1 Pieri 5:8 - Gourmanchéma Bible

⁸ Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni.

U TIENU MAAMA TILI 2013

⁸ Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni.

1 Pieri 5:8 ပူးပေါင်းရင်းမြစ်များ

Esiteri 7:6

Esita den goa ki yedi o: «Ti yibali, yua n wangi ti fala, tie Hamana, yaa nibiado n tie na.» Ti jawaanciandi den cuo Hamana o bado leni o pobado nintuali.

Jobi 2:2

Li Miali Diedo den buali Sutaani: «A ñani le yo?» Sutaani den yedi Li Miali Diedo: «N da li goadi n goada ki gangi ki lindi ki tinga nni.»

Pisomi 104:21

A yangbanbila yen bieni ki lingi bi bonjekaala, Bikuli miadi fine li bonjekaala.

Pisomi 109:6

Bi tua: «Teni o nibiado n fii ki sedi opo, Ki baa yua mo n baa sedi o jienu ki yaa kuliti o.

Mi Kpanjama 19:12

O bado pabienli tie nani o yangbanlo dunli yene. O ŋanma mo tie nani ku mangu ti muadi nni yeni.

Mi Kpanjama 20:2

Yaa bado yaa pali n beni tie nani yaa yangbanlo n duni yeni. Yua n bieni o bado pali mo lingi o yuli po janjanma.

Mi Kpanjama 28:15

Nibiado yaa gobidi yaa niba n luo, Li tie nani yaa yangbanlo n duni, Bi nani mi koma n gbadi ulisi yeni.

Esayi 50:8

Yua n saagi npo i moamoani nagini. Ŋme n bua ki bu leni nni? Tin taani ki tuogi leni tiyaba. Ŋme n baa yie ke bi kan saa npo i moamoani? Wan yaa togidi nne!

Jeremi 2:15

Ti yangbanbidi fii ki sedi bipo ki duni Ki mua mi jama ki duni Ki cuani mi diema po li paboanli. Niba ki go ye ban juu bi dogi yi yeni niinni.

Jeremi 51:38

Bikuli baa taani ki duni nani a yangbanbila yeni. Bi baa duni nani bi yangbanjawaaba yeni.

Esekieli 19:7

O den pua ki mudi bi badiba diedi, Ki den teni ke bi dogi kuli tua diegbendi. Mi diema leni mi niba kuli den ye leni ti jawaandi Bi yaa gbadi o dunli yaa yogunu.

Esekieli 22:25

U sawalipuaba fiini mi yiema u niinni, nani yaa yangbanlo n yen duni ki toadi toadi wan cuo yaa yanga maama yeni. Bi fenli bi niba piama leni bi tiadi yaadi n pia mayuli, ki kpaani bi niba ki teni ke bi kpepuona yabidi ki pugidi.

Danieli 6:24

Lani o bado pali den mangi boncianla ke o teni ke bi ñani Danieli ku buogu nni. Ban den ñani o, baa den laa opo poagilimaba kuli kelima o den dugi U Tienu po.

Ose Tili 11:10

Bi baa ŋoadi Li Miali Diedo Yua n baa duni nani o yangbanlo yeni. O baa duni ki yini o bila, Bi baa ña hali mi ñincianma liiga, Ki jaligi ki sani ki cua.

Ose Tili 13:8

N baa libi yi nani yaa fuayanbiadiga ke bi cuo o bila yeni. N baa luodi yi bena, Ki ŋmani yi pala. N baa ŋmani yi li buoli nni nani o yangbanñua yeni. Ti fuayandi baa dadi ki toadi yi.

Amosi 1:2

Amosi den tua: «Li Miali Diedo ye Siyono ki buoni. O ye hali Jelusalema ki kpaani. A yankpaafuana kuodi Kalimeli juali yuli po kuodi.»

Amosi 3:4

Naani o yangbanlo baa buo li fuali nni Kaa laa wan baa cuo yaala? Naani o yangbanlo baa laabi o tuugu nni Ki buoni kaa pia wan cuo yaala?

Amosi 3:8

O yangbanlo yaa buoni ŋme kan jie? O Diedo, Li Miali Diedo U Tienu yaa maadi Ŋme n kan pua sawali?»

Sakari 11:3

Bi gobidikaaba buudi, Kelima bi kpiagidi gbeni. I yangbanli duni, Kelima yaa fuali n den baali Judana kpenu Ke bi wuonkaani ye lienni yeni bodi.

Sakari 3:1

Li Miali Diedo den teni ke n laa bi kopadicianba bado Josue, ke o se Li Miali Diedo maleki nintuali. Sutaani den se Josue jienu po ki bua ki kuli o.

Matie 13:39

Yibali yua n buli ti moabiaditi tie Sutaani. U jetaagu yogunu tie ŋanduna juodima. U jetaagu danba mo tie malekinba.

Matie 24:42

Lani yaa po yin yaa gu mani, kelima yii bani yi Diedo n baa cua yaa daali.

Matie 25:41

Li yaa puoli o baa yedi yaaba n ye o ganu: ‹Fuadi mani n kani, yinba ti solindi yaaba, gedi mani yaa *fantanbuogu n ki pia gbindima po, ban den gbiidi yaagu ku *tuotabigu yudaano leni o yaa malekinba yaa po.

Matie 4:1

Lani n pendi *U Tienu Fuoma den gedini Jesu mi fanpienma nni ke Sutaani tulini o.

Matie 4:11

Lane Sutaani den ŋa Jesu. Lanyogunu malekinba den cua Jesu kani ki tuuni opo.

