1 Samueli 12:20 - Gourmanchéma Bible

²⁰ Samueli den yedi bi niba: «Yin da jie mani. Li tie moamoani ke yi tieni laa biadima kuli. Ama yin da ŋa mani Li Miali Diedo. Yin yaa ŋua o mani leni yi pala kuli.

U TIENU MAAMA TILI 2013

²⁰ Samueli den yedi bi niba: «Da jie mani. Li tie moamoani ke yi tieni laa biadima kuli. Ama yin da ŋaa o Diedo. Yin yaa ŋua o leni yi pali kuli.

1 Samueli 12:20 ပူးပေါင်းရင်းမြစ်များ

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

Pisomi 101:3

N kan mangi n pali leni yaala bia noanlima, N nani ti *tuonbiadi danba tagi, N kan baa ŋantaadoba leni laa tagi.

Pisomi 125:5

Ama yaaba n ŋua i sangolimi, Li Miali Diedo baa bolini ba, Ki taani leni yaaba n tiendi mi biadima kuli. Mi yanduanma n yaa ye leni Isalele yaaba!

Pisomi 40:4

O kuani n ñoabu nni bu yanpanbu, Ti pagidi yanbu ti Tienu po. Yaaba n baa le ba baa baa li fangili. Ki bili bi dugidi Li Miali Diedo kani.

Mi Ñama 23:25

Yi baa yaa tuuni Li Miali Diedo yi Tienu po. O baa seligi yi jiema leni yi ñima. N baa deli ki ñani u yianu yi siiga.

Mi Ñama 32:30

Lan den fii ki faa, Musa den yedi ku niligu: «Yi tieni yaa *tuonbiadi n bia boncianla. Moala, n baa do ki gedi Li Miali Diedo kani ki le n yaa baa baa ti candandi yi tuonbiadi po.»

Jeremi 3:1

Guani mani npo: O ja yaa ñani o pua Ke o ñani o kani ki ban kuni jatoa. Naani laa ja go baa guani o pokpelo yeni kani? Naani laa diema kan *joagini cain, bi mani kaa? A mo conbi leni a jaconcona boncianla Moala wani, a di bua ki guani n kani. Mini Li Miali Diedo n yedi yeni.

Age Tili 2:5

Yin den ñani Ejipiti, N den niani yi ke n baa yaa ye leni yi yogunu kuli. Lanwani, n ye yi siiga, yin da jie liba kuli.

Mi Tiadima 10:12

Moala Isalele yaaba, Li Miali Diedo yi Tienu mia yi be yo? Naani laa tie ke yin yaa fangi Li Miali Diedo yi Tienu, ki yaa cuoni o sani nni kuli, ki yaa bua ki go tuuni Li Miali Diedo yi Tienu po leni yi pala kuli leni yi yantiana kuli kaa?

Mi Tiadima 11:16

Yin fangi mani yi yula ke yi pala n da ti boandi yi ki teni yin lebidi ki ŋoadi i *buli, ki gbaani ki pugi laa buli.

Mi Tiadima 31:29

Kelima n bani n yaa kpe, yi baa *joagini ki go fiagi yi yula, ki yaadi ki ŋa min bili yipo yaa sanu yeni. Lani, fala baa faa ki ŋma yi yaa yogunu n kpendi po, yaa yogunu ke yi baa tieni mi biadima, hali maama ke yi baa fiini o pali leni yi nii bontienkaala.»

Josue 23:6

Ama yin moandi mani bonŋanla ki tuo ki yaa ŋua yaala n diani Musa *balimaama tili nni kuli ki tiendi man yedi yaala. Yin da jadi ki ŋa ma baa waamu.

1 Pieri 3:16

Ama lan yaa tie leni mi dingima leni li fangili. Yaa pia mani yaa pali siedi n ŋani, lani, baa bi yaa sugidi yi ki kuli yi ke yi tie i tagili danba, yaaba n sugidi yin pia yaa tagiŋami Kilisiti nni yeni n le i fe.

1 Samueli 12:19

Bi niba kuli den yedi Samueli: «Mia Li Miali Diedo a Tienu tinba a naacenba po ke tin da kpe. Kelima tin mia ban dini tipo o bado yeni, ti tieni ti tuonbiadi ki pugini tin tieni yaa tuonbiadi kuli po.»