1 Samueli 1:3 - Gourmanchéma Bible

³ Binli kuli Elikana den yen fii o dogu nni ki gedi Silo dogu ki ban kpiagi Li Miali Diedo, U Paaciamu Daano, ki padi opo a pada. Eli bijaliediba Ofini leni Finea den ye likani ki tie Li Miali Diedo kopadicianba.

U TIENU MAAMA TILI 2013

³ Binli kuli, Elikana yen fii o dogu nni ki gedi Silo ki ban kpiagi Li Miali Diedo, U Paaciamu Kuli Daano, ki padi o po a pada. Eli bijaliediba Ofini leni Finea den ye likani ki tie o Diedo kopadicianba.

1 Samueli 1:3 ပူးပေါင်းရင်းမြစ်များ

Pisomi 78:60

O den ŋa Silo diegu, Wan den tii yaa gbandieli ki ye bi niba siiga yeni.

Mi Ñama 23:14

Li binli nni figilima taa ŋan tieni mi *jaanma n yeli yaa kpiagidi po.

Mi Ñama 23:17

Li binli nni figilima taa, ja kuli n tu ja Isalele yaaba siiga baa cua Li Miali Diedo U Tienu nintuali.

Mi Ñama 34:23

Yi jaba kuli baa cua mini yi Diedo, Li Miali Diedo Isalele yaaba Tienu kani taalima taa binli kuli nni.

Luki 2:41

Jesu danba den maani ki caa Jelusalema binli kuli mi *Pendima jaanma yogunu.

Mi Tiadima 16:16

Binli kuli taalima taa, yi siiga bi jaba kuli baa cua Li Miali Diedo yi Tienu nintuali, wan gandi yaa kaanu yeni kani, yaa dupen n ki pia dabinli jaanma po, dana lele taalima lele jaanma po, leni a koasuga jaanma po. Bi kan cua Li Miali Diedo nintuali leni nikuomi.

Josue 18:1

Isalele yaaba n den paadi mi diema, bikuli den taani Silo dogu nni ki tii likani u *Kadikaanu gbandieli.

Bi Bujiaba 18:31

Bi den sieni bipo Mika n den tieni yaa nannanli yeni ke bi kubi li Li Miali Diedo diegu n den ye Silo yaa yogunu kuli.

Bi Bujiaba 21:19

Lane bi den tiadi ke li kan waagi ke bi baa jaani binli kuli ban jaani yaa *jaanma Li Miali Diedo po. Bi baa jaani ma Silo dogu ki ye Betela jienu, Lebona ganu, yaa sanu n ñani Betela ki caa Sikema puoli.

1 Samueli 1:21

Li yaa puoli o calo Elikana den goa ki gedi Silo, wani leni o denpo yaaba kuli ki ban padi Li Miali Diedo po binli kuli padili leni wan den niani U Tienu yaa nianli.

1 Samueli 1:9

Ban den dini ki go ñuni Silo dogu nni, Ana den fii ki gedi Li Miali Diedo diegu buliñoabu kani. O kopadiciamo Eli den kaa li bonkalikaala po ki kuu Li Miali Diedo diegu buliñoakpianu daadi dayengu kani.

1 Samueli 14:3

Ahitubi bijua Ahiya moko den ye leni o. Ahitubi yeni den tie Ikabodi kpelo ki go tie Finea bijua. Fineya mo den tie Eli bijua, yua n den tie U Tienu kopadiciamo Silo po. Ahiya den la bi kopadicianba bado n yen laa yaa liadibiga ke ki tie *benŋuunu. Bi toatieba naa den bani ke Jonatan fii ki gedi.

1 Samueli 2:19

Binli kuli o naa den yen tieni opo ki liadibiga ki cuani opo, wani leni o calo yaa kpendi ki baa padi binli kuli yaa padili.

1 Samueli 2:34

Diidi ki le yaala n baa tieni a bijaliediba Ofini leni Finea ki tua apo sinankeeni ke likuli baa tieni. Bani yeni kuli baa taani ki kpe dayenli.

1 Samueli 3:13

N den kadi ki waani o ke n baa bu ki cuo o diegu yaa yogu n tu yaa yogu kelima o bila tiendi ti cagindi ke o bani ki naa tundi ba.

1 Samueli 4:11

Filisiti yaaba den fie U Tienu ŋantaadikpaku ki ku Eli bijaliediba Ofini leni Finea.

1 Samueli 4:4

Isalele yaaba den soani Silo ke bi ban taa Li Miali Diedo, U Paaciamu Daano yua n kaa o bali kalikaanu po*selubanba tanpoli yaa ŋantaadikpaku. Eli bijaliediba Ofini leni Finea moko den yegi leni U Tienu ŋantaadikpaku.