Marki 4:15

Bi nitianba tie nani yaa bonbi n baa u sankunu yeni. Bi yaa gbadi ma yaa yogunu, Sutaani n cua ki ñani yaa maama n pagi bi pala nni.

Luki 21:34

Fangi mani yi yula, ki da tuo mi jekandikaama leni li dañokandikaali leni mi yema yanyagidi n fie yi yantiana ki guli yi ke laa daali n da cua ki ludi yi.

Luki 21:36

Lani yaa po yin yaa ji mani ki yaa jaandi U Tienu yaa yogunu kuli, ke yin fidi ki ña yaa bonla n baa cua kuli nni, ki sedi o Ja Bijua kani.»

Luki 22:31

Jesu go den yedi: «Simono, Simono, diidi, Sutaani den mia ke wan baa u sanu ki yagi yikuli nani ban yagini *ŋalikama maama yeni.

Jan n diani U Tienu Laabaaliŋamo maama 8:44

Yi baa n tie Sutaani, yi bua ki yaa tiendi wani yi baa yaa yanbuama. O tie nikpalo hali mi cilima, waa ye i moamoani nni kelima i moamoani ki ye o niinni. O yaa pua mi faama, o maadi nani wani oba yantiali n tie maama, kelima o tie o tuofaadaano ki go tie mi faama kuli yaa baa.

2 Korenti 2:11

ke Sutaani n da ti fidi ti, kelima ti bani o jagibiada po.

Efesa 4:27

Da pa mani ku *tuotabigu yudaano u kaanu yi pala nni.

Efesa 6:11

Yin bobi mani U Tienu n puni yi yaa toatiadi kuli ke yin fidi ki yaa se bonŋanla, ki yie ku *tuotabigu yudaano nunfanbiadibu kuli po.

1 Timote 2:15

Baa yeni, o baa faabi kelima o maalu po, li yaa tie ke o se li dandanli nni, leni mi buama, leni mi gagidiŋanma leni li yukubili kuli nni.

1 Timote 2:9

N go bua ke bi puoba n yaa yie yaa tiadi n dagidi, ki pia li fangili leni li yukubili, ki da sibidi biba leni i yupiani leni wula tiadi, leni yaa lanbima yaa dunga pa, leni tiatoadi moko yaadi yaa dunga n pa.

1 Timote 3:11

Bi puoba moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba po li bonla kuli nni.

1 Timote 3:2

Li tie tiladi ke yua n tie o gobidika Kilisiti n yini yaaba siiga n da pia ban baa fidi ki kuli o leni yaala. Wan yaa pia poyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima.

2 Timote 4:17

Wani o Diedo den todi nni ki puni nni u fidu ke n fidi ki waani o Laabaaliŋamo kuli cain, ke bi nilanba kuli n gbadi. O den ga nni o yangbanlo ñoabu nni.

Titi 1:8

Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi U Tienu po, ki kubi o yuli.

Titi 2:12

Li bangi ti ke tin paadi leni U Tienu yiema leni ŋanduna bonbuakaala, ki yaa ye ŋanduna na niinni leni li yantiaŋanli, ki tiendi yaala n tiegi, ki fangi U Tienu,

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li*dandanli nni leni mi buama leni li juunli nni.

Titi 2:4

ki tundi bi pomadiba ban yaa bua bi ciaba leni bi bila,

Titi 2:6

Ŋan go yaa tundi bi jawaaba mo ke ban yaa pia mi yama li bonla kuli nni.

Jaki 4:7

Lanwani yin yaa miindi mani yi yula U Tienu kani. Yin yaa yiedi mani ku *tuotabigu yudaano po, lani o baa sani ki foagidi yikani.

1 Pieri 1:13

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni Jesu Kilisiti n baa doagidi yaa yogunu.

1 Pieri 4:7

Li bonla kuli juodima nagini. Yin faami mani ki yaa kubi yi yula, ke yin fidi ki yaa jaandi.

Mi Doagidima 12:10

Lani n den gbadi ke u nialiciamu kpaani tanpoli po ki yedi: «Moala ti Tienu *tindima, O paaciamu leni o diema cua, Wani *Gandi Yua mo Yaa bali yogunu moko pundi, Kelima bi ñani ku tuotabigu yudaano Tanpoli po ki luni, Wani yua n den kuliti ti kpiiba U Tienu kani U yensiinu leni ku ñiagu kuli.

Mi Doagidima 12:12

Lani yaa po tanpoli, Leni yinba yaaba n ye lipo, Yin mangi mani yi pala. Ama o falaciamo ye leni yinba Ki tinga leni mi ñincianma, Kelima ku tuotabigu yudaano Jiidi yi kani leni li pabienli Kelima o bani ke o yogunu ki fuu.»

Mi Doagidima 12:9

Bi den luni o bonfuodi-biadiciamo yeni, wani o waakpelo, ban go yi yua ku *tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga nni, wani leni o malekinba.

Mi Doagidima 20:10

Bi den luni ku tuotabigu yudaano yua n den boandi ba, u fantankpenu nni, li cidibili n co mi fantama naani, ki fuayanga leni o sawalipua-faadaano n ye naankani, ke bikuli baa ye leni mi funfunma u yensiinu leni ku ñiagu kuli hali yaa yogunu kuli.

Mi Doagidima 20:2

O den cuo o bonfuodibiado, o waakpelo yeni, lani n tie, ku *tuotabigu yudaano Sutaani, ki loli o hali bina tudili po.

Bi Bujiaba 14:5

Samisona den yegi leni o baa leni o naa ki caa Timina. Ban den pundi Timina yaaba duven tiidi kuani kani, li yangbanbili den togidi Samisona ki mua.