1 Samueli 10:3 - Gourmanchéma Bible

³ A yaa ñani lankani ki suagi liiga ki ban pundi Taboli ticianbu, a baa tuogi leni jaba taa ke bi caa Betela U Tienu diegu po. Bi siiga yendo baa yaa kubi ŋuabila taa, o lielo dupen bonba taa, o taalo mo duven dayuagu.

U TIENU MAAMA TILI 2013

³ A yaa ñani lankani ki suagi liiga ki ban pundi Tabori ticianbu, a baa tuogi leni jabitaa ke bi caa Beteli U Tienu diegu po. Bi siiga yendo baa yaa kubi ŋuabila taa, o lielo dupen bonbitaa, o taalo mo duven dayuagu.

1 Samueli 10:3 ပူးပေါင်းရင်းမြစ်များ

Mi cilima 28:19

O den yini laa kaanu Betela lan bua ki yedi: «U Tienu diegu.» Ama laa dogu den kpa yi Lusa.

Mi cilima 28:22

Min sieni yaa tanli ke li tua bontiadikaala yeni baa tua U Tienu yaa dieli. N go baa pa ŋa *dim ŋan puni nni yaala kuli yaa siiga.»

Mi cilima 35:1

U Tienu den yedi Jakobo: «Fii ki gedi Betela ki ban yaa ye lankani. Lankani a baa maa li *padibinbinli U Tienu yua n den doagidi a kani yaa po, ŋan den tiini a kpelo Esayu yaa yogunu.»

Mi cilima 35:3

Ti baa fii ki gedi Betela. Lankani n baa maa li padibinbinli U Tienu yua n den cengi n miabu n falaciamo daali po, yua n den ye leni nni min den goadi yaa goada nni kuli.»

Pisomi 89:12

Fini n die tanpoli, fini n die ki tinga moko. Ŋanduna leni yaala n ye lienni kuli, fini n tagi la.

Jeremi 32:8

Lanwani Anameeli n yiado bijua den cua n kani nani Li Miali Diedo n den maadi maama yeni li kpaadidieli luolu nni ki yedi nni: «Daa n kuanu yu n ye Anatoti Benjamina diema yeni nni kelima a pia u sanu ki diedi u ki go da u moko.» Lanwani n den bandi ke li den tie Li Miali Diedo yaa maame.

Levi 1:10

O nilo yeni padili yaa tie padijuukaali ki tie yanbiga, li yaa tie pia bi ŋuabo, o baa padi bontonli yaali n ki pia poadi.

Levi 23:13

Yi go baa pugini yaa paabu n tie ne: yaa yoma n kali leni mi kpama kilo bonba luoba, man tua yaa paabu n sia leni mi fantama, ki pia u nuulimanu Li Miali Diedo po. Yi go baa cuani duven litidi yendo leni boagidima, li*ñincabili yaa po.

Levi 3:12

Li yaa tie ŋuabo, o baa cuani o u kaangagidiŋanmoanu nintuali.

Levi 3:6

O yaa baa padi yanbiga mi taanyenma padili, ki yanga yeni yaa tie bontonga bi bonsiaga, o baa taa yua n ki pia poadi.

Levi 7:13

O go baa cuani yaa dupen n pia li dabinli ki taani leni laa jiema kuli, likuli n taani ki tua o tuondi leni o taanyenma padili.

Josue 19:12

U den ñani Sadidi ki gondi ki teli puoli ki ban pundi hali Kisiloti-Talidi dogu bianu. U den tagini ki ñani Dabilati dogu ki ban gedi hali Jafia dogu.

Josue 19:22

U bianu den tagini ki ñani Taboli, Sasatisima, Beti-Semesi ki ban juodi Judana kani. Bi diema den pia piiga n dogi luoba leni i tinkundogi.

Bi Bujiaba 20:18

Bani Isalele yaaba den fii ki gedi Betela dogu ki mia Li Miali Diedo ki buali o: «Ti siiga ŋme baa kpa gedi ki tuogi leni Benjamina buolu yaaba yeni?» Li Miali Diedo den goa ki yedi: «Juda buolu yaaba n kpa gedi.»

Bi Bujiaba 20:27

Li sua laa yogunu ke Li Miali Diedo*ŋantaadikpaku ye Betela. Alono yaabili Finea, Eleyasala bijua, n den kubi ku tuonli. Isalele yaaba den mia Li Miali Diedo ki buali o bi didi yaa go baa gedi ki ban tuogi leni bi kpiiba Benjamina buolu yaaba, bi bi yaa baa cede. Li Miali Diedo den goa ki yedi ba: «Gedi mani. Saala n baa taa ba ki teni yi nuu nni.»

Bi Bujiaba 4:12

Bi den waani Sisela ke Abinoami bijua Balaka doni Taboli juali.

Bi Bujiaba 4:6

Debola den soani ke bi ban yini Abinoami bijua Balaka Kadesa dogu ki ye Nefitali yaaba diema nni, ke o cua ke o yedi o: «Li Miali Diedo Isalele yaaba Tienu yedi: ‹Ŋan fii ki taa Nefitali buolu siiga leni Sabulono buolu siiga, toatieba tudapiiga (10 000) ki gedi Taboli juali po.

Bi Bujiaba 8:18

Jedeyono den buali Sebaki leni Salimuna: «Yin den kpa yaaba Taboli yeni den tie lede?» Bi den goa ki yedi o: «Bi den naani leni fini, yua kuli den tie nani badibiga yene.»

1 Samueli 10:4

Bi baa fuondi a ki pa ŋa dupen ŋan ga.