1 Samueli 10:26 - Gourmanchéma Bible

²⁶ Sayula den kuni o denpo Gibeya. Bi nitianba den yegi leni o, U Tienu n den maadi leni yaaba yaa pala.

U TIENU MAAMA TILI 2013

²⁶ Sayuli den kuni o denpo Gibeya. U Tienu n den maadi leni yaaba yaa pala, bi tianba den yegi leni o.

1 Samueli 10:26 ပူးပေါင်းရင်းမြစ်များ

2 Samueli 21:6

Lani yaa po ban teni ti jaba lele o bila siiga, ti baa joani ba ki soadi ba U Tienu nintuali, wani Li Miali Diedo n den gandi yaa bado Sayula dogu Gibeya niinni.» O bado den yedi: «N baa teni yi ba.»

Esidirasi 1:5

Juda buolu yudanba leni Benjamina buolu yudanba leni bi kopadicianba leni Lefi buolu yaaba kuli siiga, U Tienu n den kuani yaaba yaa yama nni ban gedi Jelusalema ki ban maa Li Miali Diedo diegu kuli, den bogini ki baa gedi.

Pisomi 110:3

A niba pia li yankuali bonŋanla A paalu n doagidi yaa daali. Nani ku mangu n yen luoni u tiŋafaanu maama, A jawaaba baa cua a kani ki laa yaa tiadi n gagidi U Tienu po.

Esayi 10:29

Bi tagini ki ban cuoni ki tua: «Tin baan taani ki kali naani tie Geba. Ti jawaandi cuo Lama yaaba ke bi digibi. Sayula dogu Gibeya yaaba cuo mi nuama.

Jesu Tondiba Tuona 13:48

Bi nilanba n den gbadi mi naa maama, bi pala den mangi ke bi pagi o Diedo maama. U Tienu n den gandi yaaba ke ban baa yaa miali n kan gbeni kuli den tuo ki daani.

Jesu Tondiba Tuona 7:10

Ama U Tienu den ye leni o ki ga o wan ye yaa fala kuli nni. O go den puni o mi yanfomoanma ki teni ke Ejipiti bado*Falono mani leni o, ki dini o li bali ke o tua Ejipiti gufeneeli ki go die wani Falono diegu nni kuli.

Josue 18:28

Tisela, Elefi, Jebusa, lani n tie Jelusalema, Gibeyati leni Kilijati, piiga n dogi naa leni i tinkundogi. Likuli den tie Benjamina buolu yaaba yaa biinu.

Bi Bujiaba 20:14

Benjamina buolu yaaba den ñanñani bi dogi nni ki taani Gibeya ki baa tuogi leni Isalele yaaba bu toabu.

1 Samueli 11:4

A tonda den gedi ki ban pundi Sayula dogu Gibeya, ki togidi laa maama bi niba kuli kani, ke bi niba kuli den buudi boncianla.

1 Samueli 13:2

Sayula den gandi Isalele yaaba siiga jaba tudataa (3 000). Jaba tudalie (2 000) den ye leni o Mikimasi dogu leni yaa juana n ye Betela dogu. Tudili mo den ye leni Jonatan Gibeya dogu ki ye Benjamina diema nni. Sayula den cabi yaa toatieba n sieni ke yua kuli kuni ki ban kua o gbandieli nni.

1 Samueli 15:34

Lani yaa puoli Samueli den fii ki gedi Lama, Sayula mo den kuni o denpo yaa dogu n yi Sayula Gibeya po.