1 Samueli 1:23 - Gourmanchéma Bible

²³ O calo Elikana den yedi o: «Tieni ŋan sua maama, guudi hali a yaa babidi o. Li Miali Diedo n kuani o ñoabonli be.» Lanwani Ana den sedi deni ki ŋaandi o biga hali wan ban babidi o.

U TIENU MAAMA TILI 2013

²³ O calo Elikana den yedi o: «Tieni nani ŋan bua maama, guudi ne hali a yaa babidi o. O Diedo n kuani o ñoamabonli be.» Lanwani, Anna den sedi deni ki ŋaandi o biga hali wan ban babidi o.

1 Samueli 1:23 ပူးပေါင်းရင်းမြစ်များ

2 Samueli 7:25

Moala, Li Miali Diedo U Tienu, ŋan tieni ŋan yedi yaala, ŋan teni ke ŋan niani mini a naacemo leni n diegu yaala kuli n yaa ye hali yaa yogunu kuli.

1 Bi Badiba 3:21

Ku tiŋaagu, min fundi ki baa ŋaani n biga, n sua ke ki kpe. N diidi o bonŋanla ku tiŋaagu ki sua ke n yaa biga, min den mali yaaga ka.»

Pisomi 22:9

Ki tua nni: «A taa a yema ki piani Li Miali Diedo, To lanwani Li Miali Diedo n nan faabi a! Wani yua n bua ŋa yeni, wan gaa ŋa!»

Esayi 44:26

N saagi o naacemo maama po moamoani. N tonda n pua sawali yaali yaa po mo, o tiendi la. N yedi Jelusalema dogu po: ‹U baa goa ki baa bi niba,› Ki go yedi Juda diema dogi mo: ‹Bi baa goa ki maa bi diebuona.›

Mi Coadima 30:12

ke o calo yeni gbadi ki ŋmini kaa yie opo, o baa kuani wan den niani yaa ñoaniani leni wan den loli o yuli leni yaa pola kuli.

Matie 24:19

Fala baa ye leni yaa puoba n punbi, leni yaaba n da ŋaandi laa dana nni.

Luki 11:27

Jesu n den maadi yeni yaa yogunu, o pua den kpaani ku niligu siiga ki yedi o: «Li pamanli ye leni yaa pua n mali a leni yaa biina n ŋaani a kuli.»

1 Samueli 1:17

Eli den goa ki yedi o: «Fii ki yaa kuni leni mi yanduanma. Isalele yaaba Tienu n pa ŋa ŋan mia o yaala.»

1 Samueli 14:36

Sayula den yedi: «Tin fii mani yaa ñiagu n tie na ki jiidi ki baa Filisiti yaaba ki fie ba hali lan ban faa. Tin da ŋa bi siiga baa niyendo leni miali.» Bi toatieba den yedi: «Tieni ŋan sua maama kuli.» O kopadiciamo den yedi: «Cua mani ne tin buali U Tienu tin baa tieni yaala.»

1 Samueli 14:40

Lanwani o den yedi Isalele yaaba kuli: «Yikuli n taani mani poyendu, mini leni n bijua mo baa sedi poyendu.» Bi toatieba den yedi Sayula: «Tieni ŋan sua maama.»