1 Pieri 5:3 - Gourmanchéma Bible

³ Yin da gobidi ban piani yaaba leni u paalu, ama yin yaa tie li bontogidikaala u yankulu po.

U TIENU MAAMA TILI 2013

³ Yin da gobidi ban piani yi yaaba leni u paalu, ama yin yaa tie li bontogidikaala u yankulu po.

1 Pieri 5:3 ပူးပေါင်းရင်းမြစ်များ

Pisomi 33:12

Li pamanli ye leni Li Miali Diedo n tie yaa nibuolu yaa Tienu. Li pamanli ye leni Li Miali Diedo n gandi yaa niba ki baa yaa die ba.

Pisomi 74:2

Tiadi a niba po, Ŋan den daa ki faabi yaaba hali yogu. Ŋan den daa ki faabi yaaba ke bi tua a yaaba. Tiadi Siyono juali po ŋan den ye naani.

Esekieli 34:4

Yi naa den paagi yaa pe n tadi yaa gbani. Yii den bu yaaba n den yia, ki naa den tieni u ñoagu ki fini li cabili yua yaa taali n den kua. Yi naa den guani yaaba n yaadi, ki naa den lingi yaaba n tadi mo. Ama yi den diedi ba leni u paalu leni ki mabinga.

Mise 7:14

U Tienu, taa a yankpaagbiamu ki yaa kpaa a niba, Bani yaa nigoli n tie a piama yeni, Bani, yaaba n ye bi bebe Kalimeli fuasieli Ki pia yaa tisoangidi n yaba leni yaa yankpaakaani n yaba. Ŋan go yaa kpaa ba nani ŋan den kpa kpaa ba maama Yaa yankpaakaani n ŋani boncianla ki ye Basana leni Galaadi diema nni yeni.

Mi Coadima 18:7

Fini leni a bijaba mo n baa yaa tuuni yi kopadician-tuonli li padibinbinli kani leni u *kaangagidiŋanmoanu nni, yu n ye bu *kpalidoaginkaabu puoli po yeni. Yi kopadician-tuonli yeni tie min puni yi yaa tuonli. Yua n ki tie Alono buolu yua yaa nagini likani o baa kpe.»

Jan n diani U Tienu Laabaaliŋamo maama 13:15

Kelima n ŋa yipo bontogidikaale, ke yi mo n yaa tiendi nani min tieni yipo maama yeni.

Jesu Tondiba Tuona 20:28

Yin yaa fangi mani yi yula po ki go yaa gu u yankulu kuli, yu n tie Kilisiti n yini yaaba, U Tienu Fuoma Yua n kaani yi yaaba yaa siiga ke yin yaa tie bi gobidikaaba, ki tie nani bi yankpaaba ki yaa kpaa U Tienu nitaanli yaaba, wan da yaaba leni o soaceli.

1 Korenti 11:11

Yaala n tie o Diedo nni yaa po, o pua yema kan dagidi se ja n yaa ye, o ja mo yema kan dagidi se pua n yaa ye.

1 Korenti 3:5

yii ŋua li nisaali-yantiali kaa? Apolosa tie ŋme? Polo tie ŋme? Ti tie o Diedo naacenba bebe, yaaba n den cuani yipo o Laabaaliŋamo, ke yi daani nani o Diedo n puogi yua kuli maama.

1 Korenti 3:9

Kelima ti taa ki tuuni leni U Tienu. Yinba n tie U Tienu kuanu. Yi go tie U Tienu diegu.

2 Korenti 1:24

Laa tie ke ti bua ki bili yin baa yaa daani yaala ka. Ama ti bua ki todi yi yin yaa pia li pamancianli kelima yi se ke li pa li*dandanli nni.

2 Korenti 4:5

Ti mawangima nni tii wangi ti yula ka, ama ti wangi Jesu Kilisiti o Diedo, ki yi ti yula yi naacenba kelima wani Jesu yaa po.

Mi Tiadima 32:9

Kelima Li Miali Diedo biinu n tie o niba Jakobo n tie o yaa biinu.

Filipi 3:17

N kpiiba, yin yaa ŋua mani n yaa fuuli ki yaa diidi yaaba n ŋua tin ŋa yipo yaa bontogidikaala.

Filipi 4:9

Yin go yaa tiendi mani min den bangi ki tundi yi yaala, yin den gbadi ke n yedi yaala ki go laa ke n tiendi yaala. Lanwani mi yanduanma Tienu baa ye leni yi.

1 Tesaloniki 1:7

Lani yaa po yi den tua li bontogidikaala yaaba n daani kuli po, Maseduana leni Akayi diema kuli po.

2 Tesaloniki 3:9

Laa tie ke tii den pia li bali ka, ama ti den tiendi yeni kelima ti den bua ki ŋa yipo li bontogidikaala.

1 Timote 4:12

Ŋan da tuo ke niloba kuli n fali a kelima a tie jawaalo. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu nni kuli.

Titi 2:7

Ŋan tua bipo li bontogidikaala a tuonŋama nni. Ŋan yaa bangi yaa bangima n ŋani ki go pundi.

1 Pieri 2:9

Ama yinba wani, yi tie ban den gandi yaa nibuolu, o Bado yaa kopadicianba, yaa nibuolu n gagidi ki ŋani, wan baa yaa nibuolu o yuceli po. O yini yi ke yin ña li *biigili nni ki kua o yenma yaama n ŋani cain nni, ke yin yaa wangi o tuona yaa n ŋani boncianla.