1 Samueli 1:21 - Gourmanchéma Bible

²¹ Li yaa puoli o calo Elikana den goa ki gedi Silo, wani leni o denpo yaaba kuli ki ban padi Li Miali Diedo po binli kuli padili leni wan den niani U Tienu yaa nianli.

U TIENU MAAMA TILI 2013

²¹ Li yaa puoli, o calo Elikana den guani ki gedi Silo, wani leni o diegu yaaba kuli ki ban padi o Diedo po binli kuli padili, ki go kuani o nianli.

1 Samueli 1:21 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoabonli o bijaba po leni o diegu yaaba po, yaaba n baa ŋua o puoli ke baa kubi Li Miali Diedo yaa sanu ki go tieni yaala n tiegi ki yaa kubi mi *teginma. Li tie lani yaa po ke Li Miali Diedo baa tieni Abalahama po wan den niani o yaala kuli.»

Pisomi 101:2

N bua ki yaa suagi liiga li papienli nni. A baa cua n kani be yogune? N baa cuoni leni li papienli n diegu nni.

Mi Tiadima 12:11

Lankani n baa yaa tie Li Miali Diedo yi Tienu n gandi yaa kaanu ki baa teni o yeli n yaa ye. Lankane yi baa kpendinni min bili yipo yaala kuli lan tie: yi padijuukaana, yi pada, yi dim, yin ñandi yaala opo yi kpaandi nni leni yin baa niani Li Miali Diedo yaa paabu kuli.

Mi Tiadima 12:6

Lankane yi baa kpendinni yi padijuukaana, yi pada, yi *dim, yin ñani yi kpaandi nni yaala, yin niani yaa paabu leni yi yantiali po yaa paabu, yi yanbidi leni yi yangbenga bontonkpiamu kuli.

Josue 24:15

Yi yaa bua ki yaa ŋua Li Miali Diedo, yin gandi mani dinla yin bua ki yaa ŋua yua, li yaa tie yi yaajanba n den ŋua yaa buli Yufilata duoli po yo, bi li yaa ko tie Amola yaaba, yin ye yaaba yaa diema nni, n ŋua yaa buli yo. Mini leni n diegu yaaba wani, ti baa yaa ŋua Li Miali Diedo yo.»

1 Samueli 1:3

Binli kuli Elikana den yen fii o dogu nni ki gedi Silo dogu ki ban kpiagi Li Miali Diedo, U Paaciamu Daano, ki padi opo a pada. Eli bijaliediba Ofini leni Finea den ye likani ki tie Li Miali Diedo kopadicianba.

1 Samueli 2:19

Binli kuli o naa den yen tieni opo ki liadibiga ki cuani opo, wani leni o calo yaa kpendi ki baa padi binli kuli yaa padili.