1 Samueli 13:5 - Gourmanchéma Bible

⁵ Filisiti yaaba den taani ki baa tuogi leni Isalele yaaba. Bi den pia toateliti tudili leni tandanba tudaluoba (6 000). A taacenda den yaba nani yaa tanbiima n ye mi ñincianma boanjaali po yeni. Bi den cua ki kpaa bi toanagili Mikimasi Beti-Afeni dogu puoli.

U TIENU MAAMA TILI 2013

⁵ Filisiti yaaba den taani ki baa tuogi leni Isidayeli yaaba. Bi den pia toateliti tuda piitaa (30 000) leni tandanba tudaluoba (6 000). A taacenda den yabi nani yaa tanbiima n ye mi ñincianma jaali po yeni. Bi den cua ki kpaa bi toanagili Mikimasi Beti-Afeni dogu puoli.

1 Samueli 13:5 ပူးပေါင်းရင်းမြစ်များ

Mi cilima 22:17

n baa seligi a ki pugidi a puoliŋuani ban yaa yaba nani mi ñincianma boanjaali yaa tanbiima n de maama yeni. A yaa yaabila baa diedi bi yibalinba yaa buliñoana.

2 Samueli 17:11

Lanwani mini yaa tundi tie ŋan cili hali jienu, Dana dogu, ki pundi hali ganu, Beli-Seba dogu, ki taani Isalele yaaba kuli a kani ban tua yaa goli n yaba nani yaa tanbiima n ye mi ñincianma kunu yeni. Fini aba mo n ga bi liiga ki gedi li tuogili.

1 Bi Badiba 20:27

Akabi moko den caligi Isalele yaa toatieba ki coadi ba, ki teni ba mi jiema. Bi den gedi ki baan tuogi leni Sili yaaba. Bi den kpa bi toanagili ki tiegi leni ba ki tie nani ŋuakulimu lie yeni, ke Sili yaaba mo gbie mi diema nni.

2 Bi Badiba Jama 1:9

Lanwani Li Miali Diedo U Tienu ŋan kuani moala ŋan den niani n baa yaa ñoanianu. A dini nni li bali yaa niba n yaba boncianla po, nani ki tinga tama yeni.

Esayi 10:28

O kpendi Ayata, o tagini Migoloni Ki ŋa o tiadi Mikimasi.

Esayi 48:19

Yi puoliŋuani bi baa yaa yaba Yi bila mo n yaa yaba nani i tanbiili yeni Bi yela mo kan bi bodi n nintuali.»

Jeremi 15:8

N teni ke bi kpepuona yabidi Ki cie mi ñincianma tanbiili. N teni ke mi yebiadima ŋma o jakoando naa u yensicocolu. N teni ke ti yanyagidi leni i yanbani cua ki ludi o yenma.

Ose Tili 10:5

Samali yaaba gbani baa wudi, Kelima yaala n baa tieni ki naabiga Beti-Afeni kani yeni po. Bi baa mua ki kuuma po. Yaa kopadicianba n tuuni opo mo baa digibi, Kelima o kpiagidi kan go yaa ye bi siiga.

Ose Tili 4:15

Baa ke yinba Isalele yaaba puni yi yula mi conconma po, Juda yaaba wani n nan da ŋoadi laa fuuli. Yin da gedi Giligali, Yin da gedi Beti-Afeni. Yin da taa mani mini U Tienu yeli, Ki poli ki yedi: ‹Hali Li Miali Diedo yua n fo po.› »

Ose Tili 5:8

Piebi mani li naatuntunli Gibeya dogu nni, Piebi mani kakaci Lama dogu nni, Benjamina buolu yaaba, yaa faami mani yi puoli po.

LOMA YAABA 9:27

O sawalipualo Esayi moko kpaani ki maadi Isalele buolu maama ki yedi: «Baa Isalele buolu yaaba yaa yaba Nani mi ñincianma tanbiima yeni, Nitianga bebe n baa faabi.

Josue 11:4

Laa batieba kuli den fii leni yaa toatieba n yaba kaa pia coali nani mi ñincianma tanbiima yeni, leni i taami leni toateliti boncianla.

Josue 18:12

Nijienu po bi diema bianu den cili Judana kpenu kani. U den tagini Jeliko dogu jienu po, ki pendi ki poandi a juana nni ki teli nintuali po ki ban dagini Beti-Afeni fanpienma.

Josue 7:2

Josue den soani bi jaba ke bi fii Jeliko ki gedi Ayi dogu po yu n ye Betela puoli ki nagi leni Beti-Afeni. O den yedi ba: «Yin gedi mani ki ban goandi laa diema.» Bi den gedi ki ban goandi Ayi.

Bi Bujiaba 7:12

Madiana yaaba leni Amaleki yaaba leni puoli po yaaba kuli den wuli ki ladi ku joaloangu nni nani i naaci yeni. Bi yuoyuodi den yaba kaa pia coali nani mi ñincianma kunu tanbiima yeni.

1 Samueli 13:11

Samueli den yedi: «A tieni be?» Sayula den yedi: «Min laa ke bi toatieba yadi ki foagidi leni nni, ke amo naa cua ŋan den bili yaa daali, ke Filisiti yaaba mo taani Mikimasi,

1 Samueli 13:2

Sayula den gandi Isalele yaaba siiga jaba tudataa (3 000). Jaba tudalie (2 000) den ye leni o Mikimasi dogu leni yaa juana n ye Betela dogu. Tudili mo den ye leni Jonatan Gibeya dogu ki ye Benjamina diema nni. Sayula den cabi yaa toatieba n sieni ke yua kuli kuni ki ban kua o gbandieli nni.

1 Samueli 14:23

Yene ke Li Miali Diedo den faabi Isalele yaaba laa daali. Bu toabu den suagi hali ki pendi Beti-Afeni.

1 Samueli 14:52

Sayula bali bina kuli o den togidi leni Filisiti yaaba bu toabu. Sayula yaa den laa gbanmandaano yua pia papaali kuli, o den yen taa ki kuani o o ŋantaadi nni.

1 Samueli 17:1

Filisiti yaaba den taani bi toagola ki bua ki tuogi bu toabu. Bi den taani Juda yaaba dogu Soko ki gedi Efesa-Damima dogu yu n ye Soko leni Aseka siiga, ki kpa bi toanagili lankani.

1 Samueli 7:13

Bi den paadi Filisiti yaaba yene. Baa go den kpendi Isalele yaaba diema nni. Li Miali Diedo nuu den miabi Filisiti yaaba hali Samueli miali banlu kuli.