1 Samueli 10:8 - Gourmanchéma Bible

⁸ Li yaa puoli ŋan kua n liiga ki gedi Giligali. N baa yuandi ki ŋoadi a lipo ki padi a padijuukaana leni i tuondi yaa pada U Tienu po. Ŋan guudi nni dana lele hali min cua ki waani a ŋan baa tieni yaala.»

U TIENU MAAMA TILI 2013

⁸ Li yaa puoli, ŋan kua n liiga ki gedi Giligali. N baa yuandi ki ŋoadi a lipo ki padi a padijuukaana leni i tuondi yaa pada U Tienu po. Ŋan guudi nni danalele hali min baa cua ki waani a ŋan baa tieni yaala.»

1 Samueli 10:8 ပူးပေါင်းရင်းမြစ်များ

2 Samueli 19:16

O bado den goa ki kpendi ki ban pundi Judana. Juda yaaba den fii ki gedi Giligali ki baa tuogi o ki duoni o u kpenu.

Levi 3:9

Laa taanyenma padili yaa niinni o baa taa ki cuani yaa nankpama n tie ne lan tua padijuukaali Li Miali Diedo po: li juoli ban baa jia yaali hali ku kpiegu kani leni li kpama leni yaa kpakaagu n ŋuagi ti nuadi,

Josue 4:19

Ku niligu den duodi Judana li binli ŋmakpialo yaa danpiiga daali ki kpa bi nagili Giligali dogu kani Jeliko puoli.

1 Samueli 13:4

Lane Isalele yaaba den gbadi ke Sayula paadi Filisiti yaaba toagoli ke bani Filisiti yaaba pala fii Isalele yaaba po. Lani yaa po bi den yini bi toatieba kuli ki taani Sayula kani Giligali dogu nni.

1 Samueli 15:33

Samueli den yedi: «Nani a jugisiega n den ku pomaditoaba bila ke baa go pia bila maama, a yaa naa moko kan go yaa pia biga yene.» Lane Samueli den pedi ki jendijendi Agagi Li Miali Diedo nintuali Giligali dogu nni.