1 Samueli 12:3 - Gourmanchéma Bible

³ To, mini nna. Yin doagidi mani ki waani Li Miali Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N ga ŋme yaa kane li suuli ki pii n nuni ke min da le o tagili? N baa guani yi likuli.»

U TIENU MAAMA TILI 2013

³ To, mini nna. Yin doagidi mani ki waani o Diedo leni wan gandi yaa bado nintuali min tieni yaa tagili. N fie ŋme yaa naatonle? N fie ŋme yaa ŋunbo yo? N boandi ŋme? N mabini ŋme? N gaa ŋme yaa kane li suuli ki pii n nuni ke min da le o tagili? Waani nni mani, n baa guani yi la.»

1 Samueli 12:3 ပူးပေါင်းရင်းမြစ်များ

2 Samueli 22:22

Kelima n cuoni Li Miali Diedo sani nni ke li tiegi, Mii ŋoadi mi biadima ki foagidi leni n Tienu.

Nehemi 5:11

Dinla yin goa ki teni ba bi kuani, leni bi duven tiidi leni bi *olifie tiidi leni bi diena. Yin cabi ba yin den ledi ba i ligi leni ŋalikama leni mi kpama ki baa ti goa ki ga leni yaa ñuadi.»

Pisomi 15:5

Waa ledi o ligi ki lingi ti ñuadi, O kan ga suuli ki janbi yua n ki pia biili? Yua n tiendi yeni kan ŋmadi ki baa.

Mi Ñama 20:17

Yin da pia li nunponbiadili yi nisaalilielo diegu po, o pua po, baa o naacemo po, baa o potuado po, baa o nua po, baa o ŋunbo po, baa yi nisaalilielo n die yaa bonla kuli po.»

Mi Ñama 22:4

Nilo yaa teni ke o yandi kua ki ŋmani o lielo duven tiidi, bi o kuanu, o panpaani n baa tie na: O kuanu n loni yaala ke li ŋani ki cie kuli leni duven tiidi bonluonkaala yaala n ŋani ki cie kuli.

Mi Ñama 23:8

Ŋan da gaani li suuli kelima li suuli juandi bi nundanba, ki biandi bi niteginkaaba maama mo fanma.

Mi Kpanjama 15:27

Yua n bua i janbi baali, baa guli o diegu, Ama yua n nani li suuli, miali baa foagidi.

Levi 6:4

Li yaa puoli wan landi o tiadi yeni ki laa tiatoadi, ki taa mi fantanpienma yeni ki ñani li nagili niini ki ban lu ma yaa kaanu n gagidi.

Levi 6:5

Mi fantama baa yaa co li padibinbinli po yogunu kuli, man da gbindi. Tiŋaagu kuli o kopadiciamo baa pugini ti daadi, ki maani li padijuukaali po. O go baa sia mi taanyenma padili yaa kpama lipo.

Mi Coadima 16:15

Musa pali den beni boncianla ke o den yedi Li Miali Diedo: «Da ga ban padi yaa padili yeni paabu. Mii ga bi kani baa ŋunbo, mii didi go tieni bi siiga oba kuli biadimaba mo.»

Matie 22:21

Bi den goa ki yedi o: «Sesa yaali yo.» Lane o den yedi ba: «Lanwani, pa mani Sesa, yaala n tie Sesa yaala, ki pa U Tienu mo, yaala n tie U Tienu yaa yaala.»

Luki 19:8

Sake den sedi O Diedo nintuali ki yedi o: «Canbaa, diidi, n baa pa a luoda n piama boagidima. N yaa den janbi yua ki ga o kani bonlaba mo, n baa guani o la figilima naa.»

Jesu Tondiba Tuona 20:33

Mii den kuani n yama oba kuli ligi nni, yaaka o wula nni, yaaka o tiadi nni.

2 Korenti 12:14

Diidi mani, n bogini ki kpendi yikani mi tataama nne. N kan yaa tie yipo tugili, kelima mii lingi yi piama ka, ama n lingi yinba yiba yo. Laa pundi ke a bila n taantaani ki bili li bonla bi danba po, kali bi bidanbe n taantaani ki bili bi bila po.

Mi Tiadima 16:19

Yin da saa moamoani cakpigili, ki nan da pia mi gagidima bi niba siiga. Yin da ga suuliba kelima li suuli juandi bi yandanba nuni, ki biandi bi niteginkaaba maama fanma.

1 Tesaloniki 2:10

Yinba leni U Tienu kuli tie tipo siedi, ke ti den pia yaa tagi n gagidi ki go tiegi ki naa pia ban baa fidi ki kuli ti leni yaala yinba yaaba n daani yaa siiga.

1 Tesaloniki 2:5

Yi bani bonŋanla ke tin den ye yi siiga tii den maadi yipo ti ñoamandi ka. Tii den pia ŋalimani buama yantiali mo, U Tienu tie ti siedo lankuli po.

1 Pieri 5:2

Yin yaa kpaa mani U Tienu yankulu, yu n ye yikani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la ke yi yama ye lienni moamoani.

1 Samueli 10:1

Samueli den taa yaa tiagu n pia mi kpama ki wuli Sayula yuli po. O den gobini o ki yedi: «Li Miali Diedo gagidi ki dini a li bali ŋan tua o niba yudaano.

1 Samueli 12:4

Bi den goa ki yedi: «Ŋaa boandi ti, ŋaa mabini ti, ŋaa ga oba kuli nuu nni liba mo.»

1 Samueli 12:5

Samueli go den yedi ba: «Li Miali Diedo leni wan dini yua li bali tie siedinba ke yii laa n kani tagiliba kuli.» Bi den goa ki yedi: «Bi tie siedinba likuli po.»

1 Samueli 2:35

N baa dini n kopadiciamo min baa fidi ki yaa dugi yua yaa po, yua n baa yaa tiendi n pali leni n yantiali n bua maama. N baa sieni o diegu ke o puoliŋuani baa yaa kubi li kopadician-tuonli min baa gandi ki gagidi ki dini yua li bali yaa nintuali hali yaa yogunu kuli.

1 Samueli 24:11

Dinla a laa leni a nunceli ke Li Miali Diedo bi taa ŋa ki teni n nuu nni ku tanlongu nni. Bi bi tigini nni ke min kpa ŋa, ama n bi cedi ŋa ki yedi ke n kan tandi n nuu ki sii fini n daano, kelima Li Miali Diedo gandi a.

1 Samueli 24:6

Lanyogunu o tugusoama den sani kelima o jia Sayula kpalibu tiipo.

1 Samueli 24:7

O den yedi o niba: «Li Miali Diedo n luoni npo min tandi n nuu ki sii n daano, kelima o tie Li Miali Diedo n gandi yua.»

1 Samueli 26:11

Li Miali Diedo n luoni npo min tandi n nuu ki sii Li Miali Diedo n gandi yua. Ama ŋan taa o kpaanli yaali n caa o yuli kani, leni o ñinbagili tin gedi.»

1 Samueli 26:9

Ama Dafidi den yedi Abisayi: «Da kpa o, kelima ŋme baa fidi ki tandi o nuu ki pua Li Miali Diedo n gandi yua, ke wani U Tienu kan cuo o?»