1 Samueli 14:36 - Gourmanchéma Bible

³⁶ Sayula den yedi: «Tin fii mani yaa ñiagu n tie na ki jiidi ki baa Filisiti yaaba ki fie ba hali lan ban faa. Tin da ŋa bi siiga baa niyendo leni miali.» Bi toatieba den yedi: «Tieni ŋan sua maama kuli.» O kopadiciamo den yedi: «Cua mani ne tin buali U Tienu tin baa tieni yaala.»

U TIENU MAAMA TILI 2013

³⁶ Sayuli den yedi: «Tin fii mani yaa ñiagu n tie ne ki jiidi ki baa Filisiti yaaba, ki fagi ba hali lan ban faa. Tin da ŋaa bi siiga ba niyendo leni miali.» Bi toatieba den yedi: «Tieni ŋan bua maama kuli.» O kopadiciamo den yedi: «Cua mani ne tin buali U Tienu tin baa tieni yaala.»

1 Samueli 14:36 ပူးပေါင်းရင်းမြစ်များ

Pisomi 73:28

Mini wani, ki nagini U Tienu n tie yaala n mani npo. N bili n dugidi O Diedo Li Miali Diedo kani, Ke min fidi ki togidi ŋan tieni yaala kuli.

Esayi 58:2

Daali kuli bi lingi nni, Bi bua ki bandi n sani. Bi miadi nni yaa buudi n tiegi Ki bua ki nagini U Tienu kani Nani yaa nibuolu n ŋua mi *teginma Ki nan ŋa U Tienu n bili upo yaa bujiateginkaali yeni.

Jeremi 6:5

Fii mani ku ñiagu Ki gedi ki ban bolini Jelusalema dieŋama!»

Malaki 2:7

O kopadiciamo tuonli n tie ki bangi bi niba. Bi niba baa buali wane li bali maama. Kelima o kopadiciamo tie Li Miali Diedo U Paaciamu Kuli Daano tondo yo.

Mi Coadima 27:21

O yen baa cua o kopadiciamo Eleyasala kani, wan diidi*Ulima ki buali nni ki bandi n yanbuama. Wani oba, Isalele yaaba, leni li nitaanli kuli baa tuo ki yaa tiendi Eleyasala ñoabona, ki yen ña wan yedi ban ña yaa yogunu, ki kua wan didi yedi ban kua yaa yogunu.»

Jaki 4:8

Yin nagini mani U Tienu kani, o mo baa nagini yikani. Yinba, ti *tuonbiadi danba, yin nidi mani yi nii. Ŋanbi mani yi pala yinba yama lie danba.

Josue 10:19

Yin da sedi ki waagi likani, yin sani ki ŋoadi yi yibalinba ki kpedi ki jia ba ki da tuo ban kua bi dogi nni, kelima Li Miali Diedo yi Tienu taa ba ki teni yi nuu nni.»

Josue 11:14

Isalele yaaba den taa bi yula po i dogi yeni bonpiakaala leni i yandi ke li tua ti fagidi. Ama bi den kpa bi niba wani kuli, baa den ŋa yaala n pia miali kuli lienni.

1 Samueli 1:23

O calo Elikana den yedi o: «Tieni ŋan sua maama, guudi hali a yaa babidi o. Li Miali Diedo n kuani o ñoabonli be.» Lanwani Ana den sedi deni ki ŋaandi o biga hali wan ban babidi o.

1 Samueli 11:11

Li dalieli Sayula den boagidi o toatieba toacaga taa. Lan den nagidi faama, bi den kua Amoni yaaba toanagili nni ki kpaani ba hali ki pundi u yensicocolu. Yaaba n den sani ki cia den yayadi hali ke oba kuli ki go den yegi leni o lielo.

1 Samueli 14:3

Ahitubi bijua Ahiya moko den ye leni o. Ahitubi yeni den tie Ikabodi kpelo ki go tie Finea bijua. Fineya mo den tie Eli bijua, yua n den tie U Tienu kopadiciamo Silo po. Ahiya den la bi kopadicianba bado n yen laa yaa liadibiga ke ki tie *benŋuunu. Bi toatieba naa den bani ke Jonatan fii ki gedi.