban taa ki pundi dinla, Yaa yogunu kuli n li baa maadi leni ba ki tua: ‹Cengi mani n nialu.›

Jeremi 26:13

Moala lebidi mani yi tagu leni yi tuongunda. Cengi mani Li Miali Diedo nialu, yeni Li Miali Diedo baa cedi wan bi jagi ke o baa tieni yi yaa bonbiadila yeni.

Ose Tili 6:6

Min bua yaala tie yaala n tiegi Laa tie a pada ka, U Tienu bandima mo mani ki cie a padijuukaana.

Ose Tili 8:13

Bi padi npo ti yandi, Ki ŋmani li nandi. Li Miali Diedo pali ki mani lipo. N tiani bi biadima, Ki baa waani ba fala kelima bi tuonbiadi po. Bi baa goa ki gedi Ejipiti.

Matie 12:7

Yi yaa bi bani yaa maama n tie na yaa bundima: Mi niñingbadima n mani npo, laa tie a pada ka, yi kan bi jaligi yaa niba n kaa pia tagili na.

Matie 23:23

Fala baa ye leni yinba li bali maama bangikaaba leni Falisieninba pala lie danba, kelima yi coadi yaa kpinfaadi n yi menti leni aneti leni kumini ki ñandi li *dim, ama yi fali li *bali maama nni yaala n pia mayuli ki cie, lani n tie ki yaa tiendi yaala n tiegi, ki yaa gba mi niñima, ki yaa go tie nidugikaaba mo. Lani n tie yin bi pundi ki yaa tiendi yaala, ki nan da cedi yaala n sieni mo.

Matie 5:24

ŋan cedi a paabu likani ki kpa gedi ki ban mangi leni a lielo yeni, ki yuandi ki guani ki pa U Tienu a paabu.

Matie 9:13

Gedi mani ki ban bandi yaa maama n tie na bundima: ‹Mi niñingbadima n mani npo, laa tie a pada ka.› Mii cua ki baa yini yaaba n tiegi ka, ama ti tuonbiadi danba.»

Marki 12:33

ke o nilo n bua wani leni o pali kuli leni o yantiali kuli leni o miali kuli leni o fidu kuli, ki go bua o nisaalilielo nani wan bua o yuli maama yeni, lani n cie ban padi a *padijuukaana leni yaa padibuoli n sieni kuli.»

1 Samueli 13:12

n bungi n yama nni ke Filisiti yaaba baa jiidi ki baa nni Giligali ne hali ke n daa mia Li Miali Diedo *ŋanbili. Lane ke n paagi n pali ki padi li padijuukaali.»

1 Samueli 13:13

Samueli den yedi Sayula: «A tieni mi yanpiima, ŋaa kubi Li Miali Diedo a Tienu n den teni a yaa ñoabonli. Li Miali Diedo bi baa teni a bali n yaa ye Isalele yaaba po hali yaa yogunu kuli.