1 Samueli 13:9 - Gourmanchéma Bible

⁹ Lane Sayula den yedi: «Taa mani li *padijuukaali leni i tuondi yaa pada ki cuani mani ne.» Bi den cuani ke o padi li padijuukaali.

U TIENU MAAMA TILI 2013

⁹ Lanwani Sayuli den yedi: «Taa mani li padijuukaali leni i tuondi pada yandi ki cuani mani ne.» Bi den cuani ke o padi li padijuukaali.

1 Samueli 13:9 ပူးပေါင်းရင်းမြစ်များ

2 Samueli 24:25

Dafidi den maa li padibinbinli lankani Li Miali Diedo po ki padi opo a padijuukaana leni mi taanyenma pada. Lanwani U Tienu pali den jiidi mi diema po ke u yianbiadipuodiko sedi ki ñani Isalele yaaba siiga.

1 Bi Badiba 3:4

O den gedi Gabaono dogu nni ki baan padi a pada lanpo kelima lankani n den tie yaa padibinbina n den ye a juana yula po siiga u kaanciamu. Wan den padi yaa padijuukaana li *padibinbinli yeni po kuli den taani ki tie padijuukaana tudili.

Pisomi 37:7

Duani a yama Li Miali Diedo nintuali, ki yaa dugi opo. Da bieni a pali leni yua yaa bonla cuoni opo bonŋanla Ki da bieni a pali leni yua mo n kubi o yanjagibiada.

Mi Kpanjama 15:8

Li Miali Diedo nani bi nibiadiba n padi yaa pada, Ama o pali mani bi niteginkaaba jaandi po.

Mi Kpanjama 20:22

Ŋan da yedi: «N baa tieni mi biadima ki guani!» Dugi Li Miali Diedo po o baa faabi a.

Mi Kpanjama 21:27

Bi nibiadiba padili yaa tie cagindi, Bi yaa di cuani li leni ti yantiabiadi mo te?

Mi Kpanjama 21:3

Ki tieni yaala n tiegi ki go dagidi Laa bonla mani Li Miali Diedo po ki cie a pada.

Esayi 66:3

Bi yaa bua ki padi padili Bi yen kodi nua. Ama bi yen kodi nisaalo moko. Bi yaa kodi pia, Bi yen kpa sangbanlo moko. Bi yaa cuani mi pienma padili Bi yen cuani ki padi mi duosoama moko. Bi yaa cua ki juu tulale Bi yen cua ki kpiagi i *buli moko. Landanba kuli mangidi bi pala bi sani nni Bi pala mo mani bi cancagintuona po.

Mi Tiadima 12:5

Ama yi baa lingi Li Miali Diedo yi Tienu n baa gandi yi buoli kuli siiga yaa kaanu, ki kuani o yeli likani ke lin yaa ye. Lan tie yin baa yaa caa naankani.

Mi Tiadima 12:6

Lankane yi baa kpendinni yi padijuukaana, yi pada, yi *dim, yin ñani yi kpaandi nni yaala, yin niani yaa paabu leni yi yantiali po yaa paabu, yi yanbidi leni yi yangbenga bontonkpiamu kuli.

1 Samueli 14:18

Lane Sayula den yedi Ahiya: «Cuani U Tienu*ŋantaadikpaku ne.» To, laa yogunu U Tienu ŋantaadikpaku den ye Isalele yaaba siiga.