1 Samueli 11:13 - Gourmanchéma Bible

¹³ Sayula den yedi: «Bi kan ñani oba kuli miali yaa daali n tie na, kelima dinla Li Miali Diedo cuani mi faabima Isalele yaaba po.»

U TIENU MAAMA TILI 2013

¹³ Sayuli den yedi: «Bi kan ñani oba kuli miali yaa daali n tie ne, kelima dinla o Diedo cuani mi faabima Isidayeli yaaba po.»

1 Samueli 11:13 ပူးပေါင်းရင်းမြစ်များ

2 Samueli 19:22

Lanwani Tiseluja bijua Abisayi den yedi: «Simeyi n den soli Li Miali Diedo n gandi yua yeni, naani laa pundi wan kpe?»

2 Samueli 19:23

Ama Dafidi den yedi: «Yinba Tiseluja bijaba, yi maama ki ye lienni. Yi baa gaa lede ki fiini npo ti yanyagidi dinla? Naani mii bandi ke n diedi Isalele diema dinla yoo?»

2 Samueli 23:10

wani Eleyasala den fii ki pe ki kpaani Filisiti yaaba hali ke o nuu den coagi ki kan go tuo ki poaliti ki ŋa o jugisiega. Li Miali Diedo den puni Isalele yaaba mi faabicianma laa daali. Bi toatieba den goa ki cua Eleyasala kani ki baa fagi yaaba n kpekpe bebe.

Mi Ñama 14:13

Musa den goa ki yedi bi niba yeni: «Yin da jie mani liba kuli. Sedi mani yi baa le Li Miali Diedo n baa faabi yi maama dinla. Kelima Ejipiti niba yaaba ke yi nua ba dinla yeni, yi kan go faa le ba hali abada.

Mi Ñama 14:30

Laa daali Li Miali Diedo den faabi Isalele yaaba Ejipiti yaaba nuu nni. Isalele yaaba den laa Ejipiti yaaba yaaba n den kpe ke bi bili mi ñincianma boanjaali po.

Esayi 59:16

O sua ke baa niyendo ki ye. O pali biidi leni niloba n ki ye yua n baa jaandi ki mia. Lanwani o buagu n todi o, O teginma mo n tie dabanjali.

1 Korenti 15:10

Kelima U Tienu *ŋanbili po yo ke n tua min tie yua na. O ŋanbili npo naa tua fanma, li teni ke n soani ki cie Jesu tondiba kuli. Laa tie mini nba ka soani yeni, ama U Tienu ŋanbili n tuuni leni nni.

1 Samueli 10:27

Ama bi nibiadiba den ye yaaba n yedi: «Joo! One n baa faabi ti?» Bi den fali o kaa cuani opo paabu. Ama Sayula ki den taa la ki kuani o yama nni.

1 Samueli 14:45

Lane bi toatieba den yedi Sayula: «Bee? Jonatan kan kpe de! Wani yua n cuani tinba Isalele yaaba po laa faabicianma n kpe? Kalam! Hali Li Miali Diedo po, baa o yudi yuyengu kan baa tiipo, kelima leni U Tienu paalu yo ke o soani dinla.» Li tie yene ke bi toatieba den faabi Jonatan ke waa kpe.

1 Samueli 19:5

kelima o den luni o miali ki ku Goliati. Li Miali Diedo den tieni tinba Isalele yaaba kuli po mi faabicianma. Amo den laa la ki mangi a pali. Lanwani be yaa po ke a baa wuli yua kaa pia tagili soama, ŋan bua ki kpa Dafidi yua n ki pia apo tagiliba kuli yeni?»