1 Samueli 12:22 - Gourmanchéma Bible

²² Kelima Li Miali Diedo yeli n pia yaa kpiagiciandi yaa po, o kan ŋa yi, kelima o den jagi o yama po ke yi baa tua o yaa niba.

U TIENU MAAMA TILI 2013

²² O Diedo yeli n pia yaa kpiagiciandi po, o kan ŋaa yi, kelima o den jagi o yama nni ke yi baa tua o yaaba.

1 Samueli 12:22 ပူးပေါင်းရင်းမြစ်များ

1 Bi Badiba 6:13

N baa yaa ye Isalele yaaba siiga, n kan ŋa ba, bani n nibuolu yeni.»

1 Bi Badiba 8:57

Li Miali Diedo ti Tienu n yaa ye leni ti nani wan den ye leni ti yaajanba maama, wan da ŋa ti ki da lu ti.

2 Bi Badiba 14:27

Ama Li Miali Diedo ki den jagi ke o baa bolini Isalele yaaba mi tinfanma nni. O den taa Joasi bijua Jeloboami ke o faabi ba.

2 Bi Badiba 21:14

N niba yaaba n sieni mo n baa ŋa ba, ki taa ba ki teni bi yibalinba nuu nni. Bi yibalinba baa fie ban pia yaala kuli.

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

2 Bi Badiba Jama 15:2

ke o ñani ki ban tuogi Asa ki yedi o: «Cengi mani nni, Asa leni yinba Juda buolu yaaba leni Benjamina buolu yaaba kuli! Li Miali Diedo ye leni yi li yaa tie ke yimo ye leni o. Yi yaa lingi o, o baa cedi yin le o. Ama yi yaa ŋa o, o moko baa ŋa yi.

Nehemi 9:17

Bi den yie baa tuo ma ki sundi ŋan den ŋanbi bipo yaa *ŋanbili. Bi den juagi bi tuli. Bi yiema nni, bi den gandi o yudaano Ki baa guani ban den ye ti yonbidi nni naanpo. Ama fini, a tie yaa Tienu n puuni sugili Ki juogidi ki gba mi niñima, Ki pia li juunli leni li ŋanbili. Lani yaa po ŋaa den ŋa ba.

Pisomi 106:8

Ama o den faabi ba kelima o yeli po Ke wan fidi ki doagidi o paaciamu.

Pisomi 94:14

Kelima Li Miali Diedo kan ŋa o niba O kan ŋa yaaba n tie o yaa yaaba.

Mi Ñama 32:12

Be yaa po ke Ejipiti yaaba baa fidi ki yedi: ‹O den ñani ba nekanba ki bua ki faligi ba ki kpa ba a juana po, ki bolini ba ki ñani bi buolu ŋanduna nni.› Ŋan cedi ki ŋa a pabienli, ki lebidi a yama ki da go bolini a yaa nibuolu nani ŋan bi jagi ke a baa bolini maama yeni.

Esayi 37:35

N kubi u naa dogu ki faabi u Kelima mini yaa po leni Dafidi n naacemo kuli po.»

Esayi 41:17

Bi niñinniba leni a luoda lingi mi ñima, ama maa ye. Bi landi kuodi u ñunñuunu po. Mini Li Miali Diedo baa tuo bi miabu, Mini Isalele yaaba Tienu, n kan ŋa ba.

Esayi 42:16

N baa teni a juama n tagini ban daa den bani yaa sanu, Ki gobidi ba yaa sanbila n den boani ba niinni. N baa teni yaa biigili n ye bi liiga n lebidi ki tua yenma. N go baa teni yaa sani n tie gbangbana mo n ladi ki dagini. N kan ŋa ba Lani n tie min baa tieni yaala n yeni.

Esayi 43:25

Li tie mine, mini n duuni ki ñani yi tagili N kan go tiadi yi tuonbiadi po, Kelima min bua yi maama po.

Esayi 43:7

Mini leni yua n taa yeli kuli Mini n tagi yua Ki tieni ki go ŋanbi o n kpiagidi po yeni Guani o mani.»

Esayi 48:11

Li tie mini yaa po, Li li tie mini yaa po lige ke n tieni yeni. Kelima n yeli baa ga lede ki biidi yeni? N kan tuo ki taa n kpiagidi ki ban teni nitoa.

Esayi 49:15

Naani o pua baa sundi wan ŋaandi yaa biga bi? Naani waa gba o tugu nni biga po mi niñima? Baa li yaa tie ke o sundi opo, Mini wani, n kan sundi yipo.

Esayi 63:8

O den yedi: «Moamoani bi tie n niba, Yaa bijaba n kan janbi o.» O den tua bipo candaano.

Jeremi 14:21

A yeli yaa po ŋan da faligi ti. Da fali a bali kalikaanu kpiagidi Tiadi ŋan kuani leni ti yaa *ŋantaado, Ki yaa kubi o bonŋanla.

Jeremi 14:7

Bi yedi: «Ti tagili yaba ki pendi. Li tie moamoane. Ama fini Li Miali Diedo, baa ŋan baa tieni yaala Ke a yeli n da fiagi. Ti tudi apo hali boncianla. Ti tieni apo ti *tuonbiadi.

