1 Samueli 1:24 - Gourmanchéma Bible

²⁴ Wan den babidi o, o den taa o ke bi gedi Silo. O den taa naatona taa leni mi yoma baabuogu leni mi daama dayuagu. O den ban kuani o Li Miali Diedo diegu nni baa ke o da tie bonwaaga.

U TIENU MAAMA TILI 2013

²⁴ Wan den babidi o, o den taa o ke bi gedi Silo. O den taa naatonataa leni mi yoma baabuogu leni mi daama dayuagu. O den ban kuani o o Diedo diegu nni, ba ke o da tie bonwaaga.

1 Samueli 1:24 ပူးပေါင်းရင်းမြစ်များ

Mi cilima 21:8

Ki biga den yabidi ke bi den babidi o li biili. Abalahama den tieni mi jaanjecianma ban den babidi Isaaka li biili yaa daali.

1 Bi Badiba 11:20

Tapenesi naataanu den mali Hadadi po bonjaga ke bi yini o Genubati. Tapenesi den babidi o Falono diegu nni. Genubati den ye lankani, Falono bila siiga.

Matie 13:33

O go den pua ba mi naa kpanjama: «Tanpoli diema tie nani li *dabinli ke o pua taa ki buuni yonyiemu taa, ki sieni hali likuli n pili.»

Mi Tiadima 12:11

Lankani n baa yaa tie Li Miali Diedo yi Tienu n gandi yaa kaanu ki baa teni o yeli n yaa ye. Lankane yi baa kpendinni min bili yipo yaala kuli lan tie: yi padijuukaana, yi pada, yi dim, yin ñandi yaala opo yi kpaandi nni leni yin baa niani Li Miali Diedo yaa paabu kuli.

Mi Tiadima 16:16

Binli kuli taalima taa, yi siiga bi jaba kuli baa cua Li Miali Diedo yi Tienu nintuali, wan gandi yaa kaanu yeni kani, yaa dupen n ki pia dabinli jaanma po, dana lele taalima lele jaanma po, leni a koasuga jaanma po. Bi kan cua Li Miali Diedo nintuali leni nikuomi.

Josue 18:1

Isalele yaaba n den paadi mi diema, bikuli den taani Silo dogu nni ki tii likani u *Kadikaanu gbandieli.