1 Samueli 10:22 - Gourmanchéma Bible

²² Bi go den buali Li Miali Diedo ki yedi: «O nilo yeni cua ti siiga bii?» Li Miali Diedo den goa ki yedi: «Diidi, o wuo ti tiadi nni.»

U TIENU MAAMA TILI 2013

²² Bi go den buali o Diedo ki yedi: «O nilo yeni cua ti siiga bi?» O Diedo den guani ki yedi: «Diidi, o wuo ti tiadi nni.»

1 Samueli 10:22 ပူးပေါင်းရင်းမြစ်များ

Mi cilima 25:22

A bila den bobini biyaba o tugu nni ke o yedi: «Be baa nni da?» O den gedi ki mia Li Miali Diedo.

2 Samueli 2:1

Laa bonla kuli n den tieni ki pendi, Dafidi den buali Li Miali Diedo ki yedi: «Min gedi ki ban kua Juda diema dogi doyendu nni bi?» Li Miali Diedo den goa ki yedi o: «Gedi.» Dafidi den yedi: «Min gedi u laa dogu?» Li Miali Diedo den goa ki yedi o: «Ebiloni.»

2 Samueli 21:1

Dafidi n den tie bado yaa yogunu, mi koma den tieni ki waagi hali bina taa. Dafidi den mia Li Miali Diedo ki buali o lan tie yaala. Li Miali Diedo den goa ki yedi: «Li tie kelima Sayula leni o diegu kukpama po yo ke mi koma tieni, li tie kelima Sayula kpa Gabaono yaaba.»

Mi Coadima 27:21

O yen baa cua o kopadiciamo Eleyasala kani, wan diidi*Ulima ki buali nni ki bandi n yanbuama. Wani oba, Isalele yaaba, leni li nitaanli kuli baa tuo ki yaa tiendi Eleyasala ñoabona, ki yen ña wan yedi ban ña yaa yogunu, ki kua wan didi yedi ban kua yaa yogunu.»

Luki 14:11

Yua n fiini o yuli kuli, U Tienu baa jiini o, yua n jiini o yuli mo kuli, U Tienu baa fiini o.»

Bi Bujiaba 1:1

Josue n den kpe, Isalele yaaba den mia Li Miali Diedo ke wan waani ba bi buoli siiga yaa buolu n baa kpa gedi ki tuogi Kanana yaaba bu toabu.

Bi Bujiaba 20:18

Bani Isalele yaaba den fii ki gedi Betela dogu ki mia Li Miali Diedo ki buali o: «Ti siiga ŋme baa kpa gedi ki tuogi leni Benjamina buolu yaaba yeni?» Li Miali Diedo den goa ki yedi: «Juda buolu yaaba n kpa gedi.»

1 Samueli 10:21

O den teni ke Benjamina buolu nagini, yua kuli leni o niba, ke U Tienu gandi Matili yaa diegu. Laa diegu yaaba den nagini ke U Tienu gandi Kisi bijua Sayula. Bi den lingi o ki naa laa o.

1 Samueli 14:37

Lanwani Sayula den buali U Tienu: «Min fii ki jiidi ki baa Filisiti yaaba bi? A baa taa ba ki teni tinba Isalele yaaba nuu nni bi?» Ama laa daali U Tienu ki den guani o liba.

1 Samueli 15:17

Samueli den yedi: «Ŋan den nua a yuli ke a tie biga yaa yogunu, ŋaa den tua Isalele buolu yudaano te? Li Miali Diedo ki den gagidi a ki dini a li bali ke a tua Isalele yaaba bado te?

1 Samueli 22:10

Ahimeleki den mia opo Li Miali Diedo ki buali o opo, ki puni o li bonjekaala leni Filisiti yua Goliati jugisiega.»

1 Samueli 23:9

Dafidi n den bandi Sayula n jagi opo yaa jagibiadili, o den teni ke o kopadiciamo Abiata cuani u benŋuunu yeni,

1 Samueli 30:7

Dafidi den yedi o kopadiciamo Ahimeleki bijua Abiata: «Taa o kopadiciamo liadibiga, *benŋuunu, ki cuani ne.» Abiata den taa u benŋuunu yeni ki cuani Dafidi kani.

1 Samueli 30:8

Dafidi den buali Li Miali Diedo ki yedi: «Min ŋoadi li toagoli yeni bi? N baa nandi ba bi?» Li Miali Diedo den goa ki yedi o: «Ŋoadi ba kelima a baa nandi ba ki faabi yi niba.»

1 Samueli 9:21

Sayula den goa ki yedi o: «Mii tie Benjamina buolu yua kaa, Isalele buoli kuli siiga yaa buolu n wa ki cie? N yaa diegu mo ka wa ki cie Benjamina diedi siiga kuli? Lanwani be yaa po ke a maadi nni mine?»