Jeremi 14:9

Be n teni ke a tie nani yaa ja yaa pali n biidi yeni Nani yaa jakoando n kan fidi ki faabi oba kuli yeni? Baa leni lankuli, Li Miali Diedo, a ye ti siiga, Ti taagi a yeli. Ŋan da lu ki diani ti.»

Jeremi Bubula 5:20

Li ga lede Ke a baa sundi tipo Yaa yogu n tu yaa yogu? Naani a baa lu ki diani ti ti miali yema kuli nni?

Esekieli 20:14

Mii den tieni la kelima yaa nibuoli n den laa min den ñani Isalele yaaba Ejipiti diema nni yaa yogunu n da ti fali n yeli.

Esekieli 20:9

Mii den tieni la, kelima mii den bua ban ye yaa nibuoli siiga yaaba n fali n yeli ke n den niani ke n baa ñani Isalele yaaba Ejipiti diema nni.

Malaki 1:2

Li Miali Diedo yedi: «N bua yinba Isalele yaaba. Ama yi tua: ‹Be n doagidi ke a bua ti?› » Li Miali Diedo goa ki yedi: «Naani Esayu leni Jakobo ki den tie naataani kaa? Ama n den bua Jakobo leni o puoliŋuani,

Matie 11:26

Yeni de, n Baa, n pagi a kelima li den mani apo ke a tieni yeni.

Jan n diani U Tienu Laabaaliŋamo maama 15:16

Laa tie ke yinba ka den gandi nni. Ama mini n den gandi yi ki go gagidi yi, ke yin gedi ki yaa luoni li bonluonkaala, ke yi bonluonkaala mo n yaa ye. Lanwani Baa baa pa yi yin mia o yaala kelima n yeli po kuli.

LOMA YAABA 11:1

Lanwani n buali, naani U Tienu luni o nibuolu Isalele yaaba bi? Kalam. Mini nba, n tie Isalele buolu, Abalahama puoliŋuanu leni Benjamina buolu yua.

LOMA YAABA 11:29

Kelima U Tienu yiinu leni o paabu naa pia lebidima.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

Efesa 1:12

O den tieni yeni ke tinba yaaba n den kpa bili ti suginma Kilisiti nni, n yaa pagi o.

Efesa 1:6

Lanwani tin yaa pagi o ŋanbili yaali n pia ti kpiagidi, wan puni ti yaali kelima o *Bijabuadiga po.

Mi Tiadima 14:2

Kelima yi tie yaa nibuolu n gagidi ki ŋani Li Miali Diedo yi Tienu po. Lani Li Miali Diedo yi Tienu den gandi yi ki tinga nibuoli kuli siiga ke yin tua wan die yaa nibuolu.

Mi Tiadima 31:17

Lan daale ke n pali baa fii ki be bipo. N baa ŋa ba, ki buli ba n nunga. Bi baa je ba, falaciamo leni paboancianli baa baa ba, ke bi baa yedi: ‹Naani laa tie kelima ti Tienu naa go ye ti siiga kaa ke yaa fala buoli n tie ne kuli nandi ti?›

Mi Tiadima 31:6

Paagi mani yi gbani ki go paagi mani yi pala! Da jie mani, yi gbani mo n da jeli bi nintuali! Kelima Li Miali Diedo yi Tienu wani oba n cuoni leni yi, o baa yaa kubi yi, o kan ŋa yi, o kan lu yi hali abada.»

Mi Tiadima 31:8

Li Miali Diedo wani oba n baa yaa cuoni a liiga, wani oba n baa yaa yegi leni a, o baa yaa kubi a, o kan ŋa ŋa, ŋan da yagi a yama, ŋan da jie mo.»

Mi Tiadima 7:6

Kelima yi tie yaa nibuolu n gagidi ki ŋani Li Miali Diedo yi Tienu po. Li Miali Diedo yi Tienu gandi yi ke yin tua i nibuoli siiga, o yaa nibuoliceli mi tinfanma nni.

Mi Tiadima 9:5

Laa tie yi teginma leni yi tagiŋamu po kaa ke yi baa kua ki diedi bi diema. Ama li tie laa nibuoli yaaba yaa biadima po yo ke Li Miali Diedo yi Tienu deli ba yi nintuali, ke wan den poli ki niani yi yaajanba, Abalahama, Isaaka leni Jakobo yaa maama n tieni.

Filipi 1:6

N daani ki go bani cain ke wani yua n cili laa tuonŋanli yi niinni, baa tuuni li hali lin dudi Jesu Kilisiti goacuama daali.

Hebilunba 13:5

Yin da pa mani yi yula i ligi buama po. Ama yin yaa mangidi yi pala leni yin pia yaala moala kelima U Tienu yedi: «N kan ŋa ŋa, N kan lu ŋa hali abada.»

Josue 7:9

Kanana yaaba leni mi diema na yaaba kuli baa gbadi likuli ki lindi ki cebini ti ki bolini ti yela ŋanduna nni. A baa tieni be ki doagidi a yeli kpiagidi?»

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.