1 Samueli 15:17 - Gourmanchéma Bible

¹⁷ Samueli den yedi: «Ŋan den nua a yuli ke a tie biga yaa yogunu, ŋaa den tua Isalele buolu yudaano te? Li Miali Diedo ki den gagidi a ki dini a li bali ke a tua Isalele yaaba bado te?

U TIENU MAAMA TILI 2013

¹⁷ Samueli den yedi: «Ŋan den nua a yuli ke a tie biga yaa yogunu, ŋaa den tua Isidayeli buolu yudaano te? O Diedo ki den gagidi a ki dini a li bali ke a tua Isidayeli bado te?

1 Samueli 15:17 ပူးပေါင်းရင်းမြစ်များ

Ose Tili 13:1

Efilayima buolu yaaba yaa den maadi, Bi niba kuli den yen jie. Bi yela den kpedi Isalele buoli siiga. Ama bi den kua mi tudima nni, Ki padi o bulo *Baali po. Lani n teni ke bi baa kpe.

Matie 18:4

Yua n miini o yuli ki tua nani yaa biwaaga n tie na kuli, wani n baa tugi li yuli tanpoli diema nni.

Bi Bujiaba 6:15

Jedeyono den yedi o: «Ŋain, n daano, n baa faabi Isalele yaaba lede? Diidi, n baadiegu yaaba tie Manase buolu yaaba siiga yaaba n tadi ki cie. N mo mini n tie n baadiegu yaaba siiga ku bijuogu.»

1 Samueli 10:1

Samueli den taa yaa tiagu n pia mi kpama ki wuli Sayula yuli po. O den gobini o ki yedi: «Li Miali Diedo gagidi ki dini a li bali ŋan tua o niba yudaano.

1 Samueli 10:22

Bi go den buali Li Miali Diedo ki yedi: «O nilo yeni cua ti siiga bii?» Li Miali Diedo den goa ki yedi: «Diidi, o wuo ti tiadi nni.»

1 Samueli 15:16

Samueli den yedi Sayula: «Suo yeni, n baa togidi a Li Miali Diedo n den yedi nni yaala ku ñiagu.» Sayula den yedi o: «Maadi.»

1 Samueli 9:21

Sayula den goa ki yedi o: «Mii tie Benjamina buolu yua kaa, Isalele buoli kuli siiga yaa buolu n wa ki cie? N yaa diegu mo ka wa ki cie Benjamina diedi siiga kuli? Lanwani be yaa po ke a maadi nni mine